Jɔn 19:20 - Tampulma

²⁰ Yesu bar kpaasi ti wa fun bol wa Jɛrusalɛm ni. Ju tim nidamata fun wa nyini chenani la ya a la karimi chenani ba sɔbi a mari daakakli ti ni. Sɛm tii butorawa ba fun sɔbi, a waa ya Ju tim ta sɛma, Girik tima awa Roman tima sɛma.

Jɔn 19:20 Referans Kwoze

JɔnN Deesi 16:16

Chen saha ti alizin tagni ta fun te koorsa ba naa a fun lagmi dɔŋ ni suwachak a la tel doonani ba yir Amagɛdɔn a li Ju tim sɛm ni.

Tuma 26:14

Ya maga fun chesi tɛɛnɛ ni. Mu fun nu ta ka o ŋɔ min a li Ju tim ta sɛm ni, ‘Sɔɔl, baŋnɛ ii namsi min chen ni? I nyɛ i titi dɛŋarɛ a chi nuwal naa yaa galimi a pa o kunyan chen.’

Tuma 22:2

Zɛmɛ ta funɛ nu ka o sɛm ba a li ba titi sɛm ni, ba fun bukoo moori a gbaari.

Tuma 21:40

Lanjimasi ta nihɛɛ nyuhu tiin ti fun nyɛ un nyinbaan. Pɔɔl fun chiŋi naŋgere bar nɔsɛ nyuhu ti ni a viigi o nin di zɛmɛ ta gil chɛɛma. Ba fun moori ka o sɛm sɛma a nyɛ ba a li Ju tim sɛm ni.

Tuma 21:37

Lanjimasi ta awa Pɔɔl funɛ la dugli zuuli, Pɔɔl fun burgi a ŋɔ lanjimasi ta nihɛɛ nyuhu tiin ti ni, “I zi nyɛ mu sɛm hin wu digiuu?” O fun ŋɔ un, “Mu wa zim di i sɛm Girik tim sɛm tau.

Jɔn 19:13

Pailɔt funɛ nu ba sɛma, o fun nyɛ o lanjimasi ta kpa Yesu a te o suwachak a kaali doonani chi biŋbiŋa. Ju tim ta funɛ yir dooni Gabata a li ba titi sɛm ni. Ba funɛ la tel dooni, Pailɔt fun kani sɛria bar diili kor ti ni.

Jɔn 5:2

Bɛɛn we funɛ nyɛn dooni a dugli tɔsi ta digi bulzɔɔnɔ naa ba yir piisisa bulzɔɔnɔ. Ju tim ta funɛ yir doon a li ba sɛm ni, Bɛtzata. Zaŋa nyuu funɛ go bɛɛŋ we ti nɔ.

JɔnN Deesi 9:11

Malaikasi ta digi funɛ nyɛn doon ba yir un a li Ju tim sɛm ni, Abadɔn. Ba funɛ yir un a li Girik tim sɛm ni, Apɔliyɔn. O mun ya, ‘naa la chɔk kina’. Waa funɛ ya hɔɔni ta koora a il bɔ naa vɛ kpak bar peti.

Ju 13:12

Chendaha Yesu gbanko fun namsi kinkan a li Jɛrusalɛm gantɛl ni, chen ni o chɛl ti zi chiŋi ya tum tagna bar chiŋi niu.

Luk 23:38

Ba gbanko funɛ sɔbi a ŋɔ di, “Ju tim koor ti nɛɛnɛ,” a mari o nyuha daha ni.

Jɔn 19:42

Ju tim ta wuzu zen wuzu ti funɛ dugli kinkan daha, ba funɛ daŋni ba sogli Yesu lalaga. Chendaha ba lisi dooni a sogli un.