Ju 12:15 - Tampulma

¹⁵ Koosa la suŋi ma di ma ya tu chaan tima aa gbaari. Ma doso ma ta nyɛ ma nandigi wa tɔ o nyinbaan. O bambe vɛ nyɛn un ni, chenani o lisi zi bu ma magau. Chen yɛɛ, yɛrɛ o zi wa du ma ni?

Ju 12:15 Referans Kwoze

Ju 3:12

Mu niinbisa, ma doso. Ma ta nyɛ ma se suuli bur gantɛl ka ma tum tum tagna, a bur tiŋ Koosa naa nyɛnɛɛ, nyinbaan.

Gal. 5:4

Ma naa la kpaŋi ma titi di maa tiŋ Koosa chiksɛ ta, chen ni o wa zi bu na ma galimsa, ma waa la vɛ Kristo. Chendaha Koosa vɛ koti a suŋi ma hali tama.

2 Kɔr. 6:1

Min, Timoti awa Koosa lagmi a tum o tuma. Chendaha ya sumi ma di ma kpa chenani Koosa fun suŋi ma a tum tuma a nyɛ un.

2 Jɔn 1:8

Ma nyini ma titi nɛnɛ, chen ni ma wa zi wa chel a chɔk ya tuma. Ma ya chen, ma zi wa na papaha naa Koosa kaa wa kpa nyɛ ma wuzu digiu.

1 Kɔr. 15:33

Ma ta mur ma titi. Ma lagmi nibin tagna ni, ba zi chɛrgi ma bambe were tau a tagini.

2 Pita 3:14

Mu bi daŋnɛ, chenani ma ya chen, o lawa ma kpak se sɛmu awa tu chaan tima a kpak sɔn weri Koosa suwachak ni ka ma wa un kpak nɔ bɛgim.

Ju 4:1

Chenani Koosa fun vɔu di ya zi wa zu o bar hiisi ti ha vɛɛn chiŋiu. Ma nyɛ ya doso a ta nyɛ ya se suuli bur gantɛl, chen ni Koosa zi nyɛ ya zu dooniu.

1 Kɔr. 5:6

Ma sɔn daŋni ti wa wer. Ma wa zim di luri tama yaa nyɛn boroboro sau ni, o yaa nyɛ sau ti maga fɔɔsiu chenn?

Ju 4:11

Ma nyɛ ya kpak un a li ya bambe ni di ya zu dooni. Ma ta nyɛ ya vɛ o nɔ a chi ba naa funɛ tiŋ Mosis chen, chen ni Koosa wa zi wa nyɛ ya zu dooni.

2 Kɔr. 13:5

Maa zaamsi ma titi di ma se su Yesu Kristo nɛnɛ. Ma zim di o nyɛn ma bambe niu akoo ma higliu di ma tiŋ unuu?

1 Kɔr. 10:12

Chendaha naa lisɛɛ di o chiŋɛ nɛnɛu, o doso a ta wa cheli a chi ba.

Ju 6:11

Ya daŋni kinkan di ma kpak un ma bambe ni di maa suŋi ba hali ma nyɛni saha wa peti. Maa ya chen, chen ni ma bambi bɛgim naa ma kpak Koosa ni chen, zi ya wutiu.

2 Pita 2:18

Ba sɛma la biksi ya di ba ya womniwa a la daŋni sɔna. Saha maga ba yaa sɛm sɛm lɛmawa a nyɛ nara ni a mur ba di baa tum chɔkumsi tuma. Nara nama piili di ba tiŋ Koosa nyinbaan ti a gil ba naa la tum tum tagna.

Kɔl. 3:5

Ma kpa ma tum tagna a ta. Ma ta kpa ma bara aa tum chɔkumsi tuma, a ta tum sakaal tuma koo tum tum tagna ma lisi tagna daha. Ma gbanko ta chi kidɔŋtima. Kidɔŋtim maga chi ba naa yaa nyɛ vursa wa jirima chene a ya yɔrirɛ.

Ɛfɛ. 5:3

Ma ya Koosa narawa lalaknɔ. O wa deŋli wa maa sɛm dɔŋa sakaal tuma awa doŋ tuma a daŋni ma ya se tima wɛ.

Gal. 2:13

Ba dɔŋtima ba naa funɛ ka a ya Ju tim ta, funɛ na chenani Pita fun tumu, ba tiŋ un. Hali Barnabas wa o dɔŋtima ba naa vɛ ya Ju tima, fun vɛ di o wa ba wa zi lagmi a di diwe.

1 Kɔr. 13:8

Sɛm naa ba yaa sɛm a li Koosa kpok ti ni a nyɛ nara ni, a zi wa kpak bɔu wuzu digi. Sɛm kurgɛ ta ba yaa sɛm a li Koosa kpok ti ni, a zi wa gilu wuzu digi. Zima naa nara kpak, o gbanko zi wa gilu wuzu digi. Amaa daŋni wa kpak peti.

2 Pita 3:11

Wuzu digi buudaha awa tɛɛnɛ nɔ maga zi wa chɔku a chi chen, nibin baŋwa ma kaa wa chi? Ma ya tu chaan tima a kitiŋ Koosa nɛnɛ,

2 Pita 1:10

Mu niinbisa, Koosa fun lisi ma a yir ma. Chendaha ma nyɛ ma se sɛri a gbaari, chen ni ma zi a kpaku nɛnɛ. Ma kpak chen nɛnɛ, ma wa zi kut nyuksi o nyinbaan ti,

Luk 22:32

N funɛ sumi Koosa a nyɛ hinu di chenani i si su min wa zi bur gantɛl hali a wa peti. Sintana wa zaamsi hin, i zi chelu, amaa i burɛɛ a tiŋ min nɛnɛ, n daŋni i chiŋi i dɔŋtima gantɛl nɛɛ.”

Tait. 1:15

Kina maga weru a li ba naa tusa Koosa fun chaksi ni. Amaa ba naa tusa o fun vɛ chaksi ka ba se vɛ su un, kina maga ya doŋwa ba wati, domi ba lise awa ba tusa ya kitagniwa.