Ju 4:1 - Tampulma

¹ Chenani Koosa fun vɔu di ya zi wa zu o bar hiisi ti ha vɛɛn chiŋiu. Ma nyɛ ya doso a ta nyɛ ya se suuli bur gantɛl, chen ni Koosa zi nyɛ ya zu dooniu.

Ju 4:1 Referans Kwoze

Ju 12:15

Koosa la suŋi ma di ma ya tu chaan tima aa gbaari. Ma doso ma ta nyɛ ma nandigi wa tɔ o nyinbaan. O bambe vɛ nyɛn un ni, chenani o lisi zi bu ma magau. Chen yɛɛ, yɛrɛ o zi wa du ma ni?

Ju 4:11

Ma nyɛ ya kpak un a li ya bambe ni di ya zu dooni. Ma ta nyɛ ya vɛ o nɔ a chi ba naa funɛ tiŋ Mosis chen, chen ni Koosa wa zi wa nyɛ ya zu dooni.

Ju 4:9

Wuzu bunɔpɛ wuzurɛ Koosa fun naami tɛɛnɛ nɔ maga a peti a zu o bar hiisi ti. Doonee ba naa maga se su un zi zu.

Ju 13:7

Maa lisi ba naa funɛ te wa biksi Koosa laaboor weri ti a nyɛ ma, a siti. Ma zim chenani ba funɛ tiŋ un nɛnɛu. Ma nyɛ ma se su Koosa a chi chenani ba se fu su un.

2 Tim. 2:13

Ya vɛ ya wuti tima, o waa ya wuti tiinnɛ saha maga. O wa koti a vɛ o titi.”

1 Kɔr. 10:12

Chendaha naa lisɛɛ di o chiŋɛ nɛnɛu, o doso a ta wa cheli a chi ba.

Room 11:20

Chenani ma sɛm ya wuti. Ju tim ta wa fun a nyɛ ba se su Koosa. Chendaha o fun teŋ a a ta. Ma se su un. Chendaha ma ka chiŋi a bar chiŋi ni. Ma ta daŋni sɔn a li chenani Koosa tum ni. Ma doso a ta wa cheli a chi Ju tim ta.

Room 3:23

Nara maga yaa tum tum tagnau a pɔɔgi chenani Koosa daŋni ba du.

Ju 12:25

Ma doso a kinu chenani Koosa sɛm ma. O funɛ sɛm Ju tim ta ni a li bi Sainai ni, ka ba vɛ un, ba wa fun koti a chɔ a li o nin ni. Ya vɛ di ya wa zi nu chenani o sɛm a li o tɔhɔn ti ni, chenani o zi lɛrgi ya diŋsa zi kaali chenani o ya bau.

Ju 3:11

Mu funɛ na paanu a ŋɔ nɔ a nyɛ ba a ŋɔ, ba wa zi wa zu mu bar hiisi.’ ”

Mat. 24:48

amaa tumtum naa o lisɛ chen vɛ ya wuti tiina, o zi ŋɔ o titi niu di o kunyan ti zi vusiu.

Tuma 3:19

Adaha ma gil ma tum tagna a bur tiŋ ma kunyana Koosa, chen ni o wa zi bu na ma galimsa.

2 Kɔr. 6:1

Min, Timoti awa Koosa lagmi a tum o tuma. Chendaha ya sumi ma di ma kpa chenani Koosa fun suŋi ma a tum tuma a nyɛ un.

Gal. 5:4

Ma naa la kpaŋi ma titi di maa tiŋ Koosa chiksɛ ta, chen ni o wa zi bu na ma galimsa, ma waa la vɛ Kristo. Chendaha Koosa vɛ koti a suŋi ma hali tama.