Ju 9:24 - Tampulma

²⁴ Kristo funɛ si o sou ni, o wa fun la zu Koosa lɛu naa nibinsa fun du chen, ka o fun ya Koosa tɔhɔn ti kin chamsa. O ka fun zini a zu Koosa wuti lɛu naa nyɛn o tɔhɔn ti ni. Lalaknɔ waa kpalimi a kani ya bar kani ni a li Koosa suwachak ni.

Ju 9:24 Referans Kwoze

Ju 12:2

Yesu duŋduŋ si funɛ su Koosa hali o wa peti. Chendaha o lawa ya nyini o se niu a kpaŋi ya titi a tiŋ chenani o tiŋ saha maga. Domi o funɛ zim di o tiŋ Koosa tutɔ ka o tuha wa sɔɔni kinkan, o fun nyɛ ba kpaasi un a mari daakakli ti ni a sou a na hiisa kinkan. Lalaknɔwa o kani Koosa nihɛɛ bar kani ni a li o tɔhɔn ti ni.

Ju 9:23

Koosa lɛu ti awa kin naa maga nyɛn un ni funɛ ya Koosa tɔhɔn ti kina chamsirɛ. Chendaha Koosa fun ŋɔ ba di ba chaksi a chen. Chenani Yesu fun sou a chaksi Koosa tɔhɔn ti kina kaali sela chɛl ti kinkan.

Ju 8:2

Saha digi Mosis funɛ du lɛurɛ nyabaan ni a purigi un bilɛ, chen ni Koosa zi wa nyɛn dɛ mun niu. Lalaknɔ ya Koosa dam kɔkɔɔra nyɛn wuti lɛu naa Koosa fun du o tɔhɔn ti ni a tum o tuma a li dɛ mun ti ni ya daha.

Jɔn 16:28

Mu funɛ li o watɛɛ a wa tɛɛnɛ nɔ maga. Lalaknɔ mu saksi di mu li a bur a la o wati.”

Kɔl. 3:2

Ma kpa ma lise maga a du Koosa tɔhɔn ti kin ta ni. Ma ta kpa ma lise maga a du tɛɛnɛ nɔ maga kina ni.

Room 8:33

Koosa wa bu na ba naa o fun lisi a nyɛ o titi ni galimsa. O ya chen, anti la zi koti a fiksi ba di baa tum tum tagniwa? Nandigi wa toli.

Tuma 3:21

Koosa funɛ nyɛ o witinsa ba naa o fun lisi a nyɛ o titi ni, mɔɔliu saha digi di wuzu digi o zi wa nyɛ kina maga burgi kifalɛu. O lawa Yesu kpalimi Koosa tɔhɔn ti niu hali saha ti wa tel.

Luk 24:51

O funɛ sumi Koosa a du ba ni chene, a zini kaali buudaha Koosa wati.

Maak 16:19

Ba kunyan Yesu funɛ sɛm ba peti, o zini a kaali buudaha a la kani Koosa nihɛɛ bar kani ni.

Maak 14:58

“Ya funɛ nu chenani Yesu sɛm di o zi chɔk Koosa bar jɛɛmi dama naa ba kpa nisa a sa chenu, a burgi a sa un wuzu butora wuzu a ta kpa nisa a sa un.”

JɔnN Deesi 8:3

Salma biŋbiŋa funɛ nyɛn Koosa jirima bar kani suwachak nɛɛ. Malaikasi ta digi fun kpak salma gbaŋa a kpa kin naa sɔɔra weree a du un ni a wa chiŋi o suwachak ni. Kin naa sɔɔra weree chen funɛ ya Koosa nara sumi. Ba fun kpa kin naa sɔɔra weree kinkan a gbaari un di malaika ti kpa fu a nyɛ Koosa ni.

1 Pita 3:22

O fun lɛli Kristo a zini kaali o tɔhɔn ti a nyɛ o kani o nihɛɛ bar kani ni a dɔ o malaikasi ta maga awa o kpok tima.

Ju 9:9

Chenani o fun du saha digi, o ha vɛɛn du chene hali wa zinan. Ju tima Koosa dam kɔkɔɔrsi ta fun kpa nara tima papaha a kɔɔri kɔɔra a nyɛ Koosa ni di a chiŋi ba tum tagna bar chiŋi ni. Chenani ba ya wa chaksi ba tum tagna a li ba bambe ni.

Ju 8:5

Tum naa Ju tim Koosa dam kɔkɔɔrsi ta tum, ya chamsirɛ a li chenani Yesu tum a li Koosa tɔhɔn ti ni ya daha. Mosis funɛ saksi di o du Koosa lɛu ti nyabaan ni saha digi, Koosa funɛ ŋɔ unu, “Doso a du un a chi chenani mu fun biksi hin bi naa ba yir Sainai ni chen”.

Ju 6:20

Yesu ya ya Koosa dam kɔkɔɔra a chi Mɛlkizidɛk hali saha naa vɛ kpak bɔ. Waa funɛ te ya suwachak a la zu dooni ya daha.

Ju 1:3

Koosa funɛ kpa o jirima awa o chaani kinkan a nyɛ un. O bɔni chenani Koosa du, a kpa o kpok kinkan a sɛm a kpak tɛɛnɛ nɔ maga awa buudaha a lagmi dɔŋ ni. O funɛ sou, chen ni Koosa zi koti a chaksi nibinsa tum tagnau a li ba bambe ni baa tiŋ un. O funɛ si o sou ni a zini a zu Koosa tɔha, a fun la kani Koosa naa kpak kpok kinkan a kaali a maga, nihɛɛta bar kani ni.

Jɔn 6:62

Ma wa na n waa nibine be ka mu bur a la zu Koosa tɔhɔn ti, yɛrɛ ma zi lisi?

Mat. 18:10

“Ma doso ma ta wa ŋɔ di bisa nama ya yɔrirɛ. Ma nyɛ mu ŋɔ ma di ba malaikasa nyɛn mu kunyan Koosa naa nyɛn o tɔha ti ni suwachak ni. ((

2 Kɔr. 5:1

Ya bara chi lɛwa naa nibinsa kɔɔrirɛ. A wa chɔk, Koosa zi kpa ya kaali o tɔhɔn tiu a la nyɛ ya bara falɛ naa o titi naami chenu. Ya zi kpak au hali saha naa vɛ kpak bɔ.

Ju 4:14

Ya kpak naa ya Koosa dam kɔkɔɔra nizenu. O ya Koosa be, Yesu ti. O fun bur a zini a zu Koosa suwachak ni ya daha. Nan daha, o lawa ya kpak chenani ya se su unu nɛnɛ.

Ju 9:1

Koosa wa Ju tim ta funɛ te ya nɔ bɛgim, o fun a biksi ba chenani ba zi jɛɛmi un, awa chenani ba zi du lɛu a la jɛɛmi un dooni.