Ju 5:7 - Tampulma

⁷ Yesu funɛ nyɛn tɛɛnɛ nɔ maga ni a wa dugli siwi, o fun a sumi Koosa naa kpak kpok di o lisi un a li o sou ni. Koosa funɛ nu o sumiu, domi Yesu funɛ ya nibin jɛrgɛrɛ a la nyɛ un jirima.

Ju 5:7 Referans Kwoze

Jɔn 17:1

Yesu funɛ sɛm peti, o fun nyini buudaha ni a ŋɔ, “Mu nyana, mu siwi saha ti duglɛu. Biksi nara i jirima awa i chaani naa i fun kpa a nyɛ min chen kinkan, chen ni mu zi nyɛ hin jirima kinkanu.

Mat. 27:46

Chen saha tirɛ Yesu fun tɛsi kinkan a ŋɔ a li o titi sɛm ni, “Ɛli, ɛli, lama sabagtani.” Chen mun ya, “Koosa, Koosa, yɛrɛ i gil min?”

Maak 15:34

Chen saha tirɛ Yesu fun tɛsi kinkan a ŋɔ a li o titi sɛm ni, “Ɛloi, ɛloi, lama sabagtani.” Chen mun ya, “Koosa, Koosa, yɛrɛ i gil min?”

Ju 12:28

Ya waa le la o koor naa kundɔŋ vɛ nyɛni a la zi zigsi un. Ma nyɛ ya pɛgi un chen daha. Ma nyɛ ya gbanko yaa kiɔm un a kinyɛ un jirima aa kijɛɛmi un, chen ni o tuha zi sɔɔniu.

Jɔn 11:35

Yesu fun a wi.

Mat. 27:50

Yesu fun bukoo tɛsi kinkan a sou.

Maak 15:37

Yesu fun bukoo tɛsi kinkan a sou.

Ju 2:14

Ba naa o funɛ yir Koosa bisa, ba waa ya nibinsa. Chendaha Yesu fun burgi nibine naa kpok purɛɛ a chi ya, chen ni o zi sou a kpa sintana awa o sou kpoku a ta,

Luk 23:46

Doone Yesu fun tɛsi kinkan a ŋɔ, “Mu kunyana, n kpa mu siima a du i nin niu.” O fun sɛm sɛm ta peti a sou.

Ju 13:20

Koosa funɛ lɛli ya kunyan Yesu a li o sou ni. Ya chi o piisisiwa ka o ka ya ya nigbaŋi. O funɛ sou, o fun nyɛ Koosa wa nara bukoo ya nɔ bɛgim. Chenani o fun tum zi nyɛnu hali saha naa vɛ kpak bɔ.

1 Tim. 3:16

Wuti naa funɛ sogli ka Koosa lisi un a li gbampulim, yɛrɛ o zen mak. Yesu Kristo fun wa burgi nibine, ka Koosa siim weri ti fun biksi nara tima di chenani o ŋɔ o titi wɛ chen ya wutirɛ. Koosa malaikasa funɛ nyini un ka Koosa wa lɛli un a li o sou ni a zini o tɔhɔn ti. O nitiŋɛ ta fun a mɔɔli o laaboor weri ti bar damata ni ka nara se su un.

2 Jɔn 1:7

Lalaknɔ nusun tima kinkan nyɛnɛɛ. Ba wa la nɔɔni di Yesu Kristo funɛ wa tɛɛnɛ nɔ maga a wa burgi nibine. Ba naa vɛ la nɔɔni chen, ba ya nusun timwa a ya o dɔma.

1 Jɔn 4:3

Naa vɛ la nɔɔni Yesu wɛ nan ni, Koosa siim weri ti wa to un ni. O ya Kristo dɔmnɛ. Ma funɛ nu di chen tima zi wa tɛɛnɛ nɔ magau. Ba piin wau.

Gal. 4:4

Amaa o saha funɛ wa tel, Koosa fun tum o titi be tɛɛnɛ nɔ maga ni. Nihaan digi funɛ lul o be. O fun bi aa tiŋ Koosa chiksɛ ta.

Jɔn 11:42

Mu titi zimu di i nu mu nɔu, amaa mu sɛm nan a nyɛ hin di ba naa nyɛn bar nɔwa se su di hin funɛ tum min.”

Room 8:3

Nibinsa wa kpak kpok. Chendaha Koosa chiksɛ ta fun vɛ koti a ya chen. Koosa funɛ nyɛ o be burgi nibine a tum un o wa tɛɛnɛ nɔ maga a sou nibinsa tum tagna daha. O funɛ ya chen, Koosa chɔk tum tagna kpok ti,

Jɔn 1:14

Yesu Kristo ya ya kunyana Koosa duŋduŋ be. Koosa fun yisi o jirima awa o chaani kinkan a du un ni a nyɛ o burgi nibine a wa tɛɛnɛ nɔ maga di o wa ya lagmi nyɛn bunsa mɛna. Ya fun zim di Koosa jirima awa chaani kinkan nyɛn un ni awa chenani o sɛm maga ya wuti awa chenani o tuma suŋi nara.

Ju 10:5

Chendaha Kristo funɛ saksi di o wa tɛɛnɛ nɔ maga, o fun a ŋɔ Koosa ni, “Mu zimu di i wara daŋni nara kpa ba sela a kɔɔri kɔɔrsa a nyɛ hin. Chendaha i fun saksi bara di i nyɛ min di mu la chiŋi a bar chiŋi ni a sou.

Ju 10:10

Domi Yesu Kristo funɛ tiŋ Koosa tutɔrɛ a wa sou bu bɛgim duŋduŋ ya daha, Koosa dɔ ya lalaknɔ.

Ju 11:7

Baal digirɛ ba funɛ yir Nowa, o si fun su Koosa. Chendaha o fun koti a nu ka Koosa ŋɔ un di o kaa kpa nire a su tɛɛnɛ nɔ maga. Nowa fun tiŋ Koosa nɔ a koori arŋa. O funɛ kɔɔri un peti, o wa o walɛ fun zu o tuha ka Koosa yisi ba a li ni ti ni. Tɛɛnɛ nɔ tim maga fun siti, domi ba se wa fun su Koosa. Amaa Nowa si funɛ su unu. Chendaha Koosa bu vɛ na o galimsa.