Juud 1:21 - Tampulma

²¹ Koosa daŋni mau. Chendaha maa tiŋ un nɛnɛ a ta gil o nyinbaan. Maa pɔ ya kunyan ti Yesu Kristo. O wa bur wa, o zi kpak ma sikiu a nyɛ ma o mi fali naa vɛ kpak bɔ.

Juud 1:21 Referans Kwoze

1 Jɔn 4:16

Ya zimu nɛnɛ di oo daŋni yau ka ya se su di waa ya daŋni tiina. Naa la daŋni o dɔŋtiina nyɛn Koosa wati ka Koosa nyɛn un ni.

2 Pita 3:12

a pɔ di ma na Koosa waali tɛɛnɛ nɔ maga sɛria diili a kpak un ma bambe ni di o wa lalaga. Chen wuzu ti din zi wa chɔk buudahau.

Ju 9:28

Chen vɛɛna, Kristo funɛ sou bu bɛgimnɛ a kpa o titi a nyɛ Koosa ni, chen ni o zi kotiu a yisi nidamata a li ba tum tagna ni baa tiŋ un. Kristo wa bur wa, o wa bu sou a chiŋi ya tum tagna bar chiŋi ni. O zi yisi ba naa la pɔ unu, a li ba tum tagna ni hali a wa peti.

JɔnN Deesi 12:11

Chenani Kristo naa ya Koosa piisi be, fun sou awa chenani ya niinbisa fun biksi nara o wɛ a fun saksi di ba sou a nyɛ un, kin nama funɛ nyaŋi sintana.

2 Tɛs. 3:5

O suŋi ma ma daŋni Koosa nɛnɛ a kpa o kpok ti a nyɛ ma, chen ni ma zi kotiu a di ma namsi.

Room 6:23

Ba naa maga la tum tum tagna, Koosa zi wa ta ba yɔriu. O ya chen, o chi o bɔ bau. Amaa papaha naa Koosa ka kpa a nyɛ ya yɔri, waa ya o mi fali naa vɛ kpak bɔ, domi ya wa ya kunyan Yesu Kristo ya nibɛgim.

Jɔn 14:21

“Ba naa la nu mu sɛma a la tiŋ a, chen biksi di ba daŋni minu. Mu gbanko zi daŋni bau a kpa mu titi a biksi ba. Ba la daŋni min chen daha, mu nyan ti gbanko zi daŋni bau.”

2 Tim. 4:8

Ya kunyan ti wa bur wa di o di ya sɛria wa wuti, o zi bɔ min mu chimu, domi mu tum tum werewa a nyɛ un. O zi wa ya chenu a nyɛ ba naa maga la daŋni un a la pɔ un di o bur wa.

2 Tim. 1:2

Mu la sɔbi tɔn nɔ a nyɛ mu be daŋni Timoti naa si funɛ su Yesu a li mu biksi ni. Ya kunyana Koosa awa ya kunyan Yesu Kristo suŋi hin a kpak hin siki aa nyɛ hin bara sɔɔna.

Room 8:39

wa buudaha kina wa tɛɛnɛ nɔ maga kina, wa kin nawara maga Koosa fun naami, kin nama wa kikoti a waligi ya a li chenani Koosa daŋni ya, domi ya wa ya kunyana Yesu Kristo ya nibɛgimnɛ.

Room 5:21

Nibinsa tum tagna funɛ nyɛ nara maga siti, amaa lalaknɔ Koosa suŋi yau a bu vɛ na ya galimsa a nyɛ ya o mi fali naa vɛ kpak bɔ ya kunyana Yesu Kristo daha.

1 Jɔn 5:18

Ya zimu di ba naa ya Koosa bisa chen, tum tum tagna, ba tusa wa zi sɔɔni. Koosa be ti la suŋi ba, chen ni sintana wa kikoti a la ba kpok.

Room 5:5

Koosa funɛ daŋni ya kinkan a kpa o siim weri ti a du ya ni kinkan. Waa ya o papaha ya wati. Chendaha ya bambi bɛgim naa ya kpak un ni wa zi nyɛ ya buri.

Tuma 11:23

O funɛ la tel a na chenani Koosa nyɛ ba nyusum, o tuha fun sɔɔni kinkan. O fun kpami ba di ba kpak ya kunyana nɛnɛ awa ba tuha bɛgim ni.

Juud 1:24

Koosa kote a kpak ma di ma ta bur gantɛl. Wuzu digi o zi nyɛ ma tu chaanau awa tu sɔɔna hali a wa peti a kpa ma a du o suwachak ni.

1 Jɔn 5:21

Mu bisa, ma doso ma ta nyɛ kundɔŋ wa lisi ma a li Koosa tiŋi ni.

2 Tim. 1:18

I gbanko zimu nɛnɛ a li chenani o fun suŋi min kinkan a li Ɛfɛsus ni. Ya kunyan ti wa bur wa, o zi kpak un sikiu kinkan.

Jɔn 1:17

Koosa funɛ te kpa o chiksɛ a nyɛ Ju tim nawaal naa ba yir Mosis ni a zi tum Yesu Kristo di o wa biksi ya o wuti awa chenani o daŋni o suŋi ya.

1 Tim. 1:2

Mu la sɔbi tɔn nɔ a nyɛ Timoti naa si funɛ su Yesu wuti ni a li mu biksi ni. Ya kunyana Koosa awa ya kunyan Yesu Kristo kpak hin siki a kisuŋi hin a nyɛ hin bara sɔɔna.

2 Tim. 1:16

Ɔnɛsifɔrɔs funɛ kpami minu bu damata. Chendaha mu sumi ya kunyan ti di o kpak o walɛ siki. O wa kpak hiisa a du min ni domi ba funɛ kpak min a tɔ dɛrɛ daha.

2 Kɔr. 13:14

Koosa naa la daŋni ma, awa ya kunyan Yesu Kristo naa la suŋi ma, awa Koosa siim weri naa nyɛ ma ya nɔ bɛgim wa dɔŋ ni, ba maga zi nyɛn ma niu.

Juud 1:1

Mu waa, Juud, naa ya Yesu Kristo tumtumna awa Jems niinbe, min la sɔbi tɔn nɔ a nyɛ ma. Ya kunyana Koosa fun lisi ma a la daŋni ma ka Yesu Kristo kok ma.

Juud 1:22

Maa kpak ba naa la beeli wa siki,