Jɔn 2:12 - Tampulma

¹² Kpaali ti saha funɛ wa gali, Yesu wa o niin ti awa o niinbisa awa o gantɛl tiŋsi ta fun si dooni a kaali tɔhɔn naa ba yir Kapɛrnaum a la nyɛn wuzu bilɛ.

Jɔn 2:12 Referans Kwoze

Mat. 12:46

Yesu funɛ sɛm chene, o niina awa o niinbisa fun wa tel a wa chiŋi dam ti dentil ni a tum nara di ba zu a yir un.

Gal. 1:19

Yesu nitumɛ ta maga ni, mu funɛ pu Jems naa ya ya kunyan ti niinbe, duŋduŋnɛ.

1 Kɔr. 9:5

Kristo nitumɛ ta, ya kunyan ti niinbisa awa Pita, ba maga funɛ kpak haanasiwa. Ba wa ba haanasi ta la tiŋ dɔŋa a gba, mu gbanko wa kpak chen nyinbaan?

Maak 6:3

O laata funɛ ya bugilsal a nyɛn bar nɔ ni chenn? O niina laata ya Mɛri chenn? Jems, Josɛf, Judas awa Simɔn laata ya o niinbisa chenn? Ya wa o toosa laata lagmi nyɛnn?” Ba wa un wa fun lɛm dɔŋ ni, domi ba funɛ zim unu.

Mat. 4:13

O funɛ wa li Nazarɛt a gali a la nyɛn tɔha naa ba funɛ yir Kapɛrnaum ni. Tɔha nɔ funɛ nyɛn Galili bɛɛŋ nɔ nɛɛ. Zɛbulun awa Naftalai tima koora funɛ dɔ un.

Jɔn 6:17

a la zu arŋa a la ji jibaŋ kinkin ti aa la Kapɛrnaum. Dusum funɛ wa biri, Yesu ha wa fun wa ba wati.

Mat. 11:23

Ma Kapɛrnaum tima. Ma waa la daŋni ma zer ma titi buudaha. A wuzu ti wa tel, ba waa la zi zer ma a yo du din dam ti ni. N fu tum alaazibu tum na a li Sɔdɔm tɔhɔn ni saha digi a chi chenani n fun tum ma wati nan, Koosa fu wa zi di ba sɛria a chɔk ba.

Jɔn 2:2

Ba fun yir Yesu awa o gantɛl tiŋsa gbanko di ba wa haan fali dam ti.

Jɔn 4:46

O fun bur kaali Kena a li Galili pulum ni. Doonee o fun nyɛ ni ti burgi sin. Nihɛɛ digi funɛ nyɛn doon. O be fun nyɛn Kapɛrnaum ni a wi.