Koosa fun a nyɛ o be ti fun sou a li daakakli ti ni di o chɛl li, chen ni kin nawara maga nyɛn tɛɛnɛ nɔ maga awa buudaha ni wa Koosa zi kotiu a ya nɔ bɛgim a kpak bara sɔɔna.
Doone mu fun nu kin naa maga funɛ nyɛn Koosa tɔhɔn ti awa tɛɛnɛ nɔ maga wa nisitɛ bar nyɛni wa teku ni ka a fun lɔ bool a ŋɔ, “Ma nyɛ ya pɛgi naa kanɛ Koosa jirima bar kani ni awa piisi be ti, domi ba kpak jirima awa chaani wa kpok kinkan hali saha naa vɛ kpak bɔ.”
Ma zim chenani o fun tum Yesu Kristo, naa ya kina maga nyuhu tiina, di o biksi Koosa laaboor weri ti a nyɛ Ju tim ta ni a nyɛ ba nyinbaan ba wa Koosa bu ya nɔ bɛgim.
Ba funɛ nyɛn nyinbaan ti ni a la chene, ba naa funɛ te o suwachak awa ba naa funɛ tiŋ o gantɛl, ba maga fun a nyɛ un jirima a la chɛɛmi a ŋɔ, “Tabarkala. I waa Devid bi luli naa Koosa tum chen, yaa zaami hinu kinkan.”
Koosa funɛ ya chen maga a nyɛ ya a biksi ba naa maga nyɛn o tɔhɔn ti ni awa ba naa nyɛn tɛɛnɛ nɔ maga ni, chenani o funɛ daŋni ya kinkan a la gali a tum Yesu Kristo di o wa suŋi ya. O biksi nɔ nyɛnu hali saha naa vɛ kpak bɔ.
Koosa funɛ daŋni tɛɛnɛ nɔ maga nara kinkannɛ a fun tum o be bɛgim ba wati, chen ni Koosa wa zi na ba naa se su un galimsa a ta ba yɔri, amaa o ka zi kpa o mi fali naa vɛ kpak bɔu a nyɛ ba.
Malaikasi ta funɛ lɔ bool ta peti, ba fun bur a kaali Koosa tɔhɔn ti. Piisi gbaŋsi ta fun ŋɔ dɔŋ ni, “Ma nyɛ ya la Bɛtlihɛm a la na be naa Koosa malaika ti ŋɔ ya o wɛ chen.”