Luk 1:17 - Tampulma

¹⁷ Saha digi Koosa funɛ kpa o kpok a du o witiina Ɛlaija ni a nyɛ o ya o nitumi. Jɔn gbanko zi wa ya Koosa nitumi a chi un. O zi wa kpa bisa awa ba nyamau ba naa waligɛ dɔŋ ni a lagmi. Ba naa vɛ tiŋ Koosa nyinbaan, o zi wa nyɛ ba bur wau a wa tum tum were. O zi wa saksi Koosa narau ba la un.”

Luk 1:17 Referans Kwoze

Mat. 11:14

Ma la nɔɔni chenani ba sɔbi chen, ma zi zimu di Jɔn ya Koosa witiina Ɛlaijarɛ. Ba funɛ sɔbi Koosa sɛm tɔn ti ni di o zi wa bur a wau saha nɔ.

Luk 1:76

Doone Zɛkaraya fun ŋɔ, “Mu be, hin la zi ya Koosa zen witiina. Hin la zi te naa Koosa ŋɔ di o kaa tumu chen suwachak a saksi o nyinbaan a nyɛ un.

Jɔn 3:28

Ma lisi di mu funɛ ŋɔ mau di mu wa ya Kristo naa Koosa fun ŋɔ di o zi tumu chen. Koosa funɛ tum min di mu te o suwachak a kɔɔri o nyinbaan.

JɔnN Deesi 20:4

Doone mu fun na jirima bar kanɛ dooni. Ba funɛ kpa kpok a nyɛ ba naa kanɛ dooni di ba di sɛriasa. Mu gbanko funɛ na ba naa tɛɛnɛ nɔ tim maga fun kpu domi ba funɛ biksi ba Yesu wuti wɛu. Ba wa funɛ jɛɛmi sel zen ti akoo o vura, a vɛ nyɛ o kpa o sɔn a dani ba tilsa awa ba nisa. Kristo fun lɛli ba a li ba sou ni a nyɛ ba wa un ya koorsa a dɔ bun tusuga.

1 Pita 2:9

Amaa Koosa funɛ lisi mau a li birsi ni a wa di o titi bar chaani kinkan ni. Ma chi o koorsiwa awa o kɔkɔɔrsi tawa. O funɛ lisi mau a nyɛ o titi ni di ma ŋɔ nara ni o alaazibu tuma wɛ.

Kɔl. 1:12

aa kizaami ya kunyana Koosa. Waa nyɛ ya nyinbaan di ya wa zu o tɔha naa la chaani, chen ni ya wa o nara zi wa di o kin nawara o fun vɔu di o nyɛ yau.

2 Tim. 2:21

Ba naa maga gil ba tum tagna, ba chi aniita awa salma kin nawara ba kpa chiŋsi a pɔ wuzu zene chene. Ba saksi ba titiu di ba tum tum were a nyɛ un.

Room 9:23

O gbanko funɛ daŋni o biksi ba naa o kpak siki o jirima awa o chaani kinkan. Saha digi o funɛ saksi bau di ba la nyɛn o tɔhɔn ti ni a la un.

Tuma 10:33

Mu fun vaan tum ba di ba la yir hin. I ka ya nibin weri a wa. Lalaknɔ ya maga lagmi bar nɔwa Koosa suwachak ni a pɔ di i ŋɔ ya chenani o ŋɔ hin.”

Jɔn 1:34

Yesure mu fun na ka Koosa siim weri ti tu wa a zɔŋ o nyuhu ni. Wutirɛ mu ŋɔ ma di o ya Koosa bere.”

Jɔn 1:13

Chenani ba yaa lul ba bichɛsa, o wa nyɛ ba ya Koosa bisa. O wa fun ya nibinsa tutɔrɛ di o burgi ba nyana. O ka ya o tutɔrɛ di o burgi ba nyana.

Luk 1:16

O zi wa nyɛ Ju tim nidamata bur wa tiŋ ba kunyana Koosau.

Mat. 14:4

Jɔn fun ŋɔ un, “Chenani i ya chen, o wa wer.” O funɛ ŋɔ chene, Hɛrɔdias fun nyɛ Hɛrɔd tum nara ba la kpak Jɔn a tɔ un dɛ.

1 Jɔn 2:28

Mu bisa, maa ya chen. Yesu wa bur wa, hansura wa zi wa kpak ya. Hiisa gbanko wa zi wa kpak ya, chen ni ya wa zi wa chɔ li o wati chen saha ti.

Mat. 3:4

Jɔn kilaarɛ funɛ ya lakom tɔnnɛ, ka o kpa ganɛ a vɔu o chɛra. O funɛ di hɔɔna awa toon.

Mat. 3:3

Koosa witiina naa ba fun yir Azaaya funɛ sɔbi Jɔn wɛ a li Koosa sɛm tɔn ti ni saha digi. O fun ŋɔ, “Nandigi la mɔɔli nyabaan ni a ŋɔ, ya kunyana wau. Maa saksi ka o zi wa. Ma kɔɔri o nyinbaan o wer.”