Jɔn 7:12 - Tampulma

¹² Nidamata funɛ nyumsi a sɛm o wɛ. Bɔnɛ fun ŋɔ di o ya narrɛ. Bɔnɛ ka ŋɔ di o mur narawa.

Jɔn 7:12 Referans Kwoze

Jɔn 9:16

Farisi tim ta funɛ nu o ta, ba bambe fun purigi. Ba bɔnɛ fun ŋɔ dɔŋ ni, “Naa ya chen wa li Koosa wati, domi o tum ya hiisi wuzurɛ.” Ba bɔnɛ ka fun ŋɔ dɔŋ ni, “Tum tagna nitumi wa koti a tum tum zene a chi nan.”

Jɔn 7:47

Farisi tim ta fun ŋɔ ba, “Wutirɛ o gbanko fun mur ma.

Jɔn 7:32

Farisi tim ta funɛ nu chenani zɛmɛ ta nyumsi Yesu wɛ, ba wa Koosa kɔkɔɔrsi ta fun a na dɔŋa a tum lanjimasa di ba la kpak Yesu a wa.

Filip. Tima 2:14

Ma tum o tuma a ta zulimi ma dɔŋtima a kidi dɔŋwa amɔrɛ.

Room 5:7

Nar ya nibin weri, amii nandigi zi la nɔɔniu a chiŋi o bar chiŋi ni a sou a nyɛ un.

Tuma 11:24

Barnabas funɛ ya nibin werire. O si funɛ su Yesu nɛnɛ ka Koosa siim weri ti fun te o suwachak. Nidamata fun nyɛ ba se su ya kunyan ti o daha.

Jɔn 7:52

Ba fun pɛɛsi un, “I gbanko ya Galili tim narrɛɛ? Koosa sɛm tɔn ti bar digi wa to ba fun sɔbi di o witinsi ta digi ya Galili narrɛ.” ((

Jɔn 6:14

Zɛmɛ naa funɛ di diwe ta, fun na chenani Yesu tum tum zen a nyɛ ba, ba fun ŋɔ dɔŋ ni, “Wutirɛ baal nɔ sir ya witiina naa Koosa fun ŋɔ di o zi wa tumu tɛɛnɛ nɔ maga ni wuzu digi chene.”

Luk 23:50

Ju tim baal digi funɛ nyɛn doon a li tɔhɔn naa ba funɛ yir Arimatia. O sɔn funɛ ya Josɛf. O funɛ ya tum were tiinnɛ a kpak sɔn weri nara wati a nyini di o wa na saha naa Koosa zi wa dɔ nara. O funɛ ya sɛria nidiile ta nidigirɛ, amaa o tuha wa fun sɔɔni chenani ba di Yesu sɛria chen.

Luk 23:47

Lanjimasa kɔkwa nihɛɛ naa funɛ chiŋi dooni a na chenani Yesu sou, o funɛ pɛgi Koosa a ŋɔ, “Wuti baal nɔ sir ya nibin werire.”

Luk 18:19

Yesu fun burgi a pɛɛsi un, “Yɛrɛ i yir min i kunyan weri? Nandigi wa to a koti a ya nibin weri hali o wa peti see Koosa duŋduŋ.

Luk 7:16

Zɛmɛ ta funɛ na chenani Yesu fun tum, hansura fun kpak ba kinkan. Ba funɛ pɛgi Koosa a ŋɔ, “Hin ya witiin zen ti.” Ba gbanko ŋɔ, “I wau di i wa suŋi i nara.”

Luk 6:45

Nibine bambi chi o kina bar chiŋsirɛ. Kiwere nyɛn dooni, o zi kpa a li sɛmu. Nibine sɛm a li chenani o bambi du nɛɛ.”

Mat. 27:63

Ba fun ŋɔ un, “Ya kunyana, nusun tiin ti ha funɛ vɛɛn nyɛn, ya funɛ lisi o wɛu di o ŋɔ ya di wuzu butora wuzu Koosa zi wa lɛli unu a li o sou ni.

Mat. 21:46

Ba funɛ daŋni ba kpak un, amaa zɛmɛ ta daha hansura fun kpak ba. Zɛmɛ ta yaa lisi di Yesu ya Koosa witinsi ta digirɛ.

Mat. 10:25

Nibuksi ti ta daŋni o kaali o nibiksi ti, amaa o kpaŋi o titi ka ba mak dɔŋa. Yom ti gbanko ta daŋni o kaali o kunyan ti. O na nyinbaan o nyɛ o wa o kunyan ti mak dɔŋa. Biɛlzɛbub ya alizin tagna maga nihɛɛ. Nara yir min o sɔn ti, ba zi yir mu gantɛl tiŋsi ta gbanko o sɔn ti.”