Jɔn 15:11 - Tampulma

¹¹ “Mu daŋni ma tusa sɔɔniu hali a wa peti a chi chenani mu tuha sɔɔni nan. Chendaha mu sɛm nan maga a nyɛ ma.

Jɔn 15:11 Referans Kwoze

Room 15:13

Ma se su Koosa naa ya bambi bɛgim tiina. Chendaha o zi nyɛ ma tu sɔɔna awa bara sɔɔna kinkan, chen ni ma bambi bɛgim naa ma kpak un ni zi zenu aa gbaari a li o siim weri ti kpok ni.

Jɔn 17:13

Lalaknɔ mu saksiu di mu bur wa i wati. Chendaha mu sumi hinu ba daha di ba tusa sɔɔni hali a la gali a chi mu kin.

Jɔn 16:24

Hali wa zinan ma ha wa sumi un kundɔŋ mu sɔn daha. Maa sumi un o zi nyɛ mau ka ma tusa sɔɔni hali a la gali.”

1 Jɔn 1:4

Ya daŋni ma tu sɔɔniu kinkan. Chendaha ya sɔbi nan wɛ a nyɛ ma.

1 Pita 1:8

Ma ha wa na un, amaa maa daŋni unu ka ma se su un. Chendaha Koosa piin nyɛ ma tu sɔɔna hali a la gali.

2 Jɔn 1:12

Mu kpak wu damatiwa a kaa ŋɔ ma, amaa mu wa zi sɔbi a a dau lalaknɔ. Mu daŋni mu wa ma watɛɛ, chen ni ya zi koti a na dɔŋau a sɛm a wɛ. Doone ya maga tusa zi sɔɔni hali a wa peti.

Jɔn 16:33

Chenani ma nyɛn tɛɛnɛ nɔ maga ni zi nyɛ ma na namsiu kinkan. Chenani ma wa min ya nibɛgim a nyɛn ka zi nyɛ ma bara sɔɔniu. Chendaha mu fun ŋɔ ma kin nama. Ma kpak ma bambe. Mu kpok ti ya kizen a kaali tɛɛnɛ nɔ tim maga kpok.”

2 Kɔr. 1:24

Ya wara daŋni ya wa gbaari chenani ma se su Yesu Kristo. Ma se piin su unu nɛnɛ. Ya ka daŋni ya wa suŋi mau ma tum were la suwachak ka ma tusa sɔɔni a gbaari.

1 Tɛs. 5:16

Ma kut kpak tu sɔɔna kinkan,

Luk 15:32

amaa n funɛ baa di i niinbe ti sowu, amaa o ha vɛɛn nyɛnu. N funɛ nyuksi unu amaa lalaknɔ n na unu. Chendaha ya kpu mu nuchamsi ti a lagmi a di diwe wa tu sɔɔni ni.’ ”

Luk 15:9

O na o malɛ ti, o tuha zi sɔɔniu kinkan. O zi yir o chɛnsau awa o dɔŋtima di ba wa lagmi o dam ni. O zi ŋɔ bau di o na o malɛ tiu. Chendaha ba nyɛ ba tusa gbanko sɔɔni.”

Filip. Tima 1:25

Mu kpak bambi kin nama wɛ ni. Chendaha mu zim di mu zi nyɛn bar nɔu a koti a suŋi ma se su un a gbaari ka ma tusa sɔɔni kinkan.

Ɛfɛ. 5:18

Ma ta nyɛ sin dɔ ma. Ma ka nyɛ Koosa siim weri ti dɔ ma.

Jɔn 3:29

Nar kpa haan, waa dɔ un. Mu chi haan fali baal chɛnnɛ. Mu wa dugli un a nu o sɛma, mu tuha yaa sɔɔniu kinkan. Nara ta wa li mu wati a la Yesu wati di o chaksi ba wa ni ni, mu tuha yaa sɔɔniu kinkan a kaali chenani o fun te sɔɔni.

Luk 15:5

O wa la na un, o tuha zi sɔɔniu kinkan. O zi zer unu a baasi a la dama,

Luk 15:23

Ma wa ya nan a peti, ma la kpak mu nuchamsi a kpu a ya diwe ya wa lagmi a di awa tu sɔɔni.