Ju 12:25 - Tampulma

²⁵ Ma doso a kinu chenani Koosa sɛm ma. O funɛ sɛm Ju tim ta ni a li bi Sainai ni, ka ba vɛ un, ba wa fun koti a chɔ a li o nin ni. Ya vɛ di ya wa zi nu chenani o sɛm a li o tɔhɔn ti ni, chenani o zi lɛrgi ya diŋsa zi kaali chenani o ya bau.

Ju 12:25 Referans Kwoze

Ju 8:5

Tum naa Ju tim Koosa dam kɔkɔɔrsi ta tum, ya chamsirɛ a li chenani Yesu tum a li Koosa tɔhɔn ti ni ya daha. Mosis funɛ saksi di o du Koosa lɛu ti nyabaan ni saha digi, Koosa funɛ ŋɔ unu, “Doso a du un a chi chenani mu fun biksi hin bi naa ba yir Sainai ni chen”.

Ju 11:7

Baal digirɛ ba funɛ yir Nowa, o si fun su Koosa. Chendaha o fun koti a nu ka Koosa ŋɔ un di o kaa kpa nire a su tɛɛnɛ nɔ maga. Nowa fun tiŋ Koosa nɔ a koori arŋa. O funɛ kɔɔri un peti, o wa o walɛ fun zu o tuha ka Koosa yisi ba a li ni ti ni. Tɛɛnɛ nɔ tim maga fun siti, domi ba se wa fun su Koosa. Amaa Nowa si funɛ su unu. Chendaha Koosa bu vɛ na o galimsa.

Mat. 8:4

Yesu fun ŋɔ un, “I fiɛŋ i sɛm nandigi ni, amaa kila Koosa dam kɔkɔɔrsi ta digi wati, chen ni o zi koti a na hinu. O na hin, i nyɛ o kɔɔri kɔɔri ti a nyɛ hin a chi Mosis funɛ biksi ya saha digi chen. Chen la zi biksi nara di i zagumti ti petiu.”

2 Tim. 4:4

Ba zi wa buru a li Koosa wuti biksi ti ni, a kidaŋni baa nu mura.

1 Tɛs. 5:15

Ma ta tum tum tagin a bɔ tum tagin. Maa kpaŋi a tum tum were duŋduŋ aa nyɛ dɔŋ ni awa nara maga ni.

Tuma 7:35

“Ju tim nara balɛ ta Mosis fun gɔɔgi chen fun te ŋɔ un di o wa dɔ ba a kpak nyinbaan ti di o di ba sɛria. Koosa fun tum un di o bu bur kila Ju tima ba naa funɛ vɛ un, wati a nyɛ o malaika naa o na a li bugil pum din ti ni chen suŋi un o ya ba nyuhu tiina awa naa la zi yisi ba.

Ju 3:17

Yɛrɛ Koosa fun na paan a du ba ni bun fumnaasi? O funɛ ya chene, domi ba funɛ tum tum tagniwa saha maga. O fun a na ba galimsa a nyɛ ba siti a li nyabaan ti ni.

Mat. 17:5

Pita funɛ sɛm chene, dobaal naa la chaani fun wa tɔ ba, zuuuu. Ba fun nu ta dobaal ti ni ka o ŋɔ, “N be daŋni nɛɛnɛ. Waa la ya min lɛmlɛm kinkan. Maa nu o sɛma.”

JɔnN Deesi 22:9

Amaa o funɛ ŋɔ minu, “Ta ya chen, domi mu wa hin awa i niinbisa ba naa ya Koosa witinsa ka ba tiŋ tɔn nɔ sɛma nɔ, ya Koosa tumtumsiwa. Kijɛɛmi o duŋduŋ.”

JɔnN Deesi 19:10

Mu fun gbiri o suwachak un di mu jɛɛmi un, amaa o funɛ ŋɔ minu, “Ta ya chen, domi mu wa hin awa i niinbisa ba naa funɛ ŋɔ nara ni di Yesu dɔ ba, ya o tumtumsa. Kijɛɛmi Koosa duŋduŋ.” Chenani Yesu fun biksi nara tima wuti ti awa chenani Koosa witinsi ta fun biksi, ya kibɛgimnɛ.

1 Pita 1:22

Ma funɛ nu Koosa laaboor weri naa ya wuti chen, ma fun a chaksi ma tusa a li ma tum tagna ni a tiŋ un, chen ni ma fun piili a daŋni ma dɔŋtima a li bambe ni. Maa daŋni ba kinkan ma bambe ni.

Ju 1:1

Saha digi Koosa fun nyɛ o witinsa biksi ya nawaalsa o tutɔ wɛ. Nyinbaan damatiwa o fun kpa a biksi ba a gbaari tamtama.

Ju 3:12

Mu niinbisa, ma doso. Ma ta nyɛ ma se suuli bur gantɛl ka ma tum tum tagna, a bur tiŋ Koosa naa nyɛnɛɛ, nyinbaan.

Ju 12:19

a fun nu kaabul chɛɛma ka Koosa ta fun a ŋɔ ba. Ta ti fun ŋɔ ba, “Doonani mu chiŋi nan chiu. Nibine akoo sel nɔsi bi nɔ ni, ma kpa buŋkula a yaksi un a kpu.” Hansura fun kpak ba kinkan, ka ba fun sumi un di ta ti ta bu sɛm gbaari.