Ju 9:28 - Tampulma

²⁸ Chen vɛɛna, Kristo funɛ sou bu bɛgimnɛ a kpa o titi a nyɛ Koosa ni, chen ni o zi kotiu a yisi nidamata a li ba tum tagna ni baa tiŋ un. Kristo wa bur wa, o wa bu sou a chiŋi ya tum tagna bar chiŋi ni. O zi yisi ba naa la pɔ unu, a li ba tum tagna ni hali a wa peti.

Ju 9:28 Referans Kwoze

Tait. 2:13

O lawa ya ya chenu a kpak bambi bɛgim aa pɔ a wuzu naa Yesu Kristo naa ya Koosa zen awa naa funɛ yisi ya a li ya tum tagna ni yaa tiŋ un, zi wa bur wa tɛɛnɛ nɔ maga awa o jirima awa o chaani kinkan ni. O wa bur wa, ya tusa zi sɔɔniu kinkan.

1 Pita 2:24

Kristo funɛ sou a li o daakakli ti ni, o fun kpa ya tum tagna a du o titi ni, chen ni ya wa zi bu tum tum tagna, amaa ya zi tum tum wereu. O chɔɔra funɛ nyɛ ma na alaafɛu.

Room 6:10

O funɛ sou bu bɛgim duŋduŋnɛ a sou tum tagna wati. Koosa funɛ lɛli un a li o sou ni, chen ni lalaknɔ o nyɛn Koosa watɛɛ.

2 Tim. 4:8

Ya kunyan ti wa bur wa di o di ya sɛria wa wuti, o zi bɔ min mu chimu, domi mu tum tum werewa a nyɛ un. O zi wa ya chenu a nyɛ ba naa maga la daŋni un a la pɔ un di o bur wa.

Room 8:23

A duŋduŋ laata. Ya naa piin kpak o siim weri ti nyɛn ya ni, ya gbanko namsiu a pɔ a la saha naa Koosa zi wa ŋɔ gbampulim niu di ya ya o bisiwa. Chen saha ti o zi wa lɛli ya barau a li a sou ni.

1 Jɔn 3:2

Mu bi daŋnɛ, ya ya Koosa bisawa lalaknɔ. Chenani ya zi wa du wuzu digi, Koosa ha wa biksi ya. Amaa Yesu wa bur wa, ya zi wa du a chi unu. Ya se zi wa na unu wuzu digi a chi chenani o du chen.

Tuma 1:11

Nara balɛ ta digi fun ŋɔ ba, “Ma Galili tima, baŋnɛ ma chiŋi bar nɔ a nyini buudaha ni di ma ya? Chenani ma na ka Koosa zer o waa Yesu a zini o tɔhɔn ti, chene o vɛɛn kaa wa bur wa wuzu digi.”

1 Tɛs. 1:10

Lalaknɔ maa tum o tumwa a la pɔ o be Yesu naa kaa wa li Koosa tɔhɔn ti ni a bur wa. Koosa funɛ lɛli unu a li o sou ni. Waa ya naa la zi yisi ya a li chenani Koosa zi na paan a du ya a lɛrgi ya diŋsa ni.

Mat. 26:28

N zi kpa unu a nyɛ nidamata ni, chen ni Koosa zi gil ba tum tagnau a nyɛ ba. Mu ya chen, chen la zi biksi di o wa nara ya nɔ bɛgimnɛ.

2 Pita 3:12

a pɔ di ma na Koosa waali tɛɛnɛ nɔ maga sɛria diili a kpak un ma bambe ni di o wa lalaga. Chen wuzu ti din zi wa chɔk buudahau.

1 Pita 3:18

Kristo titi funɛ sou bu bɛgimnɛ ma tum tagna daha, chen ni o zi kpa mau a la Koosa wati. Naa funɛ ya tum were nitumi, waa funɛ chiŋi ya naa ya tum tagna nitumɛ bar chiŋi ni. Ba funɛ kpu o barawa, amaa Koosa siim weri ti funɛ lɛli unu a li o sou ni,

1 Kɔr. 15:54

Koosa wa chɛrgi bara a burgi a naa la zi vɛ pɔɔli awa a naa la zi vɛ wa siti, kin naa ba fun sɔbi a li Koosa sɛm tɔn ti ni zi wa ya wutiu. Ba funɛ sɔbiu a ŋɔ, “Koosa fun kpa o kpok ti a nyaŋi sou.”

Room 8:3

Nibinsa wa kpak kpok. Chendaha Koosa chiksɛ ta fun vɛ koti a ya chen. Koosa funɛ nyɛ o be burgi nibine a tum un o wa tɛɛnɛ nɔ maga a sou nibinsa tum tagna daha. O funɛ ya chen, Koosa chɔk tum tagna kpok ti,

Jɔn 14:3

Mu wa kɔɔri a peti, mu zi bur wa kpa ma lau, chen ni ma wa min zi bu lagmi nyɛnu.

JɔnN Deesi 1:7

Maa il. O zi wa li dobaala tuhu niu di ba naa nyɛ ba kpa tim a tau o lɔgum hɛna a li o daakakli ti ni chen awa nara maga zi na unu. O wa bur wa, nibin kurgɛ maga zi wiu kinkan. O wa zi vusi. Ami.

Ju 4:15

Ya Koosa dam kɔkɔɔra ti zim chenani sintana ya wa zaamsi yau awa chenani ya vɛ kpak kpok a la daŋni ya chel. O funɛ nyɛn tɛɛnɛ nɔ maga ni, sintana fun zaamsi un a chi chenani maga o zaamsi ya lalaknɔ, amaa o wa fun chel hali tama. Chendaha o zim nan.

1 Jɔn 3:5

Ma zimu di Yesu funɛ wau di o wa yisi nara tum tagna maga a ta. O wa tum tum tagin hali tama.

2 Tɛs. 2:1

Mu daŋni mu bu ŋɔ mau lalaknɔ saha naa ya kunyan Yesu wa bur wa ka ya wa un wa lagmi wɛ. Mu niinbisa, mu sumi mau di,

1 Kɔr. 1:7

domi Koosa funɛ kpa o siim weri ti papaha maga a nyɛ ma, a biksi di ma funɛ la unu. Maa pɔ ya kunyan Yesu Kristo bur waali.

Room 5:15

Chenani Koosa fun suŋi ya yɔri, awa chenani Adam tum tum tagna wa ya kibɛgim. Nibin bɛgim tum tagna daha, nidamata fun siti. Nibin bɛgim Yesu Kristo daha, Koosa ka fun koti a suŋi nidamata kinkan yɔri.

Ju 9:25

Bun kam bu bɛgim Ju tim ta dam kɔkɔɔrsa nihɛɛ ti yaa fun kpa sela chɛlu a zu Koosa lɛu dɛ mun dɛ a nyɛ un di o chiŋi ba tum tagna bar chiŋi ni. Kristo wa fun zini a zu Koosa tɔhɔn ti lɛu ti a kpa o titi a nyɛ Koosa ni bu damata.

Mat. 20:28

N waa min nibine be wa fun wa di n wa dɛu tumtumsa di ba wa tum a nyɛ min. N ka funɛ wau di n wa tum a nyɛ tɛɛnɛ nɔ maga nara nɛɛ a sou a la nibinsa nyuuna a nyɛ ba.”

Mat. 25:31

“N waa nibine be wa Koosa malaikasi ta zi wa wau, mu zi wa kani mu kor niu a dɔ tɛɛnɛ nɔ maga,

Room 3:25

Koosa funɛ kpa Yesu Kristo a chiŋsi gbampulim ni a nyɛ o sou o daakakli ti ni, chen ni Koosa wa zi bu na paan a du ba naa maga se su Yesu sou chɛl ni. O funɛ ya chene di o biksi nara di o ya wuti tiinnɛ. Hali chen saha ti o funɛ kpak ba kanyitau a li nara tum tagna ni a ta lɛrgi ba diŋsa.

Ju 1:14

Baŋnɛ Koosa malaikasi ta ya? A maga ya siimsa a naa ya Koosa tumtumsa. O tum au di a wa suŋi ya, chen ni wuzu digi o zi wa lisi yau a li ya tum tagna ni hali a wa peti.

Ju 2:3

Ya kunyan Yesu titi funɛ te biksi nara chenani Koosa daŋni o yisi ba a li ba tum tagna ni baa tiŋ un. Ba naa funɛ nu o biksi ti, ba waa funɛ wa ŋɔ ya di o ya wutirɛ. Ya vɛ o wuti biksi naa ya kibirigi nan, yɛrɛ ya kaa ya a chɔɔli chenani Koosa zi na ya galimsa a lɛrgi ya diŋsa?

Ju 5:9

O funɛ biksi Koosa di o yaa kitiŋ o nɔ a li kina maga ni, Koosa fun koti a yisi ba naa maga tiŋ o nɔ a li ba tum tagna ni. Chenani o ya a nyɛ ba zi nyɛnu hali saha naa vɛ kpak bɔ.

Ju 7:27

O wa Ju tima Koosa dam kɔkɔɔrsi ta wa ya nibɛgim. Ba waa yaa fun te kɔɔri kɔɔra a nyɛ Koosa ni di a chiŋi ba tum tagna bar chiŋi ni, a zi kɔɔri kɔɔra a nyɛ Koosa ni di a chiŋi nara tum tagna bar chiŋi ni. Yesu wa zi daŋni o ya chen. O funɛ sou chen, o fun kpa o titi a kɔɔri kɔɔra a nyɛ Koosa ni bu bɛgim duŋduŋ.

Ju 10:10

Domi Yesu Kristo funɛ tiŋ Koosa tutɔrɛ a wa sou bu bɛgim duŋduŋ ya daha, Koosa dɔ ya lalaknɔ.

Ju 12:14

Maa kpak un ma bambe ni a kpak bara sɔɔna awa dɔŋ ni, a ya tu chaan tima. Tu chaan tima duŋduŋ la zi wa na ya kunyana.

Juud 1:21

Koosa daŋni mau. Chendaha maa tiŋ un nɛnɛ a ta gil o nyinbaan. Maa pɔ ya kunyan ti Yesu Kristo. O wa bur wa, o zi kpak ma sikiu a nyɛ ma o mi fali naa vɛ kpak bɔ.