Jɔn 9:39 - Tampulma

³⁹ Doone Yesu fun ŋɔ, “Mu funɛ wa tɛɛnɛ nɔ maga di mu wa nyɛ ba naa se vɛ lɛlirɛ lɛli a biksi ba naa ŋɔɛɛ di ba se lɛlɛu ka a vɛ lɛli.”

Jɔn 9:39 Referans Kwoze

Jɔn 3:19

Nannɛ Koosa lisi ba wɛ. O be chi fitina o fun tum tɛɛnɛ nɔ maga ni. Nidamata fun lisi di ba nyɛn birsi ni a ta val nha ni, domi ba la tum tum tagna daha.

Jɔn 12:46

Mu funɛ wa tɛɛnɛ nɔ magau di ba naa maga se su min wa zi val birsi ni. Mu chi fitinne a chaani ba nyinbaan.

Tuma 26:18

O chi ba naa vɛ ya Ju tima, ya nyulumwa a nyɛn birsi ni domi sintana dɔ ba. Mu zi nyɛ i la lisi ba a li birsi ti niu a lɛli ba se, chen ni Koosa zi wa dɔ bau. Waa la zi gil ba tum tagna a nyɛ ba a gbaari ba naa o fun lisi a nyɛ o titi ni chen, domi ba se su min.’ Mu kunyan ti fun sɛm chen peti a kaali.”

Jɔn 8:12

A saha tirɛ Yesu fun bukoo biksi zɛmɛ ta a ŋɔ ba, “Min chi tɛɛnɛ nɔ tim maga fitinne. Ba naa maga tiŋ min wa zi bu val birsi ni. Mu zi chaani ba nyinbaan niu a kpa Koosa mi fali naa vɛ kpak bɔ a nyɛ ba.”

1 Jɔn 2:11

Naa ha o dɔŋtima, o nyɛn birsa nɛɛ. O wa zim doonani oo la. Birsa ti tɔ o sewa ka o burgi nyulum.

Luk 4:18

“Ya kunyan Koosa siim weri ti nyɛn min ni. Waa funɛ lisi min di mu biksi Koosa laaboor weri ti a nyɛ ba naa la nɔɔni di Koosa suŋi ba. Waa funɛ tum min di n wa yisi nara a li ba tum tagna awa ba namsi kinkan ni a lɛli nyuluma se.

Luk 1:79

O wara daŋni o na ya galimsa a ta ya yɔri, amaa o ka daŋni o te ya suwachakrɛ a biksi ya o bar sɔɔn nyinbaan.”

1 Pita 2:9

Amaa Koosa funɛ lisi mau a li birsi ni a wa di o titi bar chaani kinkan ni. Ma chi o koorsiwa awa o kɔkɔɔrsi tawa. O funɛ lisi mau a nyɛ o titi ni di ma ŋɔ nara ni o alaazibu tuma wɛ.

Ɛfɛ. 5:14

Doonani nha nyɛn, birsa wa dugli dooni. Nandigi funɛ ŋɔ, “Ma naa la chɔ birsi ni nan, ma si a li ma sou ni, chen ni Yesu Kristo zi chaani ma niu.”

2 Kɔr. 2:16

Doon naa maga ya wa tel, ya chi sɔɔr taginnɛ a li ba naa Koosa zi wa ta yɔri wati. Ya ka chi sɔɔr lɛmnɛ a li ba naa wa zim Kristo. Anti ya nikpok a la zi tum tum na a nyɛ Koosa ni?

Jɔn 9:25

Baal ti fun ŋɔ ba, “O ya tum tagna nitumi koo o wa ya, mu wa zim. Mu zim di mu funɛ ya nyulumnɛ, amaa lalaknɔ mu nau.”

Jɔn 8:15

Ma yaa di nara sɛria dentil nee. Mu ka wara di nandigi sɛria.

Jɔn 3:17

Koosa wa fun tum o be di o wa di tɛɛnɛ nɔ maga nara sɛria, amaa o funɛ tum unu di o wa yisi ba a li ba tum tagna ni.

Luk 13:30

Ba naa tiŋ gantɛl lalaknɔ nan, ba zi wa teu. Ba naa ka te suwachak lalaknɔ nan, ba zi wa tiŋ gantɛlu.”

Luk 7:21

A wuzu ti Yesu funɛ tiibi wichɔɔr damatau a duŋni alizin tagna a li ba bɔnɛ ni a nyɛ nyulum damata se lɛli ba na.

Luk 2:34

Simiɔn fun a sumi Koosa di o suŋi ba, a ŋɔ be ti niin ni, “Koosa funɛ tum i be nɔu di o wa chɔk Ju tim ba naa vɛ un a yisi ba naa la un a li ba tum tagna ni. Lalaknɔwa o nyɛn, Koosa zi muksi nara magau ba lisi chenani ba daŋni. Nidamata zi vɛ unu,

Mat. 11:5

Nyuluma bukoora nau, gbarigisa val, ka muu tiibi zaguma gbanko. Diŋgbiti tima gbanko nuu ka mu fun lɛli nara a li ba sou ni. Fara tim nɛɛ mu gbanko fun sɛm Koosa laaboor weri ti a nyɛ.

Mat. 6:23

amaa ma ya nyuluma ma wa zi zim doonani maa la. Chen vɛɛna, ma tusa vɛɛn biriu, ma wa zi na o nyinbaan a nyuksi. Chenani ma du zi tagniu a kaali nyuluma.”

2 Tɛs. 2:10

di o mur nara ba naa Koosa zi wa na ba galimsa a ta ba yɔri. O zi wa na ba galimsa chenu, domi ba wara daŋni wuti ti, chen ni o fu zi kotiu a yisi ba a li ba tum tagna ni ba tiŋ un.

Mat. 15:14

Ma ta nyɛ chenani Farisi tim ta sɛm muksi ma. Ba chi nyuluma la lɛrgi dɔŋa. Ba ya chen, ba maga zi chel bɔ niu.”

Jɔn 12:31

Chenani Koosa zi di tɛɛne nɔ tim maga sɛria a nyaŋi sintana naa dɔ ba, duglɛu.