Luk 10:7 - Tampulma

⁷ O deŋlu wa tumtumna kila o bɔta. Chendaha ma na dam naa nara zi zaami ma. Ma nyɛn dooni a di diwe aa kinyɔ kina maga ba kpa nyɛ ma. Ma ta nyɛn a go damsa.

Luk 10:7 Referans Kwoze

2 Tim. 2:6

Niparɛ naa la tum kinkan a li o ŋmaha ni, o zi na kiparɛ naa ba te kum chenu.

Gal. 6:6

Naa funɛ nu Koosa laaboor weri ti Kristo wɛ, o wa o nibiksɛ bɔni o kina.

Luk 9:4

Ma wa la tel tɔha, ma nyɛn dam bɛgim naa ba nyɛ ma di ma chɔ chen, hali a wuzu naa ma wa li tɔhɔn ti ni.

Maak 6:10

Ma wa la tel tɔha, ma nyɛn dam bɛgim naa ba nyɛ ma di ma chɔ chen, hali a wuzu naa ma wa li tɔhɔn ti ni.

1 Tim. 5:13

Luhaan butoosa gbanko zi kpak zanyɛrkau a gba nara damsa a zu ba wɛ ni aa lɔ nara gantɛl.

Tuma 16:34

Doone niili ti fun kpa Pɔɔl awa Sailas a kaali o dam ti a la ya diwe ba di. O wa o walɛ ta tusa fun sɔɔni kinkan, domi ba se su Koosa.

Tuma 16:15

Ya funɛ zim di o nu au, ya fun chaksi o wa o walɛ wa ni ni. Doone o fun ŋɔ ya, “Ma zimu di mu si su ya kunyan ti wuti, adaha wa nyɛn mu wati wuzu bilɛ.” O fun nyɛ ya bambe chɛrgi a la o wati.

Tuma 16:40

Pɔɔl awa Sailas fun kaali Lidia dama di ba la na ba niinbisa ba naa lagmi dooni. Ba fun sɛm sɛma a kpami ba a li tɔhɔn ti ni.