Luk 21:8 - Tampulma

⁸ Yesu fun ŋɔ ba, “Ma doso ma ta wa nyɛ nandigi wa mur ma. Nidamata zi wa wau a kpa mu sɔn a yir ba titi a ŋɔ di ba ya minnɛ. Ba gbanko zi wa ŋɔ mau di saha ti telu. Ma fiɛŋ ma wa tiŋ ba.

Luk 21:8 Referans Kwoze

1 Jɔn 4:1

Mu chɛn daŋnɛ, nara ŋɔɛɛ di ba ya Koosa witinsiwa a sɛm wa o kpok ni, ma ta nyɛ ma se su ba lalaga. Witinsa ba naa ya nusun tima, kinkan piin pisiu a kaali bawu maga ni. Chendaha maa doso ba ni.

2 Tɛs. 2:3

Ma fiɛŋ ma nyɛ nara kimur ma, domi tum tagna tiina la zi wa te a wa. Tɛɛnɛ nɔ tima ba naa vɛ zim Koosa hali a wuzu ti, zi wa siu aa tiŋ tum tagna tiin ti. O saha wa peti, Koosa zi kpa unu a du din dam ni.

Ɛfɛ. 5:6

Ma ta nu nara womsi sɛma a nyɛ ba mur ma. Ba wara tiŋ Koosa nɔ. Chendaha o na paan a du ba ni a zi wa lɛrgi ba diŋsa.

Mat. 24:11

Witinsi ta nidamata ba naa vɛ zim Koosa, zi wa wau a mur nara kinkan,

2 Tim. 3:13

Amaa nimurɛ ba naa la tum tum tagna zi wa tumu aa gbaari. Ba wa la mur nara awa ba titi.

2 Jɔn 1:7

Lalaknɔ nusun tima kinkan nyɛnɛɛ. Ba wa la nɔɔni di Yesu Kristo funɛ wa tɛɛnɛ nɔ maga a wa burgi nibine. Ba naa vɛ la nɔɔni chen, ba ya nusun timwa a ya o dɔma.

Luk 17:23

Chen saha ka nandigi wa ŋɔ, ‘Kina waa nyɛn bar nɔ.’ Nandigi ka wa ŋɔ, ‘Waa nyɛn dooni,’ ma ta tiŋ o nɔ.

JɔnN Deesi 12:9

A fun duŋni a a ta tɛɛnɛ nɔ maga ni di a nyɛn dooni. Sel zen ti awa sintana ya kibɛgimnɛ. Waa ya naa ba yir dum ti a nyɛn a vusi a ya alizin tagna koora. Saha maga o yaa mur tɛɛnɛ nɔ tim magau.

Mat. 4:17

Saha ti kpa la Yesu yaa fun la biksi nara a ŋɔ ba, “Ma gil ma tum tagna a burgi tiŋ Koosa nyinbaan. Saha ti duglɛu di Koosa dɔ nara.”

JɔnN Deesi 1:3

Ba naa karimi tɔn nɔ a ŋɔ ba dɔŋtim ni awa ba naa nu chenani la zi wa ya ka ba tiŋ mu sɛma, ba tusa zi sɔɔniu kinkan. Saha naa kin nama kaa wa ya duglɛu.

Jɔn 8:24

Mu piin ŋɔ mau di ma wa zi gil tum tagna tumi hali a wuzu naa ma wa siti. Ma vɛ nyɛ ma se su min, chene ma kaa wa siti.”

Jɔn 5:43

Mu kunyana Koosa funɛ tum min di mu wa chiŋi o bar chiŋi ni, amaa ma wa la min du. Nandigi ka wa ma wati o titi nyuhu ni, ma ya la un duu.

Mat. 3:2

O funɛ ŋɔ ba, “Koosa duglɛu a la daŋni o dɔ ma. Chendaha ma gil ma tum tagna a burgi a tiŋ o nyinbaan.”

Luk 21:7

Ba nidigi fun pɛɛsi un, “Mu kunyana, saha leemawa chen kaa wa ya? Baŋa kaa wa te a ya a biksi ya di saha ti telu?”

Luk 21:9

Ma wa nu laal wɛ awa chenani nara yo dɔŋa di ba la kina maga a du ba nin ni, ma ta ɔmi. Chen wa biksi di tɛɛnɛ maga siili ti saha duglɛu.”

Jɔn 8:28

Doone Yesu fun bukoo ŋɔ ba, “Ma zi wa kpak mu waa nibine beu a kpaasi mari daakakli mu sou, ma zi wa zimu di min ya naa Koosa fun ŋɔ di o zi wa tumu wuzu digi chen. Ma gbanko zi wa zimu di sɛm na wa li mu wati. A ya sɛm naa mu nyan ti fun kpa nyɛ min nɛ.

1 Kɔr. 6:9

Ma wa zim di nibin tagna wa kizu Koosa koor tii? Ma mur ma titirɛ. Ba naa la tum chɔkumsa tuma a la nyɛ vursa jirima, a la daŋni nihaana yɔri yɔri,