Jɔn 5:23 - Tampulma

²³ chen ni nara maga zi nyɛ min jirimau a chi chenani ba yaa nyɛ un jirima. Nara vɛ nyɛ min jirima, ba wara nyɛ mu kunyana Koosa naa tum min chen gbanko wa jirima.

Jɔn 5:23 Referans Kwoze

1 Jɔn 2:23

Naa vɛ la nɔɔni di Yesu ya Koosa be, o gban vɛ Koosau. Naa la nɔɔni wa Koosa be wɛ, o vɛɛn zim o kunyana Koosau.

Luk 10:16

Doone Yesu fun ŋɔ o gantɛl tiŋsi ta ni, “Nara maga nu ma nɔ, mu nɔɔrɛ ba nu chen. Nara maga vɛ ma nɔ, mu nɔɔrɛ ba vɛ chen. Nara maga vɛ min, Koosa naa tum minnɛ ba vɛ.” Yesu fun ŋɔ ba peti chen a tum o gantɛl tiŋsa nara fumnɔpɛ dalɛ ta.

2 Jɔn 1:9

Nandigi kpa wu digi a gbaari chenani ya fun biksi ma Kristo wɛ chen, Koosa wa to chen tiin ni. Ma kpak chenani ya funɛ biksi ma Kristo wɛ chen, Koosa awa o be Yesu zi nyɛn ma niu.

Mat. 11:27

Doone Yesu fun burgi a ŋɔ zɛmɛ ta ni, “Mu nyan ti funɛ kpa kina magau a nyɛ min. Mu wa mu nyan ti duŋduŋ zim dɔŋa. Mu nyɛ ba naa mu lisi zim o gbanko.

Ju 1:6

Koosa funɛ tum o be bɛgim tɛɛnɛ nɔ maga ni, a fun ŋɔ o wɛ, “Nyɛ mu malaikasi ta maga kijɛɛmi un.”

Ɛfɛ. 6:24

Koosa suŋi ba naa maga la daŋni ya kunyan Yesu Kristo awa daŋni naa vɛ kpak bɔ ni.

2 Pita 3:18

Ma ka nyɛ ya kunyan Yesu Kristo suŋi ma ma wa zim un nɛnɛ aa gbaari. Ma nyɛ ya nyɛ naa funɛ yisi ya a li ya tum tagna ni, jirima kinkan hali saha naa vɛ kpak bɔ. Ami.

Room 8:9

Amaa ma ka wa tum tuma a li ma bara kpok ti ni. Maa tum au a li Koosa siim weri ti kpok ni. Waa nyɛn ma ni. Nar vɛ kpak Kristo siim weri ti nyɛn un ni, Kristo dɔ un.

1 Kɔr. 10:31

Amaa kina maga maa ya a la di koo a nyɔ, maa ya a maga a kinyɛ Koosa wa jirima.

Room 6:22

Koosa fun lisi ma a li a kpok ni a kpa o kpok ti a du ma ni di ma kpa ma titi aa tiŋ un. Lalaknɔ maa tum tum werewa a nyɛ un, chen ni a bar la peti ni, ma zi na o mi fali naa vɛ kpak bɔu.

Jɔn 16:14

O zi nyɛ min jirima kinkanu, domi o zi nu mu sɛmau a kpa a a sɛm ma.

1 Kɔr. 6:19

Ma wa zim di ma bara ya Koosa siim weri ti bar nyɛnirɛɛ? Koosa funɛ kpa o siim weri ti a nyɛ ma.

Mat. 12:21

Nara maga zi kpa ba bambi bɛgimu a du un ni.”

2 Tim. 1:12

Chendaha ba fun kpak min a la tɔ dɛ ka mu namsi nan. Amaa mu ha vɛɛn kpak bambi kpoku, domi mu zim naa mu si suu. Mu zimu di o zi il o kin nawara o fun kpa a du mu nin ni hali saha naa o wa bur wa.

2 Kɔr. 13:14

Koosa naa la daŋni ma, awa ya kunyan Yesu Kristo naa la suŋi ma, awa Koosa siim weri naa nyɛ ma ya nɔ bɛgim wa dɔŋ ni, ba maga zi nyɛn ma niu.

2 Kɔr. 5:19

Kristo siwi ti daha, Koosa fun na nyinbaan a nyɛ o wa nara maga bu ya nɔ bɛgim, chen ni o wa zi bu lisi ba tum tagna wɛ. Laaboor weri nɔwa o fun kpa du ya nisa ni di ya biksi nara.

2 Kɔr. 1:9

O chi ba funɛ di ya sou sɛriau. Koosa funɛ nyɛ kin nama ya yau, chen ni o zi biksi yau di ya ta nyini ya titi se ni, amaa ya nyini o waa naa lɛlɛ nara a li ba sou ni se ni saha maga.

1 Kɔr. 1:3

Ya kunyan Koosa awa ya kunyan Yesu Kristo zi suŋi mau aa nyɛ ma bara sɔɔna.

Jɔn 14:1

Doone Yesu fun ŋɔ o gantɛl tiŋsi ta ni, “Ma ta nyɛ ma bambe bure. Ma se su Koosa. Ma ta nyɛ ma se suuli bur gantɛl a li min ni.

Mat. 10:37

“Nar la daŋni o nyana koo o niina a kaali min, o wa deŋli di o tiŋ min. Nar la daŋni o nibabichɛla koo o nihabichɛla a kaali min, o gbanko wa deŋli di o tiŋ min.

2 Kɔr. 5:14

Yesu Kristo daŋni yau kinkan. Ya zimu di waa chiŋɛ nara maga bar chiŋɛ ni a sou ba daha. O la daŋni ya chen daha, ya se sɛrɛu di ya tum o tuma.

1 Kɔr. 16:22

Nibine naa vɛ daŋni ya kunyan ti, Koosa zi ŋɔ nɔu a nyɛ un. Ya kunyana, kuwa.

Room 15:12

O witiina Azaaya fun a sɔbi, “Jɛsɛ be luli zi siu a dɔ ba naa vɛ ya Ju tima. Ba zi kpak bambi bɛgim un niu.”

Room 1:7

Mu zaami ma naa maga Koosa daŋni a fun lisi a nyɛ o titi niu a li Room ni. Ya kunyana Koosa awa ya kunyana Yesu Kristo suŋi ma a kinyɛ ma bara sɔɔna.

Jɔn 17:10

Mu nara maga ya i narawa. I nara maga ka ya mu nara. Chenani ba tiŋ min biksi nara di mu kpak jirima kinkan.

Mat. 28:19

Ma la biksi Koosa laaboor weri ti a nyɛ nibinsa ba naa nyɛn bawu maga ni. Ma chaksi ba wa ni ni, chen ni ba zi burgiu mu wa mu kunyan Koosa awa o siim weri ti gantɛl tiŋsa.

2 Pita 1:1

Mu waa, Simɔn Pita, naa ya Yesu Kristo tumtumna awa o nitumi, min la sɔbi tɔn nɔ a nyɛ ba naa se su Yesu Kristo a chi ya se su un chen. Ya se suuli ti kaalɛɛ. Waa ya wuti tiina. Chendaha ya se suuli ti awa ma se suuli naa ma kpak un ya kibɛgim. O gbanko ya Koosa a fun yisi ya a li ya tum tagna ni.

Mat. 15:8

Doonee Koosa fun ŋɔ di, ‘Nara nama jɛɛmi min ba nyina nɛɛ, ka ba tusa wa to min ni.