Biblia Todo Logo
Bib sou entènèt

- Piblisite -




Jɔn 17:5 - Tampulma

5 Mu nyana, i funɛ te kpa i jirima awa i chaani kinkan i wa min bɔni saha digi a zi naami tɛɛnɛ nɔ maga. Kpa chenani mu zi nyɛ hin jirima a gbaari un ni a biksi nara di a ya kibɛgimnɛ.

Gade chapit la Kopi




Jɔn 17:5
20 Referans Kwoze  

O funɛ te lisi Kristore a zi naami tɛɛnɛ nɔ maga. Tɛɛnɛ nɔ maga siili saha wa dugli, Koosa fun tum un di waa tum nan a nyɛ ma.


Mu wa mu nyan ti ya nibɛgimnɛ.”


O du chenani Koosa durɛ saha maga, amaa o wa fun saksi di o kpak un kpok.


Ba gbanko fun a sɔbi di Koosa funɛ ŋɔ o be ti wɛwa, “I waa naa zen kaali kina maga, min funɛ nyɛ i naami tɛɛnɛ nɔ maga a li o piili ni. Hali min nyɛ i kpa i nisa a naami buudaha gbanko.


Koosa funɛ kpa o jirima awa o chaani kinkan a nyɛ un. O bɔni chenani Koosa du, a kpa o kpok kinkan a sɛm a kpak tɛɛnɛ nɔ maga awa buudaha a lagmi dɔŋ ni. O funɛ sou, chen ni Koosa zi koti a chaksi nibinsa tum tagnau a li ba bambe ni baa tiŋ un. O funɛ si o sou ni a zini a zu Koosa tɔha, a fun la kani Koosa naa kpak kpok kinkan a kaali a maga, nihɛɛta bar kani ni.


“Mu nyana, hin funɛ te daŋni min ka i wa min bɔni i jirima awa i chaani kinkan ka i zi naami tɛɛnɛ nɔ maga. Mu sumi hinu di i nyɛ ba naa i fun lisi nyɛ min chen, wa lagmi min ni ya nyɛn i tɔhɔn ti ni wuzu digi, chen ni ba zi wa na mu jirima awa mu chaani kinkanu.


Yesu fun ŋɔ ba, “Maa nu chenani mu kaa sɛm ma. Mu funɛ piin nyɛnu ka ba zi lul Abraham.”


Nandigi ha wa na Koosa, amaa o be bɛgim naa wa Koosa ya nibɛgim, waa funɛ biksi ya o wɛ.


Yesu fun ŋɔ un, “Filip, yɛrɛ i pɛɛsi min chen ni? Ma wa min nyɛn vusiu. I ha wa vɛɛn zim nibine naa ya minn? Nara maga na min, mu nyan tirɛ ba na chen.


Mu naa dɔ tɛɛnɛ nɔ maga zi ŋɔ ba naa nyɛn mu nindil ni, ‘Mu kunyana Koosa nyɛ ma nyusum. O funɛ naami tɛɛnɛ nɔ maga chen, o fun saksi kina a chiŋsi ma. Ma wa a wa la a lalaknɔ.


N waa nibine be duŋduŋ funɛ li Koosa tɔhɔn ti ni a wa tɛɛnɛ nɔ maga a la zi bur la dooni.


Ba naa kpak nɛnɛ hali a la tel o bɔ, mu zi nyɛ ba bɔni mu jirima bar nyɛniu Koosa chakpal ni. Mu funɛ kpak nɛnɛ hali a fun la tel o bɔ. Chendaha o nyɛ mu kani dooni.


Koosa funɛ te sɔbi ba naa maga la zi wa la o mi fali ti, sɔna a du o tɔn ti ni a zi naami tɛɛnɛ nɔ maga. O piisi be naa ba fun kpu chen, dɔ tɔn ti. Ba naa maga sɔna vɛ nyɛn tɔn ti ni, funɛ jɛɛmi sel zen tire.


Koosa funɛ kpa miisa maga tiin ti a tum tɛɛnɛ nɔ maga ni. Ya funɛ na unu, a ya o sɛhɛra tima a la ŋɔ ma Koosa mi fali naa vɛ kpak bɔ wɛ. Waa funɛ nyɛn Koosa ni saha maga, ka o fun kpa un a biksi ya.


Yesu funɛ sɛm peti, o fun nyini buudaha ni a ŋɔ, “Mu nyana, mu siwi saha ti duglɛu. Biksi nara i jirima awa i chaani naa i fun kpa a nyɛ min chen kinkan, chen ni mu zi nyɛ hin jirima kinkanu.


Kristo funɛ sou a li o daakakli ti ni, Koosa fun lɛli un a li o sou ni a kpa o jirima awa o chaani kinkan a du un ni. O daha ma se su Koosau ka ma kpak bambi bɛgim un ni.


Swiv nou:

Piblisite


Piblisite