Ju 1:3 - Tampulma

³ Koosa funɛ kpa o jirima awa o chaani kinkan a nyɛ un. O bɔni chenani Koosa du, a kpa o kpok kinkan a sɛm a kpak tɛɛnɛ nɔ maga awa buudaha a lagmi dɔŋ ni. O funɛ sou, chen ni Koosa zi koti a chaksi nibinsa tum tagnau a li ba bambe ni baa tiŋ un. O funɛ si o sou ni a zini a zu Koosa tɔha, a fun la kani Koosa naa kpak kpok kinkan a kaali a maga, nihɛɛta bar kani ni.

Ju 1:3 Referans Kwoze

JɔnN Deesi 4:11

“Ya kunyana awa ya Koosa, hin naami kina maga. O ya i tutɔrɛ a nyɛn. Chendaha o deŋli wa ya jɛɛmi hin, domi i kpak jirima awa chaani wa kpok kinkan a kaali a maga.”

Jɔn 1:14

Yesu Kristo ya ya kunyana Koosa duŋduŋ be. Koosa fun yisi o jirima awa o chaani kinkan a du un ni a nyɛ o burgi nibine a wa tɛɛnɛ nɔ maga di o wa ya lagmi nyɛn bunsa mɛna. Ya fun zim di Koosa jirima awa chaani kinkan nyɛn un ni awa chenani o sɛm maga ya wuti awa chenani o tuma suŋi nara.

2 Kɔr. 4:4

Ba wa koti a nyɛ ba se su o laaboor weri ti. O chi nharɛ a chaani nara bambe ni, amaa sintana naa dɔ tɛɛnɛ nɔ tim maga, tɔ ba lise. Koosa laaboor weri ti ya Kristo wɛ. O bambi chi Koosa bambire. Koosa awa un bɔnɛ o jirima awa o chaani ti kinkan.

Ju 12:2

Yesu duŋduŋ si funɛ su Koosa hali o wa peti. Chendaha o lawa ya nyini o se niu a kpaŋi ya titi a tiŋ chenani o tiŋ saha maga. Domi o funɛ zim di o tiŋ Koosa tutɔ ka o tuha wa sɔɔni kinkan, o fun nyɛ ba kpaasi un a mari daakakli ti ni a sou a na hiisa kinkan. Lalaknɔwa o kani Koosa nihɛɛ bar kani ni a li o tɔhɔn ti ni.

Jɔn 1:4

Koosa miisa naa vɛ kpak bɔ nyɛn un ni. Nara wa la o miisi ti, ba wa bu a nyɛn birsi ni. Ba zi nyɛn nha nɛɛ.

Ju 10:12

Kristo funɛ sou ya daha, o fun a burgi ya kɔɔra a chiŋi ya tum tagna bar chiŋi ni bu bɛgim. O funɛ wa si o sou ni, o fun zini a zu Koosa tɔhɔn ti a la kani Koosa nihɛɛ bar kani ni. O kɔɔri nɔ zi chiŋiu hali saha naa vɛ kpak bɔ.

Juud 1:25

Waa funɛ tum ya kunyana Yesu Kristo di o wa yisi ya a li ya tum tagna ni. Koosa naa ya nibɛgim duŋduŋ kpak jirima kinkan awa kpok a kaali kina maga a li o piili ni a wa zinan kpa la hali saha naa vɛ kpak bɔ. Ami. Ma zaami ba naa maga nyɛn ma wati a nyɛ min.

Ju 9:26

O fu ya chen ni, saha naa Koosa fun naami tɛɛnɛ nɔ maga hali wa zinan, o fu zi namsi bu damatau a sou. Tɛɛnɛ nɔ maga siili saha funɛ wa dugli, o fun wa sou ya daha bu bɛgim a lisi tum tagna kpok a ta.

1 Jɔn 1:7

Amaa ya nyɛ ya tusa chaani a chi chenani Koosa tuha chaani chen, ya wa ya dɔŋtima zi kpak nɔ bɛgimu ka Koosa be Yesu chɛl zi yisi ya doŋ magau a li ya ni.

Ju 4:14

Ya kpak naa ya Koosa dam kɔkɔɔra nizenu. O ya Koosa be, Yesu ti. O fun bur a zini a zu Koosa suwachak ni ya daha. Nan daha, o lawa ya kpak chenani ya se su unu nɛnɛ.

1 Jɔn 3:5

Ma zimu di Yesu funɛ wau di o wa yisi nara tum tagna maga a ta. O wa tum tum tagin hali tama.

2 Pita 1:16

Ya funɛ biksi ma chenani ya kunyan Yesu Kristo zi wa bur wa wa o kpok ni, ya wa fun a ŋɔ mura naa kpak nɛharɛ a nyɛ ma. Ya funɛ ŋɔ ma chenani ya fun na o zenu awa o kpok ti kinkanu wa ya se ni.

1 Pita 3:22

O fun lɛli Kristo a zini kaali o tɔhɔn ti a nyɛ o kani o nihɛɛ bar kani ni a dɔ o malaikasi ta maga awa o kpok tima.

1 Pita 1:21

Kristo funɛ sou a li o daakakli ti ni, Koosa fun lɛli un a li o sou ni a kpa o jirima awa o chaani kinkan a du un ni. O daha ma se su Koosau ka ma kpak bambi bɛgim un ni.

Ju 8:1

Nan wu birigirɛ ya daŋni ya ŋɔ ma. Yesu naa ya ya Koosa dam kɔkɔɔra, kani Koosa naa zene a kaali kina maga, nihɛɛ bar kani ni a li o tɔhɔn ti ni.

Maak 16:19

Ba kunyan Yesu funɛ sɛm ba peti, o zini a kaali buudaha a la kani Koosa nihɛɛ bar kani ni.

JɔnN Deesi 3:21

Ba naa kpak nɛnɛ hali a la tel o bɔ, mu zi nyɛ ba bɔni mu jirima bar nyɛniu Koosa chakpal ni. Mu funɛ kpak nɛnɛ hali a fun la tel o bɔ. Chendaha o nyɛ mu kani dooni.

Ju 7:27

O wa Ju tima Koosa dam kɔkɔɔrsi ta wa ya nibɛgim. Ba waa yaa fun te kɔɔri kɔɔra a nyɛ Koosa ni di a chiŋi ba tum tagna bar chiŋi ni, a zi kɔɔri kɔɔra a nyɛ Koosa ni di a chiŋi nara tum tagna bar chiŋi ni. Yesu wa zi daŋni o ya chen. O funɛ sou chen, o fun kpa o titi a kɔɔri kɔɔra a nyɛ Koosa ni bu bɛgim duŋduŋ.

Tuma 2:33

a kpa un a zini kaali Koosa nihɛɛti bar kani a li o tɔhɔn ti ni. O nyana funɛ kpa o siim weri tiu a nyɛ un a chi chenani o fun vɔu chen. Waa funɛ kpa chen siim weri ti a du ya bambe ni. Chenani ma nu a na zinan ya o waali ti mun.

Jɔn 1:29

Chɔɔsa funɛ pisi Jɔn fun na Yesu ka o wa o wati. O fun ŋɔ ba naa funɛ nyɛn dooni, “Maa na, baal nɔ chi piisi be naa Ju tima yaa kpa kɔɔri kɔɔra a nyɛ Koosa ni chene. Waa nyɛ Koosa bu vɛ na tɛɛnɛ nɔ maga nara galimsa.

Kɔl. 3:1

Koosa funɛ lagmi lɛli ma wa Kristo a li ma sou ni. Chendaha ma nyɛ ma bambe kilisi Koosa tɔhɔn ti kina wɛ. Kristo kanɛ Koosa nihɛɛ bar kani ni dooni.

Room 8:34

Anti la zi koti a ŋɔ di ba chelu? Yesu Kristo funɛ ya naa siwɛɛ ka Koosa lɛli un a li o sou ni. Lalaknɔ o kanɛ Koosa nihɛɛta bar kani nɛɛ a la sumi un saha maga a nyɛ ya.

Tuma 7:56

Stivin fun ŋɔ ba, “Ma nu mu wati nɛnɛ. Ba puk Koosa tɔha bulzɔɔnɔu ka mu na Yesu naa ya nibine be ka o chiŋi Koosa nihɛɛti ti bar kani ni.”

Room 1:16

Koosa laaboor weri ti ya mu jirima kin. Koosa funɛ kpa o kpokre a du un ni, chen ni Koosa zi kotiu a yisi ba naa maga se su o laaboor weri ti a li ba tum tagna ni. O te ya chene a nyɛ ba naa ya Ju tim ni a ka zi ya a nyɛ ba naa vɛ ya Ju tim ni.

Ju 9:16

Nar ŋɔ a chiŋsi ka o ha vɛ siwi, o nara wa zi pa o kina. Ba wa kitiŋ chenani o ŋɔ a chiŋi chen see ba biksi di o sir sou.

Mat. 22:24

Ba fun ŋɔ un, “Ya nawaalsa nihɛɛ, Mosis, funɛ biksi ya a li Koosa sɛm tɔn ti ni, nandigi kpa haan ka o wa o haan ti vɛ luli ka o sou, ya nyɛ o niinbe kpa o maan ti haan ti a lul bisa a nyɛ o maan ti ni, chen ni o sɔn wa zi sou.

Tait. 2:14

O funɛ sou a daakakli ti nɛɛ a nyɛ ya, chen ni o zi la ya nyuunau a nyɛ ya a chaksi ya a dɔ ya a nyɛ ya se sɛm di ya tum tum were a nyɛ un.

Ju 1:13

Ba gbanko fun sɔbi di Koosa ŋɔ, “Kuwa a wa kani mu nihɛɛta bar kani ni, ka mu nyɛ i dɔma burgi i yosa.” Koosa wa fun ŋɔ nan o malaikasi ta digi daharɛ. O ka funɛ ŋɔ nan o be ti daharɛ.

2 Pita 1:17

Ya wa un funɛ nyɛn bi nyuha ni, ya kunyana Koosa fun nyɛ un jirima awa chaani kinkan a nyɛ ta li o bar chaani a ŋɔ, “Mu be daŋni nɛɛnɛ. Waa ya min lɛmlɛm kinkan.”