Jɔn 15:24 - Tampulma

²⁴ Mu funɛ tum alaazibu tuma a naa nibine zi vɛ koti a tumiu, ba suwachak ni. Chendaha Koosa gbanko na ba galimsa. Hali chenani maga ba na ka mu tum nyɛ ba, a maga ya yɔrirɛ ba wati ka ba ha min awa mu nyan ti.

Jɔn 15:24 Referans Kwoze

Jɔn 14:9

Yesu fun ŋɔ un, “Filip, yɛrɛ i pɛɛsi min chen ni? Ma wa min nyɛn vusiu. I ha wa vɛɛn zim nibine naa ya minn? Nara maga na min, mu nyan tirɛ ba na chen.

Jɔn 5:36

Jɔn funɛ biksi nara mu wɛ, amaa kundɔŋ biksi nara mu wɛ a kaali chenani Jɔn fun biksi. Tum zene naa mu nyan ti fun nyɛ mu tum, a waa biksi nara di waa funɛ tum min.

Jɔn 10:37

Ma la nɔɔni di tum naa mu tum nan, ya mu nyan ti tumwa, ma nyɛ ma se su mu sɛm ta.

Jɔn 10:32

Yesu fun ŋɔ, “Mu nyan ti funɛ nyɛ mu tum tum were kinkannɛ di ma na. O leema daharɛ ma daŋni ma kpu min?”

Jɔn 9:32

Tɛɛnɛ nɔ maga piili ni kpa la hali wa zinan, nandigi ha wa lɛli naa ba lul wa nyulumsa, se.

Jɔn 7:31

Zɛmɛ ta nidamata se fun su un. Ba funɛ ŋɔ dɔŋ ni, “Kristo wa wa, o tum zene zi kaali baal nɔ tum zeneuu?”

Jɔn 3:2

Wuzu digi dusumnɛ, o fun la ŋɔ Yesu ni, “Mu kunyana, ya zimu di Koosa funɛ tum hin di i wa biksi ya. Tum zene naa i tum biksi ya di Koosa kpok ti nyɛn hin ni.”

Mat. 9:33

Yesu funɛ duŋni alizin tagin ti a li baal ti ni, o fun piili a sɛm sɛma. Alaazibu fun kpak ba naa funɛ chiŋi dooni kinkan. Ba funɛ ŋɔ dɔŋ niu, “Ya ha wa na kundɔŋ a chi nan a li Ju tim pulum ni.”

Jems 4:4

Ma naa vɛ tiŋ wuti ti nan, ma wa zim di ma wa tɛɛnɛ nɔ tim maga ya chɛnsa, ma ya Koosa dɔmwaa? Nara la daŋni ba wa tɛɛnɛ nɔ tim maga ya chɛnsa, ba waa ya Koosa dɔma.

2 Tim. 3:4

a li nara gantɛl a ya wu zene tima aa lisi di ba ya nibin zenewa. Ba zi ya kidaŋni ba titi daŋnɛu a kaali chenani ba fu zi daŋni Koosa.

Room 1:30

a la chɔk nara sɔna a la pini nara zoma aa ha Koosa. Baa daŋni sɔniwa a la zer ba titi a la nyini tum tagna falɛ di ba tum saha maga. Ba wa tiŋ ba nyama awa ba numa nɔɔna,

Tuma 10:38

Yesu Nazarɛt narrɛ, Koosa fun lisi un a kpa o siim weri ti a du un ni. Koosa gbanko fun kpa o kpok ti a nyɛ Yesu ni di o tum tum were a yisi ba naa maga sintana fun dɔ a li o nin ni. Koosa funɛ nyɛn o wati. Chendaha o fun koti a ya chen.

Tuma 2:22

“Ma Ju tima, maa nu chenani mu kaa ŋɔ ma nan nɛnɛ. Tum zene awa alaazibu tuma a naa Koosa nyɛ Yesu Nazarɛt nar fun tum, biksi ma di Koosa funɛ lisi un. Ma titi zim kin nama wɛu domi a ya ma bambaan nɛɛ.

Jɔn 12:45

Naa na min, o na Koosa naa tum min chen gbanko.

Jɔn 6:36

Ya funɛ piin lagmiu ka ma se ha vɛ su min. Mu funɛ ŋɔ mau di nannɛ o du ya ni.

Luk 24:19

Yesu fun pɛɛsi un, “Baŋa ya?” O fun ŋɔ un, “Kin naa ba ya Yesu Nazarɛt nar. O funɛ ya witiin naa Koosa tum ya watɛɛ. Waa funɛ kpa o kpok a nyɛ o sɛm sɛm kpoka a la tum tum kpoka a nyɛ un. Chendaha nara maga nyɛ un jirima kinkan.

Maak 2:12

Baal ti fun vaan si chiŋi a zer o kichɔɔli ti a li lalaga. Ba naa funɛ chiŋi a nyini un, o fun ya ba alaazibu kinkan. Ba fun a pɛgi Koosa a ŋɔ, “Ya ha wa na nan see zinan wuzu nɔ.”

Mat. 21:32

Jɔn naa funɛ chaksi nara wa ni ni chen, funɛ wau di o wa biksi ma nyinbaan deŋli ma tiŋ, amaa ma se wa fun su o biksi ti. Lampo nilalɛ ta awa nihaana ba naa la daŋni nibaala yɔri yɔri, ba se ka funɛ su o biksi ti. Hali ma yaa fun a na nan, ma vɛ gil ma tum tagna a tiŋ un.”

Mat. 11:5

Nyuluma bukoora nau, gbarigisa val, ka muu tiibi zaguma gbanko. Diŋgbiti tima gbanko nuu ka mu fun lɛli nara a li ba sou ni. Fara tim nɛɛ mu gbanko fun sɛm Koosa laaboor weri ti a nyɛ.

Jɔn 12:10

Koosa dam kɔkɔɔrsa ba naa funɛ nyini nyinbaan di ba kpu Yesu, funɛ kpa Lazarus a gbaari un nɛɛ di ba kpu.

Jɔn 9:41

Yesu fun ŋɔ ba, “Ma se fu vɛ lɛli, mu fu wa zi na ma galimsa. Domi ma ŋɔ di ma se lɛlɛu ka a vɛ lɛli, mu zi na ma galimsau.”

Jɔn 15:21

Ba zi wa muksi mau a chi chen, domi ba wa zim naa funɛ tum min chen. Maa tiŋ min daha, ba gbanko ya ma chen.

Jɔn 15:22

Mu funɛ wa ŋɔ ba di ba bur a li ba tum tagna tiŋi ni. Ba vɛ. Chendaha Koosa na ba galimsa. Ba wa zi wa koti a sɛm wu digi o suwachak ni.

Jɔn 15:23

Nar ha min, mu nyan tirɛ o ha.

Jɔn 16:9

Ba se wa su min. Chendaha ba yaa tum tum tagna.