Jɔn 20:1 - Tampulma

¹ Aleedi wuzu chɔɔsa ha funɛ vɛ pisi peti, Mɛri Magdala fun si a la doonani ba sogli Yesu chen. O fun la tel dooni a na buŋkul naa ba fun kpa tɔ hugil ti nɔ chen bilimsu a ka zɔɔnɔ ti.

Jɔn 20:1 Referans Kwoze

Maak 16:9

Yesu funɛ si o sou ni aleedi wuzu chɔɔsa chen, Mɛri Magdala, naa Yesu fun duŋni alizin tagna nɔpɛ a li un ni chen, waa funɛ te a na un.

Mat. 27:60

a kpa un a la du gbɛntɛl bɔ fali naa ba fun te kɔɔri a nyɛ Josɛf ni. Ba fun bilimsi gbɛntɛl zen a tɔ bɔ ti zɔɔnɔ a kaali.

Maak 15:46

Josɛf fun li a la yau gar pilim a la yisi un daakakli ti ni a kpa mɛɛsi un a kpa un a la du gbɛntɛl bɔ fali naa ba yaa sogli ba nara chen a bilimsi gbɛntɛl zen a tɔ bɔ ti zɔɔnɔ.

Jɔn 20:26

Wuzu bunɔpɛ gantɛl ni, Yesu gantɛl tiŋsi ta awa Tɔmas fun bu lagmi dam ti ni a kpari bulzɔɔnɔsi ta. Yesu fun bu wa chiŋi ba bambaan ni a ŋɔ, “Koosa nyɛ ma bara sɔɔna.”

Jɔn 19:25

Yesu niina, o towe, Mɛri naa ya Kilɛɔfas haan, awa Mɛri Magdala funɛ chiŋi a dugli Yesu.

JɔnN Deesi 1:10

Aleedi wuzu digi Koosa siim weri ti fun wa si min ni a nyɛ mu na kin bɔnɛ a chi mu deesi. Mu fun nu ta zaŋa a chi kaabul,

Mat. 27:64

Tum i lanjimasi ta ba la il o hugil ti hali wuzu butora wa tel. I ya chen, o gantɛl tiŋsi ta wa zi koti a la ŋmɛ un a ŋɔ nara ta ni di Koosa lɛli un a li o sou ni. Ba la ŋɔ nan, o zi bɔmu a kaali chenani o fa du ya wati.”

1 Kɔr. 16:2

Aleedi wuzu kam, ma maga yaa zer kinkin naa maa daŋni ma la a li kinkin naa Koosa nyɛ ma chen aa dau. Maa ya chen, mu wa wa ma zi la petiu.

Tuma 20:7

Asibri wuzu zaazɔn ya wa Yesu nitiŋɛ ba naa funɛ nyɛn Troas ni, fun lagmi a di diwe. Ya funɛ di peti, Pɔɔl fun si a ŋɔ ya ni. O funɛ sɛm chene hali tɔhɛɛsa. Chɔɔsa zi wa pisi, o funɛ daŋni ya li dooni. Chendaha o fun sɛm a vusi.

Mat. 27:56

Ba bɔnɛ sɔna funɛ ya Mɛri Magdala awa Mɛri, Jems awa Josɛf niina, awa Zɛbɛdi bisa niina.

Mat. 27:66

Ba wa lanjimasi ta fun kaali a la tel Yesu hugil ti mun. Ba fun pɛɛsi zɔɔnɔ ti buŋkul fari ti, a kpa lanjimasi ta a chiŋsi ba bar chiŋɛ ni.

Mat. 28:1

Ba hiisi wuzu ti funɛ wa gali, aleedi wuzu chɔɔsa funɛ wa pisi, Mɛri Magdala awa o tɔguma Meri fun si a la nyini hugil ti.

Mat. 28:2

Ba funɛ la tel hugil ti mun, tɛɛnɛ fun zigsi kinkan ka Koosa fun tum o malaikasi ta digi di o wa bilimsi buŋkul ti a ta hugil ti nɔ ni a kani o daha ni.

Jɔn 11:38

Ba fun kpa Lazarus a du gbɛntɛl bɔ ni a zer buŋkul a tɔ o zɔɔnɔ. Yesu funɛ la tel hugil ti mun, ba fun bu kpa ba tu chɔk ti a bu un.

Jɔn 11:41

Ba fun zer buŋkul ti ta a li hugil ti nɔ ni, Yesu fun a nyini buudaha ni a ŋɔ, “Mu nyana, mu zaami hinu di i nu mu nɔ saha maga.