Jɔn 6:27 - Tampulma

²⁷ Ma ta kpa ma bambe a du diwe naa la zi wa chɔk, amaa ma ka kpa ma bambe a du Koosa mi fali naa vɛ kpak bɔ ni. Koosa naa ya mu nyan ti chiŋɛ mu gantɛl ni di mu ya nibine be. Chendaha mu koti a kpa chen mi fali ti a nyɛ ma.”

Jɔn 6:27 Referans Kwoze

Kɔl. 3:2

Ma kpa ma lise maga a du Koosa tɔhɔn ti kin ta ni. Ma ta kpa ma lise maga a du tɛɛnɛ nɔ maga kina ni.

Jɔn 6:54

Ba naa maga wa di mu bara aa la nyɔ mu chɛl ti, na o mi fali naa vɛ kpak bɔu lalaknɔ. O wa wa di o di tɛɛnɛ nɔ tim maga sɛria, mu zi lɛli bau a li ba sou ni.

2 Tim. 2:19

Amaa Koosa laaboor weri ti chi dam zɛchikrɛ. O kpoku kinkan. Chendaha nandigi wa kiziigi un. O funɛ sɔbiu a sak zɛchik ti ni, “Ya kunyan ti zim ba naa o dɔu.” O gbanko funɛ sɔbiu a sak, O gbanko funɛ sɔbiu a sak, “Ba naa maga ŋɔɛɛ di ya kunyan ti dɔ ba, ba gil ba tum tagna aa tiŋ un.”

Jɔn 6:40

Mu nyana tutɔ ti chi nɛɛnɛ. O wa wa di o di tɛɛnɛ ŋɔ tim maga sɛria, mu zi nyɛ ba naa maga se su minu o mi fali naa vɛ kpak bɔ.”

Room 6:23

Ba naa maga la tum tum tagna, Koosa zi wa ta ba yɔriu. O ya chen, o chi o bɔ bau. Amaa papaha naa Koosa ka kpa a nyɛ ya yɔri, waa ya o mi fali naa vɛ kpak bɔ, domi ya wa ya kunyan Yesu Kristo ya nibɛgim.

Jɔn 10:28

Mu kpa Koosa mi fali naa vɛ kpak bɔ a nyɛ a, chen ni o wa zi bu na a galimsa a ta a yɔri. Nandigi wa zi fuksi a n wati.

Jɔn 6:51

Mu wa mi fali diwe naa funɛ li mu nyan ti tɔhɔn ti chen ya kibɛgimnɛ. Ba naa maga di diwe na zi na miisa naa vɛ kpak bɔu. Diwe naa mu kaa nyɛ ba ba di ya mu barawa. Nara zi wa kpu kinu chen ni tɛɛnɛ nɔ tim maga zi na nyinbaanu a la miisa naa vɛ kpak bɔ.”

Tuma 10:38

Yesu Nazarɛt narrɛ, Koosa fun lisi un a kpa o siim weri ti a du un ni. Koosa gbanko fun kpa o kpok ti a nyɛ Yesu ni di o tum tum were a yisi ba naa maga sintana fun dɔ a li o nin ni. Koosa funɛ nyɛn o wati. Chendaha o fun koti a ya chen.

Jɔn 17:2

Hin funɛ nyɛ min nyinbaan di mu kpa i mi fali naa vɛ kpak bɔ a nyɛ tɛɛnɛ nɔ tim maga ni. Mu kpa un a nyɛ ba naa i fun lisi a nyɛ min chen.

Mat. 6:19

“Ma ta chiŋsɛ kidamata a li tɛɛnɛ nɔ maga ni. Chau awa doon zi wa chɔk au ka ŋmɛɛrsa chɔk dɛ ti a zu ŋmɛ a dooni.

Jɔn 6:58

Mi fali diwe ta awa diwe naa Mosis fun kpa nyɛ ma nawaalsi ta ni saha digi ka ba siti chen, wa ya kibɛgim. Koosa funɛ tum o mi fali diwe tau a li o tɔhɔn ti ni, chen ni ba naa maga di un zi na miisa naa vɛ kpak bɔu.”

2 Pita 1:17

Ya wa un funɛ nyɛn bi nyuha ni, ya kunyana Koosa fun nyɛ un jirima awa chaani kinkan a nyɛ ta li o bar chaani a ŋɔ, “Mu be daŋni nɛɛnɛ. Waa ya min lɛmlɛm kinkan.”

Filip. Tima 2:13

Saha maga Koosa yaa tum ma bambe niu, chen ni ma zi zim chenani o daŋni ma tumu.

1 Pita 1:24

Ba fun a sɔbi a li Koosa sɛm tɔn ti ni a ŋɔ, “Nibinsa maga chi kɔsawa a kpak bunɔɔta a chi kɔsa yeligisa. Yeligisa yaa looriu. Kɔsa ka hul.

Luk 3:22

ka o na Koosa siim weri ti. O funɛ chi komne a tu wa a zɔŋ un ni. Ba fun nu ta a li buudaha ni ka o ŋɔ, “Mu be daŋni nɛɛnɛ. Mu si su nara chen.”

1 Tɛs. 1:3

Yaa ŋɔ ya kunyan Koosau chenani maa tum o tuma domi ma se su un. Maa tumu hali a wa ku, domi maa daŋni unu kinkan aa tiŋ un wa kanyita ni.

Kɔl. 1:29

Chendaha mu si sɛri mu tum ni ka mu kpaŋi kinkan. Kristo la nyɛ min o kpok ti kinkan, chen ni mu zi kotiu a tum chen.

Jɔn 3:33

Ba naa maga nu o sɛm ta zimu nɛnɛ di Koosa ya wuti tiinnɛ.

Tuma 2:22

“Ma Ju tima, maa nu chenani mu kaa ŋɔ ma nan nɛnɛ. Tum zene awa alaazibu tuma a naa Koosa nyɛ Yesu Nazarɛt nar fun tum, biksi ma di Koosa funɛ lisi un. Ma titi zim kin nama wɛu domi a ya ma bambaan nɛɛ.

Jɔn 6:68

Simɔn Pita fun ŋɔ un, “Mu kunyana, anti watɛɛ ya kaa la? Hin kpak Koosa mi fali naa vɛ kpak bɔ sɛma,

Luk 9:35

Ba fun nu ta dobaal ti ni ka o ŋɔ, “Mu be nɛɛnɛ mu fun yisi a nyɛ mu titi ni. Maa nu o sɛma.”

Ju 12:16

Ma doso ma ta tum chɔkumsa tuma akoo a tiŋ a chi Isɔ funɛ tiŋ saha digi chen. Waa funɛ ya o nyan bi hɛɛ a vɛ zim Koosa a yogli o nyan kin naa maga a kpa malɛ a la yau diwe bɛgim.

Gal. 5:6

Domi ya wa Kristo ya nibɛgimnɛ, Koosa baga wa to di nara teŋsi yau koo ba wa teŋsi. Amaa o ka daŋni kinkannɛ di ya se su un, chen ni ya zi daŋni dɔŋau.

Ju 4:11

Ma nyɛ ya kpak un a li ya bambe ni di ya zu dooni. Ma ta nyɛ ya vɛ o nɔ a chi ba naa funɛ tiŋ Mosis chen, chen ni Koosa wa zi wa nyɛ ya zu dooni.

Kɔl. 2:22

Chiina awa chiksɛ na nibinsa fun naami ka maa tiŋ a nan, a ya yɔrirɛ.

1 Kɔr. 9:2

Bɔnɛ wara la nɔɔni di mu ya Kristo nitumirɛ. Yɛrɛ ma lisi? Chenani maa tiŋ ya kunyan ti biksi nara di mu ya o nitumirɛ.

1 Kɔr. 6:13

Ma bɔnɛ gbanko sɛm dɔŋ ni, “Lo daha diwe nyɛn. Diili daha lo gbanko nyɛn.” Amaa wuzu digi Koosa zi wa chɔk a magau. Ya bara wa nyɛn chɔkumsa tuma daharɛ. Ya kunyan daharɛ a nyɛn. Ya kunyan ti gbanko dɔ ya bara di ya kpa a aa tum a nyɛ un.

Room 4:11

Koosa wa fun te na o galimsa o si suuli daha ka ba zi teŋ un. Ba funɛ teŋ un, chen biksi nara di Koosa wa piin na o galimsa o si suuli daha. Chendaha ba naa maga Koosa vɛ na ba galimsa o wati ba se suuli daha, ba waa ya Abraham bi lulɛ, hali ba naa ba vɛ teŋsi.

Jɔn 15:24

Mu funɛ tum alaazibu tuma a naa nibine zi vɛ koti a tumiu, ba suwachak ni. Chendaha Koosa gbanko na ba galimsa. Hali chenani maga ba na ka mu tum nyɛ ba, a maga ya yɔrirɛ ba wati ka ba ha min awa mu nyan ti.

Jɔn 14:6

Yesu fun ŋɔ un, “Min ya doon nyinbaan ti. Mu ya wuti tiina awa Koosa mi fali tiina. Nandigi wa kila mu nyan ti wati aa vɛ na min.

Jɔn 11:42

Mu titi zimu di i nu mu nɔu, amaa mu sɛm nan a nyɛ hin di ba naa nyɛn bar nɔwa se su di hin funɛ tum min.”

Jɔn 8:18

Mu sɛm mu titi wɛwa ka mu nyan naa tum min chen, gbanko sɛm mu wɛ. Chendaha ya sɛma ya wuti.”

Maak 9:7

Doone dobaal fun wa tɔ ba, zuuuu. Ba fun nu ta dobaal ti ni ka o ŋɔ, “N be daŋni nɛɛnɛ. Maa nu o sɛma.”

Maak 1:11

Ba fun nu ta a li buudaha ni ka o ŋɔ, “Mu be daŋni nɛɛnɛ. Mu si su nara chen.”

Mat. 17:5

Pita funɛ sɛm chene, dobaal naa la chaani fun wa tɔ ba, zuuuu. Ba fun nu ta dobaal ti ni ka o ŋɔ, “N be daŋni nɛɛnɛ. Waa la ya min lɛmlɛm kinkan. Maa nu o sɛma.”

Mat. 3:17

Ba fun nu ta a li buudaha ni ka o ŋɔ, “Mu be daŋni nɛɛnɛ. Mu sii su nara chen.”

Jems 1:11

Nha wa yɛli a num kinkan. Bugilfita ta yaa zaksiu a chɛsi a bu vɛ weri wa nyini. Chen vɛɛna, malɛ tima wa nyɛn ba kpiŋi ni, ba gbanko zi wa sitiu.

2 Kɔr. 4:18

Ya baga wa to tɛɛnɛ nɔ maga kin nawara vɛ vusi ni. Ya baga ka nyɛnu a li kin nawara Koosa zi wa kpa nyɛ ya wuzu digi ni. A waa la zi nyɛn hali saha naa vɛ kpak bɔ.

Mat. 8:20

Yesu fun ŋɔ un, “Helsa nyɛn bɔ ni ka zimebisa ka nyɛn zaŋ ni, amaa n waa nibine be, n wa kpak doonani n zi chɔ a chɔ do.”

Mat. 25:46

Koosa zi kpa ba naa la tum tum tagna chenu a du namsi naa vɛ kpak bɔ bar ni, amaa o ka zi kpa ba naa la tum tum were chenu a nyɛ ba o miisa naa vɛ kpak bɔ.”

Jɔn 3:15

chen ni Koosa zi kpa o mi fali naa vɛ kpak bɔu a nyɛ ba naa maga se su min ni.

Jɔn 6:47

Wutirɛ mu sɛm ma, ba naa maga se su min piin na o mi fali naa vɛ kpak bɔu.

Jɔn 6:53

Yesu fun ŋɔ ba, “Wutirɛ mu ŋɔ ma, see ma se n waa nibine be bara a kinyɔ mu chɛl, Koosa mi fali naa vɛ kpak bɔ wa zi nyɛn ma bambe ni.

Jɔn 6:62

Ma wa na n waa nibine be ka mu bur a la zu Koosa tɔhɔn ti, yɛrɛ ma zi lisi?