Jɔn 7:39 - Tampulma

³⁹ Yesu funɛ sɛm ba ni pali ti wɛ chen, o funɛ ya Koosa siim weri ti wɛwa o sɛm. Yesu ha wa fun bur la Koosa tɔhɔn ti. Chendaha Koosa ha wa kpa o siim weri ti a nyɛ ba naa se su Yesu ni.

Jɔn 7:39 Referans Kwoze

Tuma 2:17

‘Tɛɛnɛ nɔ maga siili saha wa dugli, mu zi kpa mu siim weri tiu a du nara maga ni. Ma bisa awa ma nihabichɛsa zi mɔɔli mu laaboorau a biksi nara. Ma bunɔɔna awa nihɛɛta zi la mu wutiu a chi ba deesi.

Tuma 2:33

a kpa un a zini kaali Koosa nihɛɛti bar kani a li o tɔhɔn ti ni. O nyana funɛ kpa o siim weri tiu a nyɛ un a chi chenani o fun vɔu chen. Waa funɛ kpa chen siim weri ti a du ya bambe ni. Chenani ma nu a na zinan ya o waali ti mun.

Tuma 2:4

ka Koosa siim weri ti fun wa si ba bambe ni, a nyɛ ba fun piili a sɛm sɛm naa vɛ ya ba titi sɛma.

Jɔn 16:7

Ma nyɛ mu sɛm ma wuti. O deŋlu di mu gil ma a bur la mu nyan ti wati, chen ni mu zi nyɛ o siim weri ti wa suŋi mau. Mu vɛ laali, o wa zi koti a wa.

Jɔn 12:16

Yesu gantɛl tiŋsi ta funɛ kpa kokum be pɔl ti a nyɛ un, ba waa fun lisi chenani ba sɔbi o wɛ a du Koosa sɛm tɔn ti ni. O funɛ sou a si o sou ni a bu kaali Koosa tɔhɔn ti, doone ba fun zim chenani ba fun sɔbi chen mun.

Room 8:9

Amaa ma ka wa tum tuma a li ma bara kpok ti ni. Maa tum au a li Koosa siim weri ti kpok ni. Waa nyɛn ma ni. Nar vɛ kpak Kristo siim weri ti nyɛn un ni, Kristo dɔ un.

Tuma 2:38

Pita fun ŋɔ ba, “Ma te gil ma tum tagna a bur tiŋ Koosa, a nyɛ ya chaksi ma wa ni ni a li Yesu Kristo sɔn ni. Ma ya chen, Koosa zi gil ma tum tagnau a ta a kpa o siim weri ti a du ma ni.

Jɔn 20:22

O funɛ sɛm peti a hiisi du ba a ŋɔ, “Ma la Koosa siim weri nɔ.

Jɔn 12:23

Yesu fun ŋɔ ba, “Saha telu di Koosa lisi a li o jirima awa chaani kinkan ni a nyɛ mu waa nibine be ni.

Ɛfɛ. 4:30

Ma vɛ tiŋ chenani mu sɛm nan, ma zi chɔk Koosa siim weri ti tuhau. Waa ya Koosa daana ma ni, hali saha naa Koosa zi wa la ma nyuuna a nyɛ ma.

2 Kɔr. 3:8

amaa o funɛ kpa o jirima awa o chaani kinkan naa kaali chenu a du o siim weri naa nyɛ nara kpak miisa naa vɛ kpak bɔ ni.

Tuma 4:31

Ba funɛ sumi Koosa a peti, dɛ naa ba fun lagmi chen, zigsi ka o siim weri ti si ba bambe ni. Ba fun li a ŋɔ nara ni Koosa laaboor weri ti wɛ awa bambi kpoka ni.

Tuma 3:13

Koosa naa ma nawaalsa Abraham, Aizik awa Jakɔb funɛ jɛɛmi, kpa o jirima awa o chaani kinkan a nyɛ o tumtumna Yesu ni. Ma funɛ kpak unu a du gɔbnati nyuhu tiina naa ba yir Pailɔt nin ni. Pailɔt funɛ kpa un wa li ma suwachak a daŋni o gil un o la, ma fun vɛ.

Jɔn 17:5

Mu nyana, i funɛ te kpa i jirima awa i chaani kinkan i wa min bɔni saha digi a zi naami tɛɛnɛ nɔ maga. Kpa chenani mu zi nyɛ hin jirima a gbaari un ni a biksi nara di a ya kibɛgimnɛ.

Jɔn 14:13

Mu waa naa ya Koosa be, n daŋni narawa yaa kinyɛ mu nyan ti wa jirima. Chendaha kin naa maga ma ŋɔ di mu tum a nyɛ ma a li mu sɔn ni, n zi tum au.

Jɔn 7:12

Nidamata funɛ nyumsi a sɛm o wɛ. Bɔnɛ fun ŋɔ di o ya narrɛ. Bɔnɛ ka ŋɔ di o mur narawa.

Jɔn 6:14

Zɛmɛ naa funɛ di diwe ta, fun na chenani Yesu tum tum zen a nyɛ ba, ba fun ŋɔ dɔŋ ni, “Wutirɛ baal nɔ sir ya witiina naa Koosa fun ŋɔ di o zi wa tumu tɛɛnɛ nɔ maga ni wuzu digi chene.”

Jɔn 1:33

Koosa naa funɛ tum min di mu wa chaksi nara wa ni ni chen fun te ŋɔ min, ‘Naa i na ka mu siim weri ti tu wa a zɔŋ un ni chen, waa kaa wa kpa mu siim weri ti a du nara ni.’

Jɔn 1:25

Ba fun bukoo pɛɛsi Jɔn, “I vɛ ya Kristo naa Koosa fun ŋɔ di o kaa tumu a vɛ ya Ɛlaija koo Koosa witiin ti, yɛrɛ i chaksi nara wa ni ni?”

Jɔn 1:21

Ba fun bukoo pɛɛsi un, “I ya antirɛ? I ya Koosa witiina Ɛlaijarɛɛ?” Jɔn fun ŋɔ ba, “Mu laata.” Ba fun bu pɛɛsi un butora tiina, “Hin ya Koosa witiina naa Koosa fun ŋɔ di o zi wa tumu ya wati chen?” Jɔn fun bukoo ŋɔ ba, “Mu laata.”

Luk 24:49

Mu kunyana Koosa funɛ vɔu di o zi kpa o kpoku a nyɛ ma. Mu wa waligi ma ni, ma la zu tɔhɔn ti tuha a pɔ. Mu zi nyɛ o kpok ti wa ma watiu.”

Luk 7:16

Zɛmɛ ta funɛ na chenani Yesu fun tum, hansura fun kpak ba kinkan. Ba funɛ pɛgi Koosa a ŋɔ, “Hin ya witiin zen ti.” Ba gbanko ŋɔ, “I wau di i wa suŋi i nara.”

Luk 3:16

Jɔn funɛ zim chenani ba lisiu a ŋɔ ba, “N kpa ni a chaksi ma bara. Naa nyɛn n gantɛl ni aa wa, o ka zi wa kpa Koosa siim weri tiu a du ma ni a chaksi ma a chi din zaamsi salma. Waa ya nihɛɛ a kaali min. N purɛu di mu ur a natausa a nyɛ un.

Mat. 16:14

Ba fun ŋɔ, “Bɔnɛ yaa yir hin Jɔn naa la chaksi nara wa ni ni chen. Bɔnɛ ka yir hin Ɛlaija. Bɔnɛ ka ŋɔ di Jɛrɛmaya koo Koosa witinsi tima digi bur wa.”

Jɔn 14:26

Mu nyan ti wa tum o siim weri ti di o wa chiŋi mu bar chiŋi ni. Waa la zi biksi ma kin nama maga ma daŋni ma zim aa lisi ma chenani maga mu fun ŋɔ ma.

Mat. 21:11

Zɛmɛ ta bɔnɛ ba naa wa Yesu zu tɔhɔn ti, fun ŋɔ ba, “Koosa witiina Yesure. O li Nazarɛt naa nyɛn Galili pulum ni chene.”

Jɔn 8:54

Yesu fun ŋɔ ba, “Mu wara nyɛ n titi wa jirima. Mu titi jirima nyɛɛli ya yɔrirɛ. Mu nyan ti ka yaa kpa o jirima a nyɛ min. O wa naa ma yir Koosa chen ya nibɛgimnɛ.

Jɔn 16:14

O zi nyɛ min jirima kinkanu, domi o zi nu mu sɛmau a kpa a a sɛm ma.

Jɔn 17:1

Yesu funɛ sɛm peti, o fun nyini buudaha ni a ŋɔ, “Mu nyana, mu siwi saha ti duglɛu. Biksi nara i jirima awa i chaani naa i fun kpa a nyɛ min chen kinkan, chen ni mu zi nyɛ hin jirima kinkanu.

Tuma 19:2

a pɛɛsi ba, “Ma funɛ nyɛ ma se su Koosa laaboor weri ti chen, ma la Koosa siim weri tiuu?” Ba fun ŋɔ un, “Ya ha wa nu un di Koosa siim weri ti nyɛnu.”