Jɔn 6:15 - Tampulma

¹⁵ Yesu funɛ nu chenani ba sɛm dɔŋ ni, o fun si dooni a kaali kuŋkule nyuha bar nyɛni a la nyɛn doon o duŋduŋ. O funɛ zimu di ba kpak unu ba bambe ni di ba kpak un wa kpok ni a la vɔu un ba koora.

Jɔn 6:15 Referans Kwoze

Jɔn 18:36

Yesu fun ŋɔ un, “Mu koor ti wa to tɛɛnɛ nɔ maga ni. O fu nyɛnɛɛ, mu nara fu zi you a kok min, chen ni Ju tim ta wa zi kpak min. Mu bura ŋɔ hinu, mu koor ti wa to tɛɛnɛ nɔ maga ni.”

Luk 19:38

“Koosa suŋi koor naa o tum ya wati nan, chen ni ya wa un zi bu ya nɔ bɛgimu. Ma nyɛ ya nyɛ Koosa jirima kinkan.”

Maak 11:9

Ba funɛ nyɛn nyinbaan ni a la chene, ba naa funɛ te o suwachak awa ba naa funɛ tiŋ o gantɛl, ba maga fun a nyɛ un jirima a la chɛɛmi a ŋɔ, “Tabarkala. I waa naa Koosa tum chen, yaa zaami hinu kinkan.

Ju 4:13

Kin naa maga Koosa fun naami chen, puku a li gbampulim ni Koosa se ni. Wuzu digi o zi wa pɛɛsi ya magau chenani ya tumu.

Jɔn 5:41

“Ma vɛ nyɛ min jirima nan daha mu baga wa to,

Jɔn 6:3

Yesu wa o gantɛl tiŋsi ta funɛ la tel dooni, ba fun zini bi digi nyuha a kani.

Mat. 5:1

Wuzu digi Yesu fun na zɛmɛ ta a fun zini a kani kuŋkule nyuhu ni. O gantɛl tiŋsi ta fun lagmi a go un.

Jɔn 6:22

Chɔɔsa funɛ wa pisi, zɛmɛ naa funɛ kpalimi jibaŋ kinkin ti ni chen, fun a dɛu Yesu bar nyɛni. Yesu funɛ te wa dooni awa arŋ ni ka o nyɛ ba diwe ba di, ba funɛ na o wa o gantɛl tiŋsi tau. O gantɛl tiŋsi ta funɛ bu arŋ ti a kaali, zɛmɛ ta funɛ zimu di Yesu wa to ba wati.