Jɔn 15:4 - Tampulma

⁴ Hulsi ta vɛ baŋsi bugil pum ti bara ni, a wa kinɔn nɔna. Chen vɛɛna, ma wa min vɛ ya nibɛgim a nyɛni, ma wa kikoti a tum tum were a nyɛ min. Chendaha o lawa ma wa min ya nibɛgimu a nyɛn.

Jɔn 15:4 Referans Kwoze

1 Jɔn 2:6

Nar ŋɔ di o nyɛn Koosa nɛɛ, o tiŋ un a chi o be Yesu funɛ tiŋ un chen.

Gal. 2:20

chen ni mu wa zi bu nyɛn, amaa Kristo kinyɛn min ni. Mu si su Koosa be naa la daŋni min a fun sou mu daha. Chene muu tiŋ lalaknɔ.

Jɔn 8:31

Doone Yesu fun ŋɔ ba, “Ma tiŋ mu biksi nɔ, ma waa la zi ya mu gantɛl tiŋ wutɛ.

2 Jɔn 1:9

Nandigi kpa wu digi a gbaari chenani ya fun biksi ma Kristo wɛ chen, Koosa wa to chen tiin ni. Ma kpak chenani ya funɛ biksi ma Kristo wɛ chen, Koosa awa o be Yesu zi nyɛn ma niu.

Jɔn 6:56

Ba naa maga di mu bara aa la nyɔ mu chɛl ti nyɛn min ni ka mu gbanko nyɛn ba ni.

Filip. Tima 1:11

Yesu Kristo zi suŋi mau di ma ya nibin werewa kinkan a chi chen. Nara zi na mau a kidaŋni ba pɛgi Koosa a nyɛ un jirima.

Jɔn 14:20

A wuzu naa mu wa si mu sou ni, ma zi zimu di mu nyɛn mu nyan ti nɛɛ ka ma nyɛn min ni ka mu gbanko nyɛn ma ni.

Luk 8:15

Kiduha naa funɛ chesi tɛɛn weri ni chen chi ba naa nu laaboor weri ti ka ba bambe kpak un a tiŋ un nɛnɛ. Ba waa kpak kanyita a lulsi kinkan.”

2 Kɔr. 13:5

Maa zaamsi ma titi di ma se su Yesu Kristo nɛnɛ. Ma zim di o nyɛn ma bambe niu akoo ma higliu di ma tiŋ unuu?

Kɔl. 2:6

Ma fun la nɔɔni di Yesu Kristo ya ma kunyana. Chendaha maa tiŋ un nɛnɛ.

Kɔl. 1:27

O funɛ ya o tutɔrɛ o biksi o wu sogli nɔ mun a nyɛ o nara ni. Waa sir ya wu weri kinkan ba naa vɛ ya Ju tim chen wati. Nan ya o wu sogli ti. Kristo ti nyɛn ma ni. Chendaha ma kpak bambi bɛgim di wuzu digi Koosa zi wa kpa a li o jirima niu a nyɛ ma.

Tuma 14:22

Ba funɛ nyɛn nyinbaan ni a la chene, ba fun nyɛ Yesu nitiŋɛ ta se suuli gbaari a kpami ba di ba kpak Yesu nɛnɛ. Ba fun ŋɔ ba, “O deŋlu wa ya te namsiu kinkan ka Koosa zi wa dɔ ya a peti.”

Jɔn 17:23

Domi i wa min ya nibɛgimnɛ ka ya nyɛn ba bambe ni, nyɛ chenani ba ya nɔ bɛgim chen kigbaari. Ba ya chen, tɛɛnɛ nɔ tim maga zi wa zimu di hin funɛ tum min ba wati. Ba gbanko zi zimu di ii daŋni bau a chi chenani ii daŋni min.

Ɛfɛ. 3:17

chen ni Yesu Kristo zi nyɛn dooniu a gbaari ma se su un daha. O kpok ti nyɛn ma ni nɛnɛ, ma gbanko zi daŋni unu awa dɔŋ ni a gbaari,

Tuma 11:23

O funɛ la tel a na chenani Koosa nyɛ ba nyusum, o tuha fun sɔɔni kinkan. O fun kpami ba di ba kpak ya kunyana nɛnɛ awa ba tuha bɛgim ni.

Kɔl. 1:23

Amaa o lawa maa tiŋ wa wutiu a nyɛ ma se su un nɛnɛ, chen ni kundɔŋ wa to a la zi bur ma gantɛl, a kpak bambi bɛgim a li chenani ma fun te nu Koosa laaboor weri ti chen.

1 Tɛs. 3:5

Saha naa ma wɛ fun wa muksi min kinkan, mu funɛ tum Timotiu ma wati di o wa na chenani ma du, a naa ma se ha vɛɛn su Yesu akoo ma se wa su un. Mu wa zim, ami sintana wa zaamsi mau ka ma tiŋ o nɔ ka ya tuma chɔk a ta yɔri.

Ju 10:39

Ya wa ya chen tima. Ya waa wa zi bur gantɛl a li Koosa ni o na ya galimsa a ta ya yɔri. Ya waa se ka zi su unu a la, chen ni wuzu digi o zi wa yisi yau a li ya tum tagna ni hali a wa peti.

Mat. 12:33

Yesu fun bu ŋɔ Farisi tim ta ni, “Bugil weri la nɔn nɔn were, amaa bugil tagin ka la nɔn nɔn tagna. Nara zi zim bugil weri awa bugil tagin a li a nɔn nɛɛ.