Jɔn 8:17 - Tampulma

¹⁷ Ba funɛ sɔbiu a li ma chiksɛ ta ni saha digi di nara balɛ la nɔɔni chenani yɛɛ, ka nara ŋɔ di ba sɛm ta ya wutirɛ.

Jɔn 8:17 Referans Kwoze

Ju 10:28

Koosa chiksɛ naa o fun kpa a nyɛ Mosis ni, funɛ biksi Ju tim ta di ba nidigi vɛ kpak wu digi wa chiksɛ ta ni, ba yir sɛhɛra tima nara balɛ akoo nara batora. Ba na o galimsa, ba ta kpak un siki a kpa un a kpu.

Mat. 18:16

O vɛ nu i nɔ, i kpa chɛn bɛgim koo nara balɛ, chen ni ba waa la zi ya i sɛhɛra tima a li chenani i wa i dɔŋtiina ŋɔ dɔŋ ni.

Gal. 3:24

Amaa Yesu Kristo funɛ wa, chiksɛ ta wa bur a il ya. Waa funɛ nyɛ ya se su un, chen ni Koosa wa zi bu na ya galimsa.

2 Kɔr. 13:1

Mu funɛ piin wa ma watiu bilɛ. Lalaknɔ mu bur a saksiu di mu wa. Maa lisi chenani ba fun sɔbi a li Koosa sɛm tɔn ti ni. Ba funɛ ŋɔ, “Ma daŋni ma fiksi nandigi, ma kpak nara alɛ akoo nara batora ba ya ma sɛhɛra tima.”

JɔnN Deesi 11:3

Chen saha ti mu zi nyɛ nara balɛ laari taktasa a naa la lɔk barau a biksi nara tima Koosa sɛma wɛ wuzu tusuga awa kɔksa lɛ di fumnɔra.”

Gal. 4:21

Ma naa la daŋni di Koosa chiksɛ ta dɔ ma, maa lisi chenani a biksi ma.

1 Jɔn 5:9

Ya piinsa nu nara sɛhɛrau. Amaa Koosa be sɛhɛra ti ya kizenzen a kaali nibinsa sɛhɛra kinkan.

Jɔn 15:25

Ba funɛ ha ya chene di chenani ba sɔbi a li Koosa sɛm tɔn ti ni chen zi ya watiu. Ba funɛ sɔbiu a ŋɔ, ‘Ba ha minu ka o vɛ kpak mun.’

Jɔn 10:34

Yesu fun ŋɔ ba, “Koosa funɛ lisi nibin bɔnɛ di ba sɔbi o sɛma a du o tɔn ni saha digi. O funɛ ŋɔ ba wɛu di ba chi unu. Ya zimu di o sɛm tɔn ti ya wutirɛ.