Luk 2:27 - Tampulma

²⁷ Josɛf awa Mɛri wa be ti funɛ wa tel Jɛrusalɛm, ba fun la zu Koosa bar jɛɛmi dam ti a tum chenani Koosa sɛm tɔn ti biksi ba. Ba funɛ la zu dooni, Koosa siim weri ti fun nyɛ Simiɔn gbanko fun zu pu ba.

Luk 2:27 Referans Kwoze

Tuma 10:19

Pita ha funɛ vɛɛna lisi chenani o fun na chen mun ka Koosa siim weri ti fun ŋɔ un, “Kinu mu wati. Nara batora chiŋɛ bulzɔɔnɔ ti ni a daŋni ba na hin.

Luk 2:51

Yesu wa ba fun a bur kaali Nazarɛt. Dooni o fun tiŋ ba nɔ. O niin ti fun kpa chenani maga yɛɛ a du o bambi ni.

Luk 2:48

O nyan ti awa o niin ti funɛ na un, alaazibu fun kpak ba gbanko kinkan. O niin ti fun ŋɔ un, “N be, yɛrɛ i ya ya nan? I nyana awa min nyini i bar nyɛni a vusi. I namsi yau kinkan.”

Luk 2:41

Bun maga Yesu nyan ti awa o niin ti yaa la Jɛrusalɛm di ba la di wuzu zen naa ba funɛ yir val la gali.

JɔnN Deesi 17:3

Koosa siim weri ti fun nyɛ malaika ti zer min a la nyabaan. Sel zen sɛm naa funɛ kpak nyuuna nɔpɛ awa nyindaasa fi funɛ nyɛn dooni. Ba fun sɔbi sɛm nawara la pini Koosa zoma kidamata a du un ni ka sakaal tiin ti fun zini un.

JɔnN Deesi 1:10

Aleedi wuzu digi Koosa siim weri ti fun wa si min ni a nyɛ mu na kin bɔnɛ a chi mu deesi. Mu fun nu ta zaŋa a chi kaabul,

Tuma 16:7

Ba fun wa tel doonani ba yir Misia a daŋni ba zu pulum naa ba yir Baitinia. Ya kunyan Yesu siim weri ti ha wa fun vɛɛn la nɔɔni di ba zu.

Tuma 11:12

Koosa siim weri ti fun ŋɔ min di mu si tu la ba wati a ta ɔmi di mu tiŋ ba. Yesu nitiŋɛ nara banɔra ba naa nyɛn Jɔpa ni, fun wa gbaari ya ni. Ya maga fun kaali Siizaria a la zu Kɔnilius dama.

Tuma 8:29

Koosa siim weri ti fun ŋɔ Filip ni, “Kila a la tiŋ o gantɛl.”

Luk 4:1

Yesu funɛ li Jɔɔdan mɔɔga ti ni, Koosa siim weri ti fun si un ni a kpa un kaali kɔha.

Luk 2:22

Ju tim chiksɛ funɛ biksi ba di nar lulɛɛ, o kpa o wa be ti a la Jɛrusalɛm ba chaksi o lul chen doŋa a ta. Saha ti wa tel di Josɛf awa Mɛri ya chen, ba fun la kpa be ti a nyɛ Koosa ni dooni.

Mat. 4:1

Wuzu digi Koosa siim weri ti fun te Yesu suwachak a kaali kɔha. Sintana funɛ daŋni o la pu Yesu dooni a zaamsi un.

Luk 2:28

Simiɔn fun zer be ti a pɛgi Koosa a ŋɔ,

Gal. 4:4

Amaa o saha funɛ wa tel, Koosa fun tum o titi be tɛɛnɛ nɔ maga ni. Nihaan digi funɛ lul o be. O fun bi aa tiŋ Koosa chiksɛ ta.