Ju 2:3 - Tampulma

³ Ya kunyan Yesu titi funɛ te biksi nara chenani Koosa daŋni o yisi ba a li ba tum tagna ni baa tiŋ un. Ba naa funɛ nu o biksi ti, ba waa funɛ wa ŋɔ ya di o ya wutirɛ. Ya vɛ o wuti biksi naa ya kibirigi nan, yɛrɛ ya kaa ya a chɔɔli chenani Koosa zi na ya galimsa a lɛrgi ya diŋsa?

Ju 2:3 Referans Kwoze

Ju 12:25

Ma doso a kinu chenani Koosa sɛm ma. O funɛ sɛm Ju tim ta ni a li bi Sainai ni, ka ba vɛ un, ba wa fun koti a chɔ a li o nin ni. Ya vɛ di ya wa zi nu chenani o sɛm a li o tɔhɔn ti ni, chenani o zi lɛrgi ya diŋsa zi kaali chenani o ya bau.

Room 2:3

I di chenani i dɔŋtiina tum sɛria chen, i zi koti a chɔ li Koosa sɛria diili ti niuu?

Ju 5:9

O funɛ biksi Koosa di o yaa kitiŋ o nɔ a li kina maga ni, Koosa fun koti a yisi ba naa maga tiŋ o nɔ a li ba tum tagna ni. Chenani o ya a nyɛ ba zi nyɛnu hali saha naa vɛ kpak bɔ.

Tuma 4:12

“O duŋduŋ koti a yisi nara a li ba tum tagna ni di ba tiŋ Koosa. Nandigi wa to tɛɛnɛ nɔ maga ni a la zi koti a chiŋi o bar chiŋi ni a tum chen.”

Ju 4:11

Ma nyɛ ya kpak un a li ya bambe ni di ya zu dooni. Ma ta nyɛ ya vɛ o nɔ a chi ba naa funɛ tiŋ Mosis chen, chen ni Koosa wa zi wa nyɛ ya zu dooni.

Ju 1:2

Amaa bunsa nama nɛɛ o fun nyɛ o be Yesu Kristo biksi ya o wɛ. Koosa funɛ nyɛ o naami tɛɛnɛ nɔ maga awa buudaha, a fun lisi un di tɛɛnɛ nɔ maga awa buudaha siili saha wa tel, o zi wa dɔ kina magau.

Luk 1:2

Ba waa funɛ sɔbi chenani ba nu a li sɛhɛra tima ba naa funɛ piin na a o piili ti ni a fun la biksi nara a wɛ.

JɔnN Deesi 7:10

Ba fun tɛsi wa ta zaŋ ni a ŋɔ, “Koosa naa la kani o jirima bar kani ni awa piisi be ti, ba maga funɛ yisi ya a li ya tum tagna ni hali a wa peti a kpa ya wa bar nɔ.”

Tait. 2:11

Koosa daŋni o suŋi nibinsa magawa a yisi ba a li ba tum tagna ni baa tiŋ un. Chendaha o fun tum o be o wa tɛɛnɛ nɔ maga ni.

1 Tim. 1:15

Chenani mu kaa ŋɔ nan ya wuti sɛma a naa ya maga zi la nɔɔni. Yesu Kristo funɛ wa tɛɛnɛ nɔ maga di o wa yisi nara a li ba tum tagna ni baa tiŋ Koosa. Min funɛ tum tum tagna a kaali nara maga.

Mat. 23:33

Ma nawaalsa funɛ chi dumwa. Chendaha ma chi ba. Koosa wa wa di o wa di tɛɛnɛ nɔ maga tima sɛria, o zi wa na ma galimsau a kpa ma du din dam ti ni. Yɛrɛ ma kaa wa ya a chɔ li dooni?

Ju 4:1

Chenani Koosa fun vɔu di ya zi wa zu o bar hiisi ti ha vɛɛn chiŋiu. Ma nyɛ ya doso a ta nyɛ ya se suuli bur gantɛl, chen ni Koosa zi nyɛ ya zu dooniu.

Tuma 2:22

“Ma Ju tima, maa nu chenani mu kaa ŋɔ ma nan nɛnɛ. Tum zene awa alaazibu tuma a naa Koosa nyɛ Yesu Nazarɛt nar fun tum, biksi ma di Koosa funɛ lisi un. Ma titi zim kin nama wɛu domi a ya ma bambaan nɛɛ.

Jɔn 15:27

Ma funɛ nyɛn mu wati o piili ti ni chen. Chendaha ma gbanko zi biksi narau mu wɛ.”

Luk 24:19

Yesu fun pɛɛsi un, “Baŋa ya?” O fun ŋɔ un, “Kin naa ba ya Yesu Nazarɛt nar. O funɛ ya witiin naa Koosa tum ya watɛɛ. Waa funɛ kpa o kpok a nyɛ o sɛm sɛm kpoka a la tum tum kpoka a nyɛ un. Chendaha nara maga nyɛ un jirima kinkan.

Maak 1:14

A gantɛl nɛɛ koor Hɛrɔd fun nyɛ ba kpak Jɔn a tɔ un dɛ, Yesu fun si dooni a kaali Galili pulum a wa mɔɔli Koosa laaboor weri ti a nyɛ nara ni,

1 Tɛs. 5:3

A saha naa nara yaa sɛm di alaafɛ nyɛnu ka ba vɛ ɔm kundɔŋ, muksi kinkan ya vaan wa pu ba lalaga. Ba nidigi wa zi li muksi ti ni. O zi jɛri bau a chi nihaan naa kpak lo. O wa kaa lul, wiili ti yaa jɛri unu.

Luk 1:69

Waa funɛ nyɛ ya nibin zen naa ya Devid be luli. Waa la zi yisi ya a li ya tum tagna ni ya tiŋ un.

Mat. 4:17

Saha ti kpa la Yesu yaa fun la biksi nara a ŋɔ ba, “Ma gil ma tum tagna a burgi tiŋ Koosa nyinbaan. Saha ti duglɛu di Koosa dɔ nara.”

Room 11:14

Nan daha, amii mu titi nara bɔnɛ kpak ma handɔtau, chen ni Koosa zi koti a yisi bau a li ba tum tagna ni.

1 Kɔr. 1:21

Ba zima ti wa nyɛ ba zim Koosa. Koosa nyɛ chen ya a li o zimi ni. Amaa o funɛ ŋɔ o zi la ba naa se su o laaboor weri tiu ka ya kpa un a biksi nara chen. Ba naa la tiŋ nibinsa zima ti lisiu di o laaboor weri ti ya yɔrirɛ.

Ju 1:1

Saha digi Koosa fun nyɛ o witinsa biksi ya nawaalsa o tutɔ wɛ. Nyinbaan damatiwa o fun kpa a biksi ba a gbaari tamtama.

Ju 1:14

Baŋnɛ Koosa malaikasi ta ya? A maga ya siimsa a naa ya Koosa tumtumsa. O tum au di a wa suŋi ya, chen ni wuzu digi o zi wa lisi yau a li ya tum tagna ni hali a wa peti.

Ju 9:28

Chen vɛɛna, Kristo funɛ sou bu bɛgimnɛ a kpa o titi a nyɛ Koosa ni, chen ni o zi kotiu a yisi nidamata a li ba tum tagna ni baa tiŋ un. Kristo wa bur wa, o wa bu sou a chiŋi ya tum tagna bar chiŋi ni. O zi yisi ba naa la pɔ unu, a li ba tum tagna ni hali a wa peti.

1 Jɔn 1:1

Min waa, Jɔn, la sɔbi tɔn nɔ a biksi ma nandigi wɛ. Waa funɛ nyɛn dooni a li piili ti ni, a ya miisa maga tiina. Ya funɛ koti a nu o tau a na un awa ya se ni a nyini un a kpa ya nisa a gbaŋsi un. O funɛ biksi ya Koosa wɛu.

Juud 1:17

Mu bi daŋnɛ, ma lisi chenani ya kunyan Yesu Kristo nitumɛ fun te biksi ma,