Jɔn 19:4 - Tampulma

⁴ Ba funɛ ya chene, Pailɔt fun bu li Ju tim wati a ŋɔ ba, “Mu bu kaa la kpa un wa biksi mau, chen ni ma zi zimu di mu nyini un di o nisa wa toli.”

Jɔn 19:4 Referans Kwoze

Jɔn 19:6

Koosa dam kɔkɔɔrsi ta awa ba naa la il Koosa bar jɛɛmi dam ti funɛ na Yesu, ba fun tɛsi a ŋɔ Pailɔt ni, “Nyɛ ba kpaasi un a mari daakakli daha ni o sou.” Pailɔt fun ŋɔ ba, “Mu nyini un di o nisa wa toli. Ma kpaasi un a mari daakakli ti daha ni o sou.”

Jɔn 18:38

Pailɔt fun pɛɛsi un, “Baŋa ya wuti ti?” O fun bur kaali sal ti a la ŋɔ Ju tim ta ni, “N wa na wu tagin naa o tum. O nin wa toli.”

Luk 23:4

Doone Pailɔt fun burgi a ŋɔ Koosa dam kɔkɔɔrsi ta awa zɛmɛ ba naa tiŋ un a la Pailɔt dama, “Baal nɔ nisa wa to.”

Luk 23:47

Lanjimasa kɔkwa nihɛɛ naa funɛ chiŋi dooni a na chenani Yesu sou, o funɛ pɛgi Koosa a ŋɔ, “Wuti baal nɔ sir ya nibin werire.”

1 Jɔn 3:5

Ma zimu di Yesu funɛ wau di o wa yisi nara tum tagna maga a ta. O wa tum tum tagin hali tama.

1 Pita 3:18

Kristo titi funɛ sou bu bɛgimnɛ ma tum tagna daha, chen ni o zi kpa mau a la Koosa wati. Naa funɛ ya tum were nitumi, waa funɛ chiŋi ya naa ya tum tagna nitumɛ bar chiŋi ni. Ba funɛ kpu o barawa, amaa Koosa siim weri ti funɛ lɛli unu a li o sou ni,

1 Pita 2:22

O wa fun kut a tum tum tagin. O wa fun suni wɛ a nyɛ nara ni.

2 Kɔr. 5:21

Yesu Kristo funɛ nyɛn tɛɛnɛ nɔ maga ni, o wa fun tum tum tagna hali tama, amaa Koosa funɛ kpa ya tum tagnau a du o nin ni. Domi ya wa Yesu Kristo ya nibɛgimnɛ lalaknɔ, Koosa wa zi bu na ya galimsa o wati.

Luk 23:41

Ya wu tagna daha, o deŋlu wa ya siti, amaa baal nɔ ha wa fun tum tum tagin.”

Mat. 27:54

Lanjimasa kɔkwa nihɛɛ awa o lanjimasa ba naa funɛ chiŋi bɔnɛ a il Yesu, ba funɛ na tɛɛnɛ zigsɛɛ awa chenani maga yɛɛ, hansura fun kpak ba kinkan. Ba funɛ sɛm dɔŋ ni, “Wuti baal nɔ sir ya Koosa bere.”

Mat. 27:24

Pailɔt funɛ zimu di o wa zɛmɛ ta sɛm ta wa kpak mun ka ba daŋni ba dam, o fun zɔk ni a sɛm o nisa zɛmɛ ta maga suwachak ni a ŋɔ, “Mu nisa wa to baal nɔ sou ni. Ma waa dɔ un.”

Mat. 27:19

Pailɔt funɛ kani sɛria bar diili dɛ ti ni, o haan fun holi a ŋɔ un, “Dusum ti mu dɛ namsu kinkannɛ baal nɔ daha a li mu deesi ni. O nin wa to. Adaha i yisi un a ta.”

Mat. 27:4

a ŋɔ ba, “Koosa na mu galimsa. N funɛ li naa nin vɛ nyɛn ni gantɛl niu. Ma di o sou sɛria lalaknɔ.” Ba fun ŋɔ un, “Baŋnɛ chen ya ya? I tum chen.”

Ju 7:26

Yesu ya Koosa dam kɔkɔɔra naa ya daŋni. Waa ya tu chaan tiina, a vɛ tum tum tagna hali tama. Koosa funɛ waligi unu a li nibinsa ba naa la tum tum tagna ni a kpa un a zini o zu Koosa tɔha di o kani o jirima bar kani ni.

Jɔn 18:33

Doone Pailɔt fun bur kaali sɛria bar diili dɛ ti a ŋɔ o lanjimasi ta ni ba kpa Yesu wa nyɛ un. O fun ŋɔ un, “Hin ya Ju tim koor chenn?”