Jɔn 16:16 - Tampulma

¹⁶ “Mu wa zi nyɛn ma wati a vusi a bur la mu nyan ti wati. Mu wa la o wati, o wa zi vusi ka ma nu na min.”

Jɔn 16:16 Referans Kwoze

Jɔn 7:33

Ba funɛ kaali doonani Yesu nyɛn chen, o fun ŋɔ ba naa maga funɛ nyɛn dooni, “Mu zi nyɛn ma watiu wuzu bumɛna a bur la naa tum min chen wati.

Tuma 1:3

Saha naa Koosa fun lɛli un a li o sou ni hali a la tel saha naa o fun bu zer un a zini o tɔhɔn ti, funɛ ya wuzu fumnaasiwa. Chen saha ti Yesu nitumɛ ta fun bu na Yesu bu damata, ba wa fun bura beeli un di o ya warɛ. O wa ba funɛ lagmi nyɛn, o fun biksi ba chenani Koosa zi wa dɔ nara.

Jɔn 16:28

Mu funɛ li o watɛɛ a wa tɛɛnɛ nɔ maga. Lalaknɔ mu saksi di mu li a bur a la o wati.”

Jɔn 16:22

Ma tusa chɔku lalaknɔ. Ma bu wa na min, ma tusa ka zi bu sɔɔniu kinkan. Nandigi wa kilisi ma tu sɔɔn ti a li ma ni.

Ju 12:2

Yesu duŋduŋ si funɛ su Koosa hali o wa peti. Chendaha o lawa ya nyini o se niu a kpaŋi ya titi a tiŋ chenani o tiŋ saha maga. Domi o funɛ zim di o tiŋ Koosa tutɔ ka o tuha wa sɔɔni kinkan, o fun nyɛ ba kpaasi un a mari daakakli ti ni a sou a na hiisa kinkan. Lalaknɔwa o kani Koosa nihɛɛ bar kani ni a li o tɔhɔn ti ni.

Jɔn 13:3

Yesu funɛ zimu di o nyan naa tum un tɛɛnɛ nɔ maga ni, funɛ kpa kina maga a du o nin ni. O gbanko funɛ zimu di o nyɛn nyinbaan nɛɛ a bur a la Koosa wati.

Jɔn 16:5

“Lalaknɔwa mu saksi di mu bur la naa funɛ tum min ma wati. Ma nidigi ha wa wa pɛɛsi min di leene mu la.

Jɔn 13:33

Mu bisa, mu wa ma wa zi nyɛn vusi. Mu wa kaali, ma zi dɛu mu bar nyɛniu. Ma lisi chenani mu fun ŋɔ Ju tim ta ni di ba wa kikoti a tiŋ min la doonani mu la chen. Chenani mu ŋɔ ba chen, ya ma gbanko kinnɛ.

Jɔn 12:35

Yesu fun ŋɔ ba, “Mu chi fitinne a nyɛn ma wati. O wa zi vusi ka birsi wa tɔ min. Ma kpak fitina a val doonani ma daŋni ma val. Birsi ti wa tɔ un, ma zi nyuksi nyinbaanu.

Maak 16:19

Ba kunyan Yesu funɛ sɛm ba peti, o zini a kaali buudaha a la kani Koosa nihɛɛ bar kani ni.

Jɔn 17:13

Lalaknɔ mu saksiu di mu bur wa i wati. Chendaha mu sumi hinu ba daha di ba tusa sɔɔni hali a la gali a chi mu kin.

Jɔn 17:5

Mu nyana, i funɛ te kpa i jirima awa i chaani kinkan i wa min bɔni saha digi a zi naami tɛɛnɛ nɔ maga. Kpa chenani mu zi nyɛ hin jirima a gbaari un ni a biksi nara di a ya kibɛgimnɛ.

Jɔn 16:10

Chenani mu zi chiŋi ba bar chiŋi ni a sou a nyɛ ba a bur la mu nyan ti wati, nan duŋduŋ la zi nyɛ ba deŋli Koosa suwachak ni.