Jɔn 15:15 - Tampulma

¹⁵ Chenani maga mu nyan ti fun ŋɔ min, mu funɛ kpa a magau a ŋɔ ma. Chendaha mu gbanko sɛm di ma ya mu chɛnsiwa. N wa zi bu ŋɔ di ma ya mu tumtumsiwa, domi tumtumsa wa zim chenani ba kunyana tum.

Jɔn 15:15 Referans Kwoze

Mat. 13:11

Yesu fun ŋɔ ba, “Koosa funɛ kpa o koor ti kin naa o fun kpa a sogli chen a chiŋsi a nyɛ ma a li gbampulim ni di ma zim a muna. Amaa o ha wa ya chen a nyɛ ba.

Jems 2:23

Sɛm naa ba fun sɔbi a li o sɛm tɔn ti ni chen, funɛ ya wutirɛ. Ba fun sɔbi di Abraham si su Koosa. Chendaha Koosa fun nyɛ o nyinbaan deŋli o suwachak ni. Koosa gbanko fun a yir un o chɛna.

Kɔl. 1:26

O laaboor weri ti funɛ sogliu nara wati saha digi. Amaa lalaknɔ Koosa funɛ kpa unu a li gbampulim a nyɛ o nara zim un.

JɔnN Deesi 1:1

Min waa, Jɔn, la sɔbi tɔn nɔ a nyɛ Koosa tumtumsi ni di mu biksi ba chenani la zi ya lalaga. Koosa funɛ te kpa kin nama maga a sogli a zi kpa a a li gbampulim a nyɛ Yesu Kristo ni. Waa funɛ kpa a a nyɛ mu waa naa ya Yesu tumtum ni.

Ɛfɛ. 3:5

Saha digi hali lalaknɔ Koosa wa fun biksi o wu sogle ta mun. Amaa lalaknɔ o kpa au a li gbampulim a nyɛ o siim weri ti biksi o witinsi ta awa o nitumɛ ba naa o fun lisi a nyɛ o titi ni.

Ɛfɛ. 1:9

o funɛ lisiu saha digi di o zi kpa Yesu Kristou a tum o tuma hali o wa peti. O fun a tiŋ o tutɔ ti a biksi ya o wu sogle nama wɛ.

Jɔn 20:17

Yesu fun ŋɔ un, “Ta gbaŋsi min, domi mu saksiu di mu bur kila mu nyan ti wati. Kila mu gantɛl tiŋsi ta wati a la ŋɔ ba di o wa zi vusi ka mu bur la mu kunyan Koosa ti wati. Mu kunyan Koosa ti awa ma kunyan Koosa ti ya nibɛgimnɛ.”

2 Pita 1:1

Mu waa, Simɔn Pita, naa ya Yesu Kristo tumtumna awa o nitumi, min la sɔbi tɔn nɔ a nyɛ ba naa se su Yesu Kristo a chi ya se su un chen. Ya se suuli ti kaalɛɛ. Waa ya wuti tiina. Chendaha ya se suuli ti awa ma se suuli naa ma kpak un ya kibɛgim. O gbanko ya Koosa a fun yisi ya a li ya tum tagna ni.

Gal. 4:6

Ma ya o bisiwa. Chendaha Koosa fun kpa o be siim weri ti a du ma bambe ni. Chen siim weri ti nyɛ ma yir Koosa ma kunyana.

Jɔn 12:26

Ma la ŋɔ Girik tim ta ni di ba daŋni ba wa min tum tuma, ba wa tiŋ min, chen ni ba zi nyɛn doonani mu nyɛnu. Ba ya chen, mu nyan ti zi nyɛ ba jirimau.”

Jɔn 8:26

Naa funɛ tum min chen ya wuti tiinnɛ. Mu biksi tɛɛnɛ nɔ tim magawa chenani o fun ŋɔ min duŋduŋ. Chendaha mu koti a di ma sɛria a biksi ma chenani ma bambe du.”

1 Pita 1:11

Koosa siim weri naa funɛ nyɛn ba ni, fun a biksi ba di wuzu digi Kristo zi wa namsiu a sou a si a li o sou ni a na jirima kinkan a li Koosa wati. Ba funɛ lisi kin nama wɛ a kpaŋi a dɛu saha naa Kristo zi wa wa.

Jems 1:1

Mu waa, Jems, naa ya Koosa awa ya kunyana Yesu Kristo tumtumna, zaami ma naa tiŋ Yesu a pisi bawu maga niu.

Faili. 1:16

Lalaknɔ o wa bu ya yoma kinkan. O ya ya niinbe daŋnirɛ. Mu daŋni unu kinkan. Lalaknɔ i zi daŋni unu a kaali min domi o ya i yomne ka o si su ya kunyana.

Jɔn 17:26

Mu funɛ biksi ba chenani i bambi duu a ha vɛ peti. Mu zi nyɛn ba bambe niu a suŋi ba baa daŋni nara a chi chenani ii daŋni min.”

Jɔn 15:20

Ma lisi chenani mu fun ŋɔ ma di yom wa to a zen a kaali o kunyana. Ba funɛ muksi minu kinkan, adaha ba zi wa muksi ma gbanko zi nu ma sɛmau.

Jɔn 13:16

Ma nu mu sɛma nɛnɛ. Yom wa to a zen a kaali o kunyana. Nitumi wa to a zen a kaali naa tum un.

Juud 1:1

Mu waa, Juud, naa ya Yesu Kristo tumtumna awa Jems niinbe, min la sɔbi tɔn nɔ a nyɛ ma. Ya kunyana Koosa fun lisi ma a la daŋni ma ka Yesu Kristo kok ma.

Tuma 20:27

Kin naa maga Koosa daŋni o tum wa ka mu vɛ biksi ma.

Jɔn 4:19

Haan ti fun ŋɔ un, “Mu kunyana, i sɛm ta nyɛ mu zim di i ya Koosa witinsi ta digirɛ.

Luk 10:23

Yesu wa o gantɛl tiŋsi ta fun tur la li bar digi ba duŋduŋ. O fun ŋɔ ba, “Ma wa kpak nyusumu a na chenani mu fun tum.

Jɔn 16:12

“Mu kpak wu damatau a kaa ŋɔ ma, amaa ma wa kikoti a chiŋi a nu a maga.

Room 7:15

Mu wa zim mu tum ta muna. Mu wara tum chenani muu daŋni. Tum nawara mu harɛ, muu ka tum.

1 Kɔr. 2:16

Ba funɛ sɔbiu a li Koosa sɛm tɔn ti ni a pɛɛsi, “Anti zim chenani Koosa lisi du? Anti fun biksi un kundɔŋ?” Amaa ya kpak Kristo lisiu.