Luk 14:15 - Tampulma

¹⁵ Nara tima nidigi naa funɛ lagmi wa Yesu a li Farisi tim ta nihɛɛ ti ni ba di diwe chen, o funɛ nu Yesu sɛma, o fun ŋɔ un, “Ba naa kaa lagmi Koosa koor ti ni di ba di diwe nan, ba tusa zi sɔɔniu kinkan.”

Luk 14:15 Referans Kwoze

JɔnN Deesi 19:9

Malaikasi ta digi fun wa ŋɔ min, “Sɔbi chenani mu kaa sɛm nan a dau. Ba naa ba zi yir ba wa piisi be ti di diwe a li haan fali dam ti ni, ba tusa zi sɔɔni.” O funɛ sɛm nannɛ a peti a bu sɛm tama a gbaari, “Sɛm na ya Koosa wuti sɛmwa.”

Luk 22:30

Wuzu digi ma wa min zi wa di diweu a li mu koor ti ni ka ma kani koorsa bar kanɛ ni di ma di Ju tim buri fidalɛ ti sɛria.”

Luk 13:29

Nara zi wa li bawu magau a lagmi a di diwe Koosa koor ti ni.

Mat. 25:10

Nihabichɛl womni ta fun li a kaali a la yau. Ba funɛ kaali chen, haan fali baal ti fun wa. Nihabichɛl nɛɛgɛ ba naa funɛ saksi awa ba nu ti ni, ba wa un fun la zu o dama di ba la di diwe. Ba funɛ la zu, ba tɔ bulzɔɔnɔ.

Luk 12:37

Ba kunyan ti na ba ka ba si a saksi a pɔ un chen, o tumtumsi ta tusa zi sɔɔniu. O zi saksi o titiu a kpa diwe a wa nyɛ ba.

Mat. 8:11

Maa nu mu sɛm na. Wuzu digi nidamata zi wa li bawu maga niu a wa lagmi Abraham, Aizik awa Jakɔb wati a li Koosa koor ti ni a di diwe.

Luk 22:16

Diwe naa ya di val la gali ti wuzu zen biksi ya di wuzu digi Koosa zi wa dɔ tɛɛnɛ nɔ magau. N ŋɔ ma wutirɛ, n wa zi bu di un hali a wuzu ti wa tel.”