Jɔn 16:2 - Tampulma

² Ju tim ta zi wa duŋni mau a li ba bar lagmi dɛɛni ta ni. Hali saha zi wa wau, ba naa kpu ma lisi di ba tiŋ Koosa tutɔrɛ.

Jɔn 16:2 Referans Kwoze

Jɔn 9:22

Ba funɛ sɛm chene, domi hansura funɛ kpak ba Farisi tim ta daha. Ba funɛ piin ŋɔ di nandigi la nɔɔni di Yesu ya naa Koosa fun vɔu di o zi tumu wuzu digi chen, ba wa zi nyɛ ba bu jɛɛmi Koosa a li ba bar lagmi dɛ ni.

Mat. 10:28

Ma ta ɔm nibinsa ba naa la kpu nara bara. Ba wa kikoti a kpu ba siimsa, amaa ma ka ɔm Koosa naa koti a chɔk nara bara awa ba siimsa a li din dam ti ni.

JɔnN Deesi 6:9

Doone piisi be ti fun kasi kitɔɔli anyuun tiina a bu puk tɔn ti tama a gbaari. Mu fun nyini a na ka biŋbiŋa nyɛn dooni. Ba naa tɛɛnɛ nɔ tim maga fun kpu domi ba funɛ biksi ba Koosa laaboor weri ti wɛ a vɛ bur gantɛl a li ba biksi ni, ba funɛ nyɛn biŋbiŋ ti mun nɛɛ.

Jɔn 12:42

Ju tim nihɛɛ damata funɛ nyɛ ba se su Yesu, amaa ba wa fun nyɛ ba se su un a li gbampulim ni, domi ba funɛ ɔm Farisi tim tawa. Farisi tim ta zim chenani ba ya, ba zi duŋni bau a li ba bar lagmi dɛɛni ni.

Luk 6:22

“Nara ha ma a vɛ ma a pini ma zoma a ŋɔ di ma ya tum tagna timawa domi maa tiŋ n waa nibine be daha, ma tusa zi sɔɔniu.

1 Kɔr. 4:13

Ba yaa chɔk ya sɔnau, amaa ya yaa fun sɛm sɛm wereu aa nyɛ ba. Ya yaa fun chi chaasiwa tɛɛnɛ nɔ tim maga wati hali wa zinan.

Tuma 7:56

Stivin fun ŋɔ ba, “Ma nu mu wati nɛnɛ. Ba puk Koosa tɔha bulzɔɔnɔu ka mu na Yesu naa ya nibine be ka o chiŋi Koosa nihɛɛti ti bar kani ni.”

Mat. 24:9

“Saha naa kina maga wa kaa ya, ba zi wa kpa ma a du ba naa la namsi nara nisa niu ba kpu ma. Nara maga zi wa ha mau, domi maa tiŋ min daha.

Jɔn 9:34

Ba fun ŋɔ un, “Ba funɛ lul hin di i yaa kitum tum tagniwa. I kpa i nyuhurɛ a mo yaa?” Ba fun zaksi un a li ba bar jɛɛmi dɛ ti ni a ta.

Tuma 5:33

Nihɛɛta ba naa funɛ lagmi chen, funɛ nu Pita sɛma, ba paan fun si ba ni ba daŋni ba kpu ba.

Jɔn 4:21

Yesu fun ŋɔ un, “Saha wau ba naa la jɛɛmi ya kunyan Koosa wa zi jɛɛmi un bi ti ni koo Jɛrusalɛm ni.

Filip. Tima 3:6

Nandigi wa zi koti a ŋɔ di mu funɛ chɔk au. Mu se funɛ sɛriu hali mu muksi ba naa tiŋ Yesu kinkan.

Jɔn 4:23

Saha telu nara ba naa la jɛɛmi Koosa wa wuti ni, zi jɛɛmi un chenu, domi o siim weri ti nyɛn ba bambe ni. Chene ya kunyana Koosa daŋni nara kijɛɛmi un.

Jɔn 16:25

“Kin naa mu ŋɔ ma a wɛ nan, o bɔmu wa ma zim a mun. Saha wau di mu zi wa biksi ma mu nyan ti wɛ gbampulim ni ka o ta bu bɔm ma ni.

Jɔn 16:32

Ma nu n wati. O wa zi vusi ka ma maga chɔ kaali ma damsa a ka min duŋduŋ, amaa mu nyan ti wa zi ya chen. O wa min zi nyɛnu.