Luk 16:22 - Tampulma

²² Wuzu digirɛ fara tiin ti fun sou. Koosa malaikasi ta fun wa zer un di o wa Abraham lagmi nyɛn a li Koosa tɔhɔn ti ni. Malɛ tiin ti gbanko funɛ wa sou, o walɛ ka fun wa sogli un.

Luk 16:22 Referans Kwoze

1 Pita 2:24

Kristo funɛ sou a li o daakakli ti ni, o fun kpa ya tum tagna a du o titi ni, chen ni ya wa zi bu tum tum tagna, amaa ya zi tum tum wereu. O chɔɔra funɛ nyɛ ma na alaafɛu.

JɔnN Deesi 14:13

Doone mu fun nu ta a li Koosa tɔhɔn ti ni ka o ŋɔ, “Sɔbi chenani mu kaa sɛm nan a dau. Ba naa tum tuma aa nyɛ ya kunyan ni a wa siti, ba tusa zi sɔɔniu.” Koosa siim weri ti fun ŋɔ a gbaari, “I sɛma ya wutirɛ.” Koosa zi bɔ ba ba chimu a nyɛ ba hiisi a li ba tum kpok kinkan ni ka ba tusa sɔɔni.

Jems 1:11

Nha wa yɛli a num kinkan. Bugilfita ta yaa zaksiu a chɛsi a bu vɛ weri wa nyini. Chen vɛɛna, malɛ tima wa nyɛn ba kpiŋi ni, ba gbanko zi wa sitiu.

Jɔn 13:23

Naa Yesu funɛ daŋni kinkan a li ba ni funɛ kani a mari un.

Maak 8:36

Nar koti a na tɛɛnɛ maga lɛmlɛm, baŋ nyɔɔrrɛ o wa di? O wa zi wa na Koosa mi fali ti.

Ju 1:14

Baŋnɛ Koosa malaikasi ta ya? A maga ya siimsa a naa ya Koosa tumtumsa. O tum au di a wa suŋi ya, chen ni wuzu digi o zi wa lisi yau a li ya tum tagna ni hali a wa peti.

Mat. 24:31

Koosa malaikasi ta digi zi wa hu kabulu kinkan. Doone mu zi wa tum ba di ba pisi a su tɛɛnɛ nɔ maga a lagmi o nara ba naa Koosa fun lisi di ba tiŋ un chen.”

Mat. 18:10

“Ma doso ma ta wa ŋɔ di bisa nama ya yɔrirɛ. Ma nyɛ mu ŋɔ ma di ba malaikasa nyɛn mu kunyan Koosa naa nyɛn o tɔha ti ni suwachak ni. ((

Ju 2:14

Ba naa o funɛ yir Koosa bisa, ba waa ya nibinsa. Chendaha Yesu fun burgi nibine naa kpok purɛɛ a chi ya, chen ni o zi sou a kpa sintana awa o sou kpoku a ta,

Jɔn 21:20

Yesu wa Pita fun gba a la, Pita fun burgi a na Yesu gantɛl tiŋna naa o daŋni kinkan chen, ka o tiŋ ba gantɛl. O waa funɛ ya naa tur la mari Yesu Ju tim ta wuzu zen wuzu ti a pɛɛsi un, “Anti kaa wa li i gantɛl chen?”

Luk 12:20

O funɛ peti chenani o lisi o bambi ni, Koosa fun wa ŋɔ un, ‘I ya nibin womnɛ. Dusum nɔ i zi sowu. I kin naa maga i kpa chiŋsi nan, a wa zi kpak wu digi wa hin.’ ”

Mat. 8:11

Maa nu mu sɛm na. Wuzu digi nidamata zi wa li bawu maga niu a wa lagmi Abraham, Aizik awa Jakɔb wati a li Koosa koor ti ni a di diwe.

Luk 16:21

chen ni o zi na nyinbaanu a di o kidikaalɛ. O yaa fun kani doonee, vasa wa leeni o chɔɔri ta.

Jɔn 1:18

Nandigi ha wa na Koosa, amaa o be bɛgim naa wa Koosa ya nibɛgim, waa funɛ biksi ya o wɛ.