Luk 12:1 - Tampulma

¹ Nara tusugsa funɛ lagmi dɔŋ ni aa zaksi dɔŋa, Yesu fun ŋɔ o gantɛl tiŋsi ta ni, “Farisi tim ta ya nusun timwa. Chendaha ma doso ba biksi ni.

Luk 12:1 Referans Kwoze

1 Pita 2:1

Kin nama daha, ma kpa ma tum tagna maga a ta. Ma ta suni wɛ a nyɛ dɔŋ ni a ta kpak handɔta a du dɔŋ ni a ta pini dɔŋ zoma.

Jems 3:17

Nibine naa kpak wuti zima naa li Koosa wati, waa kpak tu chaana a kpak bara sɔɔna nara wati a du balimm a ya jɛrgi a kpak ba siki kinkan a tum tum were aa nyɛ ba. O wara daŋni bɔnɛ a gil bɔnɛ, a vɛ ya nimuri tiina.

Luk 12:56

Ma ya nusun timwa. Ma zi nyini buudahau awa tɛɛnɛ aa zim chen mun. Yɛrɛ ma vɛ zim chenani mu duuli?”

1 Kɔr. 15:3

Wu birigi zen naa mu fun la Koosa wati chen, mu funɛ kpa biksi mau. Waa nɛɛnɛ. Yesu funɛ sou ya tum tagna daharɛ a chi chenani Koosa sɛm tɔn ti fun sɛm di o zi wa tumu saha digi chen.

Tuma 21:20

O funɛ sɛm peti, Jems awa nihɛɛti ta fun pɛgi Koosa chenani o tum chen daha. Ba fun ŋɔ Pɔɔl ni, “Ya niinbe, i zimu di Ju tima ba naa nyɛn bar nɔ, tusugsa funɛ nyɛ ya se su ya kunyan ti a kpak un ba bambe ni kinkan di ba tiŋ ba chiksɛ ta.

Luk 11:44

Yɛrɛ o kaa wa du ma ni? Ma chi hugilsa naa ba vɛ danirɛ. Chendaha nara val a daha ni aa vɛ zimi.”

Luk 6:17

Yesu wa o gantɛl tiŋsi ta fun li kuŋkule nyuhu ti a wa tu. Ba naa funɛ nyɛn o wati dooni funɛ iiu kinkan. Ba funɛ la tel tɛɛnɛ doonani mak dɔŋa, ba fun chem zɛmɛ kinkan a li Jɛrusalɛm awa Judia pulum maga ni awa tɔsi naa ba yir Taaya awa Saidɔn a naa funɛ nyɛn teku nɔ ni.

Luk 5:15

Amaa laaboor naa Yesu fun tum chen, funɛ mɔɔliu a gbaari. Zɛmɛ kinkan fun wa o wati di ba nu o biksi ti ka o tiibi ba wichɔɔrsa.

Luk 5:1

Wuzu digi Yesu fun chiŋi zɛmɛ bambaan ni a li bɛɛŋ naa ba funɛ yir Gɛnɛsarɛt nɔ ni. Ba funɛ murgi dɔŋa di ba pu un a nu Koosa laaboor weri ti biksi.

Ju 12:22

Ma wa chi ba. Ma funɛ dugli bi naa ba yir Zaiyɔn ka o nyɛn Koosa tɔhɔn ti ni. Doonee Koosa naa nyɛnɛɛ, awa o malaika damata ka ba vɛ koti a gur a, nyɛn. Ba funɛ yir dooni Jɛrusalɛm titi.