Jɔn 21:12 - Tampulma

¹² Yesu fun ŋɔ ba, “Ma wa di diwe”. Ba maga funɛ zimu di o ya ba kunyan tirɛ. Chendaha ba nidigi wa fun pɛɛsi naa ya un.

Jɔn 21:12 Referans Kwoze

Tuma 10:41

Nandigi wa fun bu na un, amaa ya naa Koosa fun lisi di ya na un wa ya se ni duŋduŋ na un, chen ni ya zi ŋɔ nara niu o wɛ. A gantɛl nɛɛ Koosa fun lɛli un a li o sou ni, hali ya wa un lagmi a di diwe a nyɔ.

Jɔn 16:19

Yesu funɛ zimu di ba daŋni o suŋi bau. O fun ŋɔ ba, “Ma na dɔŋwa a li chenani mu fa sɛm ma chen, mu wa zi nyɛn ma wati a vusi a bur na ma lalaga.

Jɔn 21:15

Ba funɛ wa se peti, Yesu fun pɛɛsi Simɔn Pita, “Simɔn, Jonas be, hin la daŋni min a kaali i dɔŋtim taa?” Pita fun ŋɔ un, “Mu kunyana, i zimu di muu daŋni hinu a kaali ba.” Yesu fun ŋɔ un, “Kidɛɛsi ba naa la tiŋ min a chi chenani piisi gbaŋna dɛɛsi o piisi bisa.”

Maak 9:32

O funɛ ŋɔ nan, ba wa fun zim o sɛm ta mun, amaa ba funɛ ɔmu di ba pɛɛsi un.

Jɔn 4:27

O funɛ sɛm sɛm ta chene, o gantɛl tiŋsi ta fun bur wa. Alaazibu fun kpak ba kinkan o wa haan ti la sɛm sɛma dɔŋ wati chen daha. Ba nidigi wa fun pɛɛsi un di yɛrɛ o sɛm sɛma o wati koo kin naa nyuhu ni ba sɛm.

Luk 9:45

Amaa o sɛm ta mun funɛ sogli ba wati. Chendaha ba wa fun zim a mun a la ɔm di ba pɛɛsi un.

Mat. 22:46

Nandigi wa fun bu koti a sɛm sɛma o wati. Saha ti kpa la, nandigi wa fun kpak un o bambi ni di o pɛɛsi un wu digi.

Jɔn 21:11

Simɔn Pita fun te la kpak cham ti ba wa gbaari a lɛrgi un wa ni ti nɔ. Ba fun lugsi a a dau a gur di a ya nyin zene kɔkwa awa fumnyuu datorawa. A funɛ ya kidamata chen maga di cham ti wa chɛɛsi.