Juud 1:11 - Tampulma

¹¹ Yɛrɛ o kaa wa du ba ni? Ba tiŋ chenani Keen fun tiŋ saha digirɛ. Ba waa la tum tum tagna di ba na nyɔɔra a chi Beelim funɛ tum saha digi chen. Ba zi sowu a chi chenani Kɔɔra fun sou chen, domi o funɛ burgi o gantɛlu a chak Mosis saha digi.

Juud 1:11 Referans Kwoze

2 Pita 2:15

Ba vɛu di ba wa zi tiŋ Koosa wuti nyinbaan ti a vɛ zim doonani ba laali. Ba chi Belam, Bɔsɔ be, naa funɛ nyɛn saha digirɛ, a la daŋni malɛ naa o na a li o tum tagna daha.

1 Jɔn 3:12

Ma ta wa chi Keen naa funɛ ya sintana be chen a kpu o niinbe. Ma zim kinkin naa nyuhu ni o fun kpu o niinbe tiuu? O funɛ tum tum tagniwa ka o niinbe ti ka tum tum were. Chendaha o fun kpu un.

JɔnN Deesi 2:14

Amaa wu bɔnɛwa ma vɛ seen a yaali. Bɔnɛ nyɛn ma ni a tiŋ naa ba yir Beelam chen biksi. O funɛ nyɛn saha digi a biksi baal naa ba yir Belak di o la biksi Ju tima chenani ba zi di vursa diwe a tum chɔkumsa tuma.

Ju 11:4

Baal digirɛ ba funɛ yir Abɛl, o se fun su Koosa. Chendaha o kɔɔra naa o fun kpa nyɛ Koosa ni zen a kaali o niinbe Keen kɔɔra. Koosa fun a la o papaha a bu vɛ na o galimsa domi o se su un. Abɛl fun sou, amaa o tuma ha vɛɛn a biksi yau.

Mat. 11:21

“Ma Korezin tima, yɛrɛ o kaa wa du ma ni? Ma Bɛtseida tima, yɛrɛ o kaa wa du ma gbanko ni? N fu tum alaazibu tum na a li Taaya awa Saidɔn tɔsa ni a chi chenani n fun tum ma wati nan, ba naa funɛ nyɛn dooni saha digi chen, ba fu zi gil ba tum tagnau. Ba fu zi laari takta naa la lɔk ba bara a kpa tɔ a buk ba se. Chen fu zi biksi di ba burgiu a tiŋ Koosa nyinbaan.