Jɔn 20:27 - Tampulma

²⁷ Yesu fun chiŋi a ŋɔ Tɔmas ni, “Kpa i nin a gbaŋsi doonmani ba fun kpaasi chen a bu kpa i nin a tau mu lɔgum hɛn ti ni. Ta beeli a nyɛ i si su di mu si mu sou nɛɛ.”

Jɔn 20:27 Referans Kwoze

Jɔn 20:25

O funɛ bur wa doonani Yesu gantɛl tiŋsi ta lagmi chen, ba fun ŋɔ un, “Ya na ya kunyan tiu.” Tɔmas fun ŋɔ ba, “Mu si wa zi su di o si o sou niu see mu na doonmani ba fun kpaasi o nisa ni chen a kpa mu nin a gbaŋsi a a bu kpa mu nin a tau o lɔgum hɛn ti ni.”

Jɔn 20:20

O fun pogli o nisa a biksi ba a burgi o chakpala di ba na. Ba funɛ zim di waa ya ba kunyan ti, ba tusa sɔɔni kinkan.

Room 5:20

Koosa funɛ kpa o chiksɛ ta a nyɛ Ju tim ta ni, a waa funɛ nyɛ nara tum tum tagna a gbaari kinkan. Ba funɛ tum au a gbaari, chenani Koosa suŋi ba gbanko gbaari a kaali chen.

Luk 24:40

O funɛ sɛm chene, a kpa o nisa awa o naŋgere a biksi ba.

Luk 9:41

Yesu fun burgi a ŋɔ zɛmɛ ta ni, “Ma zinan nara tum tum tagniwa ka ma se vɛ su min. Saha yɛrɛ mu kaa nyɛn ma wati hali ma wa zim min? Saha yɛrɛ n zi ya ma kanyita?” O fun ŋɔ be ti nyan ni, “Kpa i be ti kuwa mu wati.”

Maak 9:19

Yesu fun ŋɔ un, “Ma zinan nara se wa su min. Saha yɛrɛ mu kaa nyɛn ma wati hali ma wa zim min? Saha yɛrɛ n zi ya ma kanyita? Kpa be ti kuwa mu wati.”

Mat. 17:17

Yesu fun ŋɔ un, “Ma zinan nara se wa su min. Saha maga ma yaa tum tum tagniwa. Saha yɛrɛ mu kaa nyɛn ma wati hali ma wa zim min? Saha yɛrɛ n zi ya ma kanyita? Kpa be ti kuwa mu wati.”

Luk 24:39

Ma nyini mu nisa awa mu naŋgere a zim di minnɛ. Ma gbaŋsi min ma zi zimu ma bambe ni di mu wa ya lɛlɛ. Lɛlɛ wa kpak bara a chi mu bara na.”

Jɔn 20:28

Tɔmas fun ŋɔ un, “Hin ya mu kunyana Koosa.”