Ju 13:1 - Tampulma

¹ Ma maga ya niinbisawa. Chendaha o lawa maa daŋniu saha maga.

Ju 13:1 Referans Kwoze

1 Jɔn 4:20

Nandigi ŋɔ di o daŋni Koosau a ha o dɔŋtiina, o ya nusun tiinnɛ. O vɛ koti a daŋni o dɔŋtiina naa oo na, yɛrɛ o kaa ya a daŋni Koosa naa o vɛ naali?

1 Pita 3:8

Ma nyɛ mu lagmi a nama a ŋɔ ma. Maa kpak nɔ bɛgim wa dɔŋ ni a li kina maga ni. Ma ya niinbisiwa. Chendaha maa daŋni dɔŋa kinkan a ya jɛrgɛ aa kpak dɔŋa wa siki.

1 Pita 1:22

Ma funɛ nu Koosa laaboor weri naa ya wuti chen, ma fun a chaksi ma tusa a li ma tum tagna ni a tiŋ un, chen ni ma fun piili a daŋni ma dɔŋtima a li bambe ni. Maa daŋni ba kinkan ma bambe ni.

2 Pita 1:7

a ya nibin were ma dɔŋtima wati a kidaŋni ba.

1 Pita 2:17

Maa daŋni ma dɔŋtima ba naa se su Yesu, a kinyɛ Koosa awa koorsi ta nyuhu tiina Siiza awa nara maga jirima.

Ju 10:24

Ma nyɛ ya kpami ya dɔŋtima di ya maga kidaŋni dɔŋa a kitum tum were a nyɛ dɔŋ ni.

2 Tɛs. 1:3

Mu niinbisa, ya yaa zaami Koosau ma daha saha maga. O weru di yaa zaami un chen, domi ma se suuli gbaariu kinkan ka maa daŋni dɔŋa.

1 Pita 4:8

O ya wu birigirɛ di ma kpak si sɛm a daŋni dɔŋa kinkan. Yaa daŋni dɔŋa kinkan ka ya dɔŋtima tum tum tagna a du ya ni, o wa zi muksi ya.

Gal. 5:22

Amaa Koosa siim weri ti ka nyɛn ma ni, o zi nyɛ maa daŋni dɔŋau a kinyɛ ma tu sɔɔna awa bara sɔɔna saha maga. O zi nyɛ ma kpak kanyitau a tum tum were a nyɛ nara ni a ya nibin were a ya wuti tima,

Gal. 5:13

Mu niinbisa, Koosa funɛ yir ma di ma ta ya yosa. Amaa lalaknɔ o yisɛ mau, ma ta bu tiŋ ma titi daŋnɛ. Ma ka daŋni dɔŋa a kisuŋi dɔŋa.

JɔnN Deesi 2:4

amaa wu digirɛ ma vɛ seen a yaali. Ma wara daŋni min a chi chenani ma fun te daŋni min chen.

1 Jɔn 3:23

Nannɛ ya zi tum a sɔɔni o tuha. O lawa ya nyɛ ya se su o be Yesu Kristou a kidaŋni dɔŋa a chi chenani o fun ŋɔ ya chen.

Gal. 5:6

Domi ya wa Kristo ya nibɛgimnɛ, Koosa baga wa to di nara teŋsi yau koo ba wa teŋsi. Amaa o ka daŋni kinkannɛ di ya se su un, chen ni ya zi daŋni dɔŋau.

Jɔn 15:17

Mu sɛm mau wa kpok ni, o lawa maa daŋni dɔŋau.”

Ɛfɛ. 5:2

Yesu Kristo funɛ sou ya daha, chen chi chenani Ju tim ta fun kpa kin a nawara sɔɔra weree awa sela a kɔɔri kɔɔra a nyɛ Koosa ni. Yesu Kristo fun sɔɔni Koosa tuha kinkan a biksi ya di o daŋni yau. Ma nyɛ ma nara daŋni te ma suwachak a chi un.

Ɛfɛ. 4:3

Koosa siim weri ti funɛ nyɛ ma ya nɔ bɛgimu wa dɔŋ ni a nyɛ ma bara sɔɔna. Maa kpaŋi saha maga a kiya dɔŋa chen.

Tuma 4:32

Ba naa maga se su Yesu funɛ ya nibɛgimnɛ. Nandigi wa fun ŋɔ di o titi kina ha vɛɛn ya o kinawa. Ba fun kpa a maga a bɔni dɔŋa.

Tuma 2:1

Ju tim ta wuzu zen naa ba funɛ yir Pɛntɛkɔst chen wa tel, Yesu gantɛl tiŋsi ta maga fun wa lagmi dɔŋ ni.