Jɔn 18:33 - Tampulma

³³ Doone Pailɔt fun bur kaali sɛria bar diili dɛ ti a ŋɔ o lanjimasi ta ni ba kpa Yesu wa nyɛ un. O fun ŋɔ un, “Hin ya Ju tim koor chenn?”

Jɔn 18:33 Referans Kwoze

Jɔn 19:12

Pailɔt funɛ nu Yesu sɛma, o fun bu chiŋsi o bambi bar bɛgim a yisi un. Zɛmɛ ta funɛ nu chen, ba fun bu tɛsi a ŋɔ Pailɔt ni, “I nyɛ baal nɔ kaali, i wa tiŋ koorsi ta nyuhu tiina Siiza nɔ. Nar kpa o titi a burgi koora, o vɛ Siiza nɔrɛ.”

Jɔn 19:3

a zaami un a ŋɔ, “Ju tim koora, ya zaami hinu,” a la mo un.

Jɔn 18:37

Pailɔt fun ŋɔ un, “Chenani i sɛm nan ya wuti, i sir ya koorree?” Yesu fun ŋɔ, “Chenani i kut ŋɔ chen. Ba funɛ lul minu mu wa tɛɛnɛ nɔ maga di mu waa biksi nara wuti ti wɛ. Ba naa la daŋni ba ya wuti tima nu mu sɛma.”

Jɔn 12:13

Ba kpa bone kpachaga a li di ba la chem un. Ba funɛ la o bar chemi chene a la chɛɛmi a ŋɔ, “Tabarkala. I waa naa Koosa tum di i ya ya koora, yaa zaami hinu kinkan.”

Maak 15:2

Pailɔt fun pɛɛsi un, “Hin ya Ju tim koor chenn?” O fun ŋɔ, “Chenani i kut ŋɔ chen.”

Mat. 27:11

Yesu fun chiŋi Pailɔt suwachak ni. Pailɔt fun pɛɛsi un, “Hin ya Ju tim koor chenn?” O fun ŋɔ, “Chenani i kut ŋɔ chen.”

1 Tim. 6:13

Mu chiŋi Koosa naa funɛ naami kina maga, awa Yesu Kristo naa funɛ sɛm a kok o titi nɛnɛ a nyɛ Pɔntius Pailɔt ni a li ba suwachak ni, mu ŋɔ hinu di,

Jɔn 19:9

O fun nyɛ o lanjimasi ta kpa Yesu a te o suwachak a kaali sɛria bar diili dɛ ti. O fun ŋɔ Yesu ni, “Leene i li?” O fun moori.

Jɔn 12:15

Ba funɛ sɔbi a li Koosa sɛm tɔn ti ni a ŋɔ, “Ma Jɛrusalɛm tima, ma ta nyɛ hansura kpak ma. Ma koora zi wa zini kokum be pɔlu a wa ma wati.”

Jɔn 1:49

Nataniɛl funɛ nu Yesu sɛma, o fun ŋɔ, “Mu kunyana, hin ya Koosa be. Hin vɛɛn ya Ju tim koora naa Koosa fun ŋɔ di o zi tumu ya wati.”

Mat. 27:27

O lanjimasa fun kpa un a la zu Pailɔt dɛ zen, a fun yir ba dɔŋtima ba wa.

Luk 23:2

Ba fun fiksi Yesu o suwachak ni a ŋɔ, “Baal nɔ yaa mur ya narawa a ŋɔ ba di ba ta bɔ lampo a nyɛ koorsi ta nyuhu tiina Siiza ni. O titi fun ŋɔ di waa ya koor zen naa ba yir Kristo chen.”

Jɔn 18:34

Yesu fun burgi a pɛɛsi un, “Pɛɛsi nɔ li i watɛɛ koo nara ŋɔ hin di i wa pɛɛsi minn?”

Jɔn 18:38

Pailɔt fun pɛɛsi un, “Baŋa ya wuti ti?” O fun bur kaali sal ti a la ŋɔ Ju tim ta ni, “N wa na wu tagin naa o tum. O nin wa toli.”

Jɔn 19:4

Ba funɛ ya chene, Pailɔt fun bu li Ju tim wati a ŋɔ ba, “Mu bu kaa la kpa un wa biksi mau, chen ni ma zi zimu di mu nyini un di o nisa wa toli.”