Luk 18:13 - Tampulma

¹³ Lampo nilali naa funɛ kpak o titi a chiŋi gantɛl ni, fun gur o nyuha a du tɛɛnɛ ni a mo o bambi a ŋɔ, ‘Mu kunyana Koosa, mu ya tum tagna nitumirɛ. Mu sumi hinu, ɔm min siki.’ ”

Luk 18:13 Referans Kwoze

1 Tim. 1:15

Chenani mu kaa ŋɔ nan ya wuti sɛma a naa ya maga zi la nɔɔni. Yesu Kristo funɛ wa tɛɛnɛ nɔ maga di o wa yisi nara a li ba tum tagna ni baa tiŋ Koosa. Min funɛ tum tum tagna a kaali nara maga.

Luk 23:48

Zɛmɛ naa funɛ lagmi a chiŋi dooni a na chenani la zi ya, ba nidamata fun na galimsa a li chenani ba tum ni. Ba fun kaali dama a la mosi ba bambe.

Ju 8:12

Mu zi kpak ba sikiu a gil ba tum tagna a nyɛ ba. Mu gbanko wa zi lisi a wɛ”.

Tuma 2:37

Pita sɛm ta funɛ zu zɛmɛ ta bambe niu kinkan. Ba fun ŋɔ un awa nitumɛ ba naa funɛ nyɛn dooni chen, “Ya dɔŋtima, yɛrɛ ya kaa ya?”

Ju 4:16

Domi ya Koosa dam kɔkɔɔr ti chiŋɛ ya bar chiŋi ni Koosa suwachak ni, ma nyɛ ya kpak bambi. Koosa zi wa kpak ya sikiu a kisuŋi ya saha naa maga ya daŋni un.

Room 5:8

Amaa Koosa funɛ biksi ya chenani o daŋni ya kinkan. Ya ha funɛ vɛɛn a tum tum tagnau, chen saha ti Kristo funɛ chiŋi ya bar chiŋi ni a sou a nyɛ ya.

Luk 5:8

Simɔn Pita funɛ na chenani yɛɛ, o fun gbiri Yesu suwachak ni a ŋɔ, “Mu kunyana, mu ya tum tagna nitumirɛ. Mu wa hin wa kilagmi.”

2 Kɔr. 7:11

Domi ma waa funɛ nyɛ Koosa chɔk ma tusa, ma se sɛrɛu di ma kɔɔri ma sɔna a bu kɔɔri wi naa kaɛɛ. Ma daŋni di ma bu na ya kinkan a kpak un ma bambe ni di ma lɛrgi naa la tum tum tagin diŋna. Tum naa maga ma fun tum, ya wa na ma galimsa.

Mat. 9:13

Ba funɛ sɔbiu a li Koosa sɛm tɔn ti ni saha digi di o ŋɔ, ‘Chenani ma kpak dɔŋa wa siki ya min lɛmlɛmu a kaali chenani ma kɔɔrigi kina a nyɛ min papaha nau.’ Maa la a la dɛu chenani Koosa ŋɔ ma chen mun. N wa wa di n wa yir ba naa nara yir ba nibin were. Ba naa nara yir nibin tagna daharɛ, mu wa.”

Luk 17:12

Wuzu digirɛ o fun la zu tɔ digi ka zaguma nara fi fun la chiŋi bar boli ni,

Mat. 6:5

“Ma sumi Koosa, ma ta sumi a li gbampulim ni. Nara bɔnɛ daŋni ba chiŋi yau ni awa ba bar lagmi dɛɛni nɛɛ a sumi Koosa di nara na ba a pɛgi ba. Ma nu mu sɛma. Chenani nara pɛgi ba ya ba papaha,

Mat. 10:3

Filip, Batɔlɔmi, Tɔmas, Matiu naa funɛ ya lampo nilali, Jems, Alfius be, awa Tadius,

Maak 11:25

Saha naa maga ma yaa wa daŋni ma sumi Koosa, ma yaa kilisi. Nandigi tum tum tagin a nyɛ ma, ma te gil o wu tagin a nyɛ un a kisumi Koosa.” ((

Luk 22:41

O duŋduŋ fun a kaali ba suwachak tama a la gbiri a sumi Koosa a ŋɔ,