Luk 18:14 - Tampulma

¹⁴ Yesu funɛ sɛm jɛɛgi ti peti, o fun ŋɔ nara tima ni, “Nara balɛ ta funɛ kaali ba damsa, Koosa wa fun bu na lampo nilali ti galimsa ka Farisi tim ta baal ti galimsa kpalimi un ni. Nar la zer o titi buudaha, Koosa zi nyɛ o chelu. Nar ka kpa o titi a burgi gantɛl tiŋna, Koosa zi zer un buudahau.”

Luk 18:14 Referans Kwoze

Luk 14:11

Nan jɛɛgi nɔ mun ya di nar zer o titi, o zi wa chelu. Nar ka ya jɛrgi, zi wa na zenzenu.”

Luk 16:15

Yesu fun ŋɔ ba, “Ma tum tum were chen ni nara zi na au, amaa Koosa zim ma bambe wɛu. Chenani maa tum la zi nyɛ nara nyɛ ma jirima. Koosa wati a ya kipɔntiwa.

Jems 4:10

Ma zer ma titi a bur Koosa gantɛl ni, ka o zer ma buudaha.

Mat. 23:12

Nar laa daŋni sɔn, Koosa zi nyɛ o bur gantɛlu. Nar laa daŋni o ya jɛrgi, Koosa ka zi nyɛ o ya suwachak tiinau.”

Jems 4:6

Amaa suŋi naa Koosa kpa a nyɛ ya, kpok kaali siim naa o kpa du ya ni chen. Ba funɛ sɔbiu a li Koosa sɛm tɔn ti ni di, “O suŋi ba naa ya jɛrgɛwa, amaa o burgi o gantɛllɛ a chak sɔn dɔŋtima.”

Luk 1:52

O funɛ ur koor zeneu a ta, a ka kpa jɛrgɛ tima a te ba suwachak.

Mat. 5:3

O fun ŋɔ, “Ba naa zimɛɛ di ba daŋni Koosa suŋi ba, o zi wa dɔ bau a nyɛ ba tu sɔɔna.

Gal. 2:16

Ya zimu di nar tiŋ Koosa chiksɛ ta duŋduŋ, chen tiina ha zi vɛɛn kpak galimsau o wati, amaa nar nyɛ o si su Yesu Kristo, Koosa wa zi bu na o galimsa. Ya se su Yesu Kristo. Ya wara tiŋ Koosa chiksɛ ta duŋduŋ. Chendaha o wa bu na ya galimsa.

Room 4:5

Nibine nyɛ o si su Koosa a vɛ nyini o tum weri se ni, Koosa wa zi bu na o galimsa. Waa koti a bu vɛ na tum tagna nitumɛ galimsa.

Room 3:20

O chiksɛ ta biksi ya di ya maga ya tum tagna nitumɛwa. Koosa ha zi vɛɛn na ya galimsau o chiksɛ ta tiŋi daha.

Luk 10:29

Amaa baal ti funɛ zimu o bambi ni di o bɔmu o wati di o daŋni nara maga. Adaha o fun bu pɛɛsi Yesu, “Anti ya mu dɔŋtiina?”

Room 8:33

Koosa wa bu na ba naa o fun lisi a nyɛ o titi ni galimsa. O ya chen, anti la zi koti a fiksi ba di baa tum tum tagniwa? Nandigi wa toli.

Room 5:1

Lalaknɔ Koosa wa piin na ya galimsa ya se suuli daha. Ya wa un kpak nɔ bɛgimnɛ ya kunyan Yesu Kristo daha.