Luk 17:21 - Tampulma

²¹ O nyɛn nibinsa bambe nee. Chendaha nandigi wa kiŋɔ, ‘Ma na un bar nɔ koo dooni.’ ”

Luk 17:21 Referans Kwoze

Mat. 12:28

Koosa siim weri ti ka nyɛ min kpok mu yaa duŋni alizin tagna a li nara ni. Nan biksi ma di saha ti telu di Koosa wa dɔ ma.

Room 14:17

Koosa dɔ ma, diwe naa ma di a la nyɔ wa bu ya kibirigi o wati. Chenani o siim weri ti nyɛ ma bara sɔɔna awa tu sɔɔna a la suŋi ma di ma tum tum were a nyɛ Koosa ni, kin nama ka ya kibirigi a li o wati.

Maak 13:21

“Chen saha ka nandigi wa ŋɔ, ‘Kina, Kristo nyɛn bar nɔ.’ Nandigi ka wa ŋɔ, ‘Kristo nyɛn dooni,’ ma ta tiŋ o nɔ.

Kɔl. 1:27

O funɛ ya o tutɔrɛ o biksi o wu sogli nɔ mun a nyɛ o nara ni. Waa sir ya wu weri kinkan ba naa vɛ ya Ju tim chen wati. Nan ya o wu sogli ti. Kristo ti nyɛn ma ni. Chendaha ma kpak bambi bɛgim di wuzu digi Koosa zi wa kpa a li o jirima niu a nyɛ ma.

Luk 21:8

Yesu fun ŋɔ ba, “Ma doso ma ta wa nyɛ nandigi wa mur ma. Nidamata zi wa wau a kpa mu sɔn a yir ba titi a ŋɔ di ba ya minnɛ. Ba gbanko zi wa ŋɔ mau di saha ti telu. Ma fiɛŋ ma wa tiŋ ba.

Luk 17:23

Chen saha ka nandigi wa ŋɔ, ‘Kina waa nyɛn bar nɔ.’ Nandigi ka wa ŋɔ, ‘Waa nyɛn dooni,’ ma ta tiŋ o nɔ.

Jɔn 1:26

Jɔn fun ŋɔ ba, “Mu chaksi nara wa ni ni a saksi ba a pɔ baal naa la wa chen. Ma ha wa zim un. Hali o wa ya lagmi zinan.

Jɔn 18:36

Yesu fun ŋɔ un, “Mu koor ti wa to tɛɛnɛ nɔ maga ni. O fu nyɛnɛɛ, mu nara fu zi you a kok min, chen ni Ju tim ta wa zi kpak min. Mu bura ŋɔ hinu, mu koor ti wa to tɛɛnɛ nɔ maga ni.”