Luk 21:12 - Tampulma

¹² Kin naa mu ŋɔ ma nan wa zi te ya. Ba zi wa te kpak mau kpok ni a muksi ma kinkan. Ba zi wa kpa mau a kaali ba bar lagmi dɛɛna di ba di ma sɛria a tɔ ma dɛ. Ba gbanko zi wa kpa ma la koorsa suwachaku ba di ma sɛria min daha.

Luk 21:12 Referans Kwoze

1 Pita 2:13

Ma kpak ya kunyan ti sɔn. Chendaha maa tiŋ kaŋkoorsa awa koorsa ba naa maga tiŋ ba gantɛl, nɔ. O vɔti bau di ba lɛrgi ba naa la tum tum tagna diŋsa a kipɛgi ba naa la tum tum were.

Tuma 22:30

Nihɛɛ nyuhu tiin ti funɛ daŋni o zim chenani Pɔɔl ya Ju tim ta fiksi un. Chɔɔsa funɛ wa pisi, o fun ŋɔ o lanjimasi ta ni ba pur zɔglɛ ta Pɔɔl ni a fun ŋɔ Koosa dam kɔkɔɔrsi ta awa tɔhɔn ti nihɛɛti ta ni ba lagmi. Doone o fun kpa un a chiŋsi ba suwachak ni.

Tuma 9:4

O fun chel tɛɛnɛ ni a nu ta ka o ŋɔ un, “Sɔɔl, baŋnɛ ii namsi min chen ni?”

Tuma 8:3

Sɔɔl funɛ namsi Yesu nitiŋɛ ta kinkan. O funɛ zu ba damsa bu bɛgim bɛgima a lɛrgi nibaala awa nihaana a li a tɔ ba dɛ.

Tuma 5:40

Gameliel funɛ sɛm peti, ba maga fun la nɔɔni a nyɛ un. Ba fun ŋɔ ba ba kpa nitumɛ ta a zu a nyɛ Koosa bar jɛɛmi dam ti niilɛ ta tuksi ba wa vurmsi ni. Doone ba fun bukoo tɛ ba nin di ba ta bu kpa Yesu sɔn a sɛm nara ni a nyɛ ba kaali.

Jɔn 15:20

Ma lisi chenani mu fun ŋɔ ma di yom wa to a zen a kaali o kunyana. Ba funɛ muksi minu kinkan, adaha ba zi wa muksi ma gbanko zi nu ma sɛmau.

Mat. 22:6

Ba naa funɛ ka chen, fun kpaksi koor ti tumtumsi ta kpok ni a tuksi ba hali ba wa siti.

JɔnN Deesi 2:10

Ma ta ɔm chenani ma namsi zi wa gbaari. Sintana zi wa nyɛ ba kpak ma bɔnɛu a tɔ dɛ di o zaamsi ma a nyɛ ma namsi kinkan wuzu fi. Ba daŋni ba kpu ma, ma kpak nɛnɛ ka mu zi kpa Koosa mi fali ti a nyɛ ma.

Mat. 24:8

Kina maga kaa wa piili wiilire.

Luk 21:11

Tɛɛnɛ zi wa jimu kinkan ka lɔsa zi wa chel pulumsi ta maga ni, ka wichɔɔr kpok zi wa kpu nidamatau. Nara zi wa na daani zenzenu a li buudaha gbanko ni. Hansura zi wa kpak bau kinkan a daha.

Jɔn 15:21

Ba zi wa muksi mau a chi chen, domi ba wa zim naa funɛ tum min chen. Maa tiŋ min daha, ba gbanko ya ma chen.