Jɔn 7:32 - Tampulma

³² Farisi tim ta funɛ nu chenani zɛmɛ ta nyumsi Yesu wɛ, ba wa Koosa kɔkɔɔrsi ta fun a na dɔŋa a tum lanjimasa di ba la kpak Yesu a wa.

Jɔn 7:32 Referans Kwoze

Tuma 5:26

Koosa bar jɛɛmi dam niilɛ ta awa ba nihɛɛ ti fun kaali dooni lalaga a la kpa ba bur wa. Ba fun la kpa ba awa jirima ni a wa, domi hansura fun kpak ba di nara tima zi yaksi ba wa buŋkuli niu.

Jɔn 18:3

Koosa dam kɔkɔɔrsi ta awa Farisi tim ta fun lagmi lanjimasa awa ba naa la il Koosa bar jɛɛmi dam ti. Judas fun te ba suwachak a kpa ba kaali ŋma we ti di ba la kpak Yesu. Ba fun kpa chisi zene awa fitinsa a suksi kɔvɔtɛ wa din ni a kaali.

Jɔn 12:19

Farisi tim ta funɛ nu chenani zɛmɛ ta zaami un, ba funɛ ŋɔ dɔŋ ni, “O di yau. Ma nyini a na nidamata ba naa tiŋ un.”

Mat. 23:13

“Ma Koosa chiksɛ nibiksɛ awa Farisi tima, yɛrɛ o kaa wa du ma ni? Ma ya nusun timwa. Chenani maa biksi nara chi ma tɔ Koosa koor ti bulzɔɔnɔ a nyɛ ba. Ma titi wara daŋni Koosa wa dɔ ma. Ma gbanko daŋni ma tɔ ba naa la wa Koosa wati nyinbaannɛ. ((

Mat. 12:14

Farisi tim ta fun li kaali aa daŋni nyinbaan chenani ba zi ya a kpu Yesu.

Mat. 26:58

Pita fun sogli a tiŋ gantɛl a wa zu Koosa dam kɔkɔɔrsi ta nihɛɛ ti sal a la kani Koosa dam bisa wati di o na chenani kaa ya.

Jɔn 7:30

Ju tim ta funɛ nu o sɛm ta, ba funɛ daŋni ba kpak un, amaa o kpaki saha ha wa fun tel. Chendaha nandigi wa fun gbaŋsi un.

Jɔn 11:46

Ba bɔnɛ ka fun kaali Farisi tim ta wati a la ŋɔ ba chenani Yesu tum.