Jɔn 4:41 - Tampulma

⁴¹ O fun biksi ba Koosa wɛ ka nidamata se fun su un a gbaari ba naa se funɛ te su un chen ni.

Jɔn 4:41 Referans Kwoze

Tuma 1:8

Koosa wa tum o siim weri ti di o nyɛn ma bambe ni, o kpok ti zi wa siu ma ni a nyɛ ma ŋɔ Jɛrusalɛm tima, Judia tima, Samaria tima awa ba naa nyɛn bawu maga ni mu wɛ.”

Tuma 8:12

Filip funɛ wa biksi ba Yesu Kristo wɛ awa chenani Koosa daŋni o dɔ nara wɛ, nibaala awa nihaana kinkan fun nyɛ ba se su Koosa laaboor weri ti. Doone ba fun nyɛ o chaksi ba wa ni ni.

Tuma 8:25

Ba wa Simɔn funɛ sɛm peti, ba fun biksi nara tima Koosa laaboor weri ti wɛ awa chenani ba zim Yesu wɛ a bur kaali Jɛrusalɛm. Ba funɛ nyɛn nyinbaan ni a la chene, ba funɛ biksi Koosa laaboor weri ti a nyɛ tɔsi naa nyɛn Samaria pulum tim bɔnɛ ni.

Jɔn 6:63

Ba funɛ lul ma, ma wa fun kpak Koosa miisa naa vɛ kpak bɔ. Koosa siim weri ti wa nyɛn nar ni, o fun kpa Koosa mi fali naa vɛ kpak bɔ a du o bambi ni. Mu ŋɔ ma lalaknɔwa chenani ma zi na o mi fali ti,

Ju 4:13

Kin naa maga Koosa fun naami chen, puku a li gbampulim ni Koosa se ni. Wuzu digi o zi wa pɛɛsi ya magau chenani ya tumu.

Tuma 15:3

Yesu nitiŋɛ ta maga fun tiŋ ba a li ta nyinbaan ni. Ba funɛ nyɛn nyinbaan ni a la chene, ba fun ŋɔ Yesu nitiŋɛ ba naa nyɛn Fonisia pulum awa Samaria pulum chenani ba naa vɛ ya Ju tima nidamata funɛ gil ba tum tagna a bur tiŋ Koosa. Chenani Antiɔk tim ta fun ŋɔ ba nyɛ ba tusa sɔɔni kinkan.

Jɔn 7:46

Lanjimasa ta fun ŋɔ ba, “Baal nɔ sɛma kaali chen naa maga ya nu.”

Luk 4:32

Ba naa funɛ nu o biksi ti chen, o ya ba alaazibu. O sɛm ta fun kpak kpok kinkan.

Jɔn 4:40

Ba funɛ wa o wati a wa sumi un di o nyɛn ba wati. Yesu fun la nɔɔni a nyɛn ba wati wuzu bilɛ.

Jɔn 4:42

Ba fun ŋɔ haan ti ni, “Ya se su un o biksi ti daha. A wa su un chenani i fun ŋɔ ya chen duŋduŋ daharɛ. Ya zimu di wutirɛ Koosa fun tum un di o wa yisi tɛɛnɛ nɔ maga nara tum tagna a li ba.”