Jɔn 2:4 - Tampulma

⁴ Yesu fun ŋɔ un, “Yɛrɛ i wa min wati? Mu saha ha wa tel.”

Jɔn 2:4 Referans Kwoze

Jɔn 7:6

Yesu fun ŋɔ ba, “Mu si ha wa su di mu zi la lalaknɔu. Ma zi wa la saha naa ma tusa tɔɔriu.

Jɔn 13:1

O funɛ ka wuzu bɛgimnɛ di val la gali wuzu zen ti tel. Yesu funɛ zimu di o kpaki saha ti duglɛu di o li tɛɛnɛ nɔ maga ni a bur kila o nyan ti wati. Chenani o funɛ daŋni ba naa o dɔ wa funɛ bur gantɛl.

Jɔn 8:20

Yesu funɛ nyɛn doonani nara tima yaa kpa ba malɛ a dau a nyɛ Koosa ni a la biksi ba kin nama. O kpaki saha ha wa fun tel. Chendaha nandigi wa fun gbaŋsi un.

Jɔn 7:30

Ju tim ta funɛ nu o sɛm ta, ba funɛ daŋni ba kpak un, amaa o kpaki saha ha wa fun tel. Chendaha nandigi wa fun gbaŋsi un.

Jɔn 12:23

Yesu fun ŋɔ ba, “Saha telu di Koosa lisi a li o jirima awa chaani kinkan ni a nyɛ mu waa nibine be ni.

Mat. 8:29

Ba nidigi fun tɛsi a pɛɛsi un, “I waa Koosa be, baŋnɛ ii daŋni ya wati? A wuzu naa Koosa zi wa di tɛɛnɛ nɔ maga nara sɛria ha wa tel. I te wau di i wa namsi ya ka saha ti zi wa tell?”

Jɔn 20:15

Yesu fun ŋɔ un, “Yɛrɛ ii wi? Antirɛ ii dɛu?” Mɛri fun baa di o ya ŋma we ti tumtumnɛ a ŋɔ un, “Hin yisɛ mu kunyan ti a li o hugil ti nii? I ya tiina, ŋɔ min doonani i kpa un a dau, chen ni mu zi nyɛ ba la zer unu.”

Jɔn 20:13

Ba fun ŋɔ un, “Yɛrɛ ii wi?” O fun ŋɔ ba, “Nara bɔnɛ wa lisi mu kunyan ti. Mu ka wa zim doonani ba kpa un kaali.”

Luk 2:49

O fun ŋɔ ba. “Yɛrɛ ma dɛu n bar nyɛni? Ma wa zim di o deŋlu wa mu fu nyɛn mu kunyan dam nii?”

Mat. 15:28

Yesu fun ŋɔ un, “I si su min kinkanu. Mu zi tum chenani i daŋniu a nyɛ hin.” O funɛ sɛm chene, o be ti vaan na alaafɛ.

2 Kɔr. 5:16

Chendaha ya wara bur a di nibinsa sɛria a chi tɛɛnɛ nɔ tim maga. Ya funɛ di Kristo sɛria chene, amaa lalaknɔ ya wa bur a di un.

Jɔn 2:3

Ba naa funɛ wa haan fali ti ba zaami chen fun nyɔ sin a peti, Yesu niina fun wa ŋɔ un di sin ti maga peteu.

Jɔn 7:8

Maa la a la di wuzu zene ta a li Jɛrusalɛm ni. Mu si ha wa su di mu zi la dooniu lalaknɔ.”