Luk 16:2 - Tampulma

² O fun yir nihɛɛ ti a ŋɔ un, ‘Nandigi wa sɛm min i wɛ. Kpa tɔn naa biksi di mu nin kina maga nyɛn dooni a nyɛ min. I wa zi bu ya mu nihɛɛ wuzu digi.’

Luk 16:2 Referans Kwoze

JɔnN Deesi 20:12

Mu fun na tɛɛnɛ nɔ tim maga ba naa funɛ ya nibirige awa ba baa funɛ vɛ yaali ka Koosa lɛli ba a li ba sou ni. Ba funɛ chiŋi o jirima bar kani suwachak nɛɛ. Ba fun puk Koosa mi fali tɔn ti awa tɔni naa ba fun sɔbi ba tuma a du a tuhu ni. O fun di ba sɛria a li chenani ba sɔbi a du tɔni ta ni.

1 Pita 4:10

Koosa funɛ kpa o papaha kurgɛu a nyɛ ba naa la tiŋ un ni. Ma dɛu kinkin naa o fun nyɛ ma chen a kpa un aa suŋi ma dɔŋtima. Ma maga ya chen, Koosa zi suŋi mau wu damata ni.

1 Pita 4:5

Koosa wa wa di o wa di ba naa kpak miisa awa ba naa sitɛɛ sɛria, o zi pɛɛsi ba chenani ba tumu.

1 Tim. 5:24

Bɔnɛ tum ba tum tagna gbampulim nɛɛ, chen ni ya zi zim a wɛu. Bɔnɛ ka tum ba tum tagna a sogli, chen ni ya wa zi zim a wɛ. Amaa wuzu digi Koosa zi wa di ba maga sɛriau.

1 Tim. 4:14

Ta suglɛ papaha naa Koosa fun nyɛ hin saha naa o wa yir hin di i ya o tumtumna a nyɛ o witiina sɛm a li o kpok ni ka Yesu nitiŋɛ nihɛɛti ta kpa ba nisa a sak hin ni.

2 Kɔr. 5:10

Ya wa siti, ya maga zi la Kristo suwachaku di o di ya sɛria. Chenani ya fun a tum tum were koo tum tagna a li ya lalaknɔ bara ni, chene o zi wa bɔ ya chim.

1 Kɔr. 4:5

Ma ta di sɛria ti lalaknɔ. Ma nyɛ Yesu wa bur wa. O wa wa, o zi kpa nibinsa wu sogle a li gbampulimu a biksi ba muna. O wa ya chen, o zi wa nyɛ ba jirimau a li ba tum were ni.

1 Kɔr. 4:2

Tumtum naa la tum nɛnɛ a nyɛ o kunyan ni, chen weru. O kunyan ti zi wa ŋɔ di o ya wuti tiinnɛ.

1 Kɔr. 1:11

Mu niinbisa, haan naa ba yir Kloi chen, walɛ wau a wa ŋɔ min di ma titi burgi aa di dɔŋa wa amɔrɛ.

Room 14:12

Wuzu digi Koosa zi wa pɛɛsi ya chenani ya fun tumu.

Luk 12:42

Yesu fun ŋɔ un, “Ma anti la zi ya wuti tima awa ninɛɛgɛ a li kin nama maga ni? O chi dam tiin naa lisɛ o tumtumsa nidigi di o nyini o dam nara a kinyɛ ba diwe diili saha.

Luk 12:20

O funɛ peti chenani o lisi o bambi ni, Koosa fun wa ŋɔ un, ‘I ya nibin womnɛ. Dusum nɔ i zi sowu. I kin naa maga i kpa chiŋsi nan, a wa zi kpak wu digi wa hin.’ ”

Mat. 12:36

“Wutirɛ n ŋɔ ma nan, a wuzu naa Koosa zi wa di tɛɛnɛ nɔ tim maga sɛria, o zi wa pɛɛsi nara magau ba sɛm yɔrisa naa ba fun sɛm wɛ.

Mat. 20:8

“Nha funɛ wa chel, ŋmaha ti tiin ti fun ŋɔ tumtumsi ta nihɛɛ ni, ‘Yir niparɛ ta di ba wa. Ba wɛɛ, i bɔ ba ba malɛ. Te a piili a bɔ ba naa tiŋ gantɛl a wa chen, a bɔ a la peti ba naa te wa chen ni.’

Luk 16:1

Yesu funɛ biksi o gantɛl tiŋsi ta a ŋɔ ba, “Malɛ tiina funɛ nyɛn doon. O funɛ kpak nihɛɛrɛ naa funɛ nyini o kina maga. Wuzu digirɛ nandigi fun wa ŋɔ malɛ tiin ti ni di baal naa o nyɛ o nyini o kina chen, chɔk au.

Luk 16:3

Nihɛɛ ti funɛ nu o kunyan ti sɛma chen o fun lisi o bambi ni, ‘Mu kunyana la daŋni o duŋni min a li mu tum ni. Mu wa zim chenani mu kaa ya. N wa kpak kpok kinkan a la zi par ŋmaha ni, ka hiisa kpak min wa mu sumi.