Jɔn 15:1 - Tampulma

¹ Doone Yesu fun bu ŋɔ o gantɛl tiŋsi ta ni, “Mu chi bugil pum naa ba yir ‘vain’ chene a kpak wuti. Mu nyan ti chi naa la nyini unnɛ.

Jɔn 15:1 Referans Kwoze

1 Kɔr. 3:9

Chenani Koosa dɔ ya chen, nyɛ ya wa un tum tuma. Waa dɔ ma gbanko. Ma chi o ŋmaharɛ oo kɔɔri, a chi o dɛ oo sa.

Jɔn 6:55

Mu bara ya diwe titi. Mu chɛl ti ya kinyɔɔli titi.

1 Jɔn 2:8

Amaa o vɛɛn ya chiksi falirɛ, domi lalaknɔ birsa saha kaalu, ka chaani saha ka wa di o wa chiŋi o bar chiŋi ni. Yesu wa ma tiŋ chiksi fali nɔwa.

Maak 12:1

Yesu fun bukoo jɛɛgi jɛɛgɛ a nyɛ ba, “Baal digi funɛ nyɛn doon a par o ŋma we. O fun baŋsi daasa a go un a du chɛɛnsa a baŋsi zaŋa a dɛu tumtumsa di ba wa il o ŋma we ti. O funɛ wa ya chen maga peti, o fun bu kaali tɔ bar boli.

Mat. 21:33

Yesu fun bukoo ŋɔ ba, “Ma nyɛ mu ŋɔ ma jɛɛgi digi. Baal digi funɛ nyɛn doon a par o ŋma we. O fun baŋsi daasa a go un a du chɛɛnsa a baŋsi zaŋa a dɛu tumtumsa di ba wa il o ŋma we ti. O funɛ wa ya chen maga peti, o fun bu kaali tɔ bar boli.

Jɔn 6:32

Yesu fun bu ŋɔ ba, “Wutirɛ mu ŋɔ ma, Mosis wa fun kpa diwe ta a li buudaharɛ a nyɛ ma nawaalsi ta ni. Mu kunyan Koosa ka funɛ kpa a a nyɛ ba. Lalaknɔ waa la nyɛ ma diwe titi maa di.

Luk 13:6

Doone Yesu fun jɛɛgi jɛɛgɛ a ŋɔ ba, “Baal digi funɛ du bugil o ŋmaha ni. Wuzu digirɛ o fun la di o la tɔti bugil ti nɔn. Amaa bugil ti ha wa fun nɔn.

Mat. 20:1

“Koosa koor ti chi ŋmaha tiinne. Chɔɔsa fun pisi, o li a gba di o dɛu tumtumsa ba la par o ŋmaha.

Jɔn 1:9

Waa funɛ ya fitin wuti naa funɛ wa tɛɛnɛ nɔ, chen ni nara maga zi na nyinbaanu a nyɛn nha ni.

Jɔn 1:17

Koosa funɛ te kpa o chiksɛ a nyɛ Ju tim nawaal naa ba yir Mosis ni a zi tum Yesu Kristo di o wa biksi ya o wuti awa chenani o daŋni o suŋi ya.

Mat. 15:13

Yesu fun ŋɔ o gantɛl tiŋsi ta ni, “Mu nyana naa nyɛn o tɔhɔn ti ni chi nipari yaa du o kina. Wuzu digi o zi wa ŋɔ o tumtumsi niu ba la kpirki kin naa maga o vɛ duuli a ta.

Jɔn 15:2

O yaa ŋmɛnsi hulsa a naa vɛ nɔni chenu a ta, a ŋmɛnsi a naa la nɔn chen a bura nɔn kinkan.

Room 11:17

Ju tim ta chi bugil naa Koosa fun chɔɔsirɛ. Ba yir un ‘ɔlif’. Koosa fun a teŋsi o hulsi ta bɔnɛ a ta a kpa ma a chiŋsi a bar chiŋɛ ni. O funɛ ya chene, chen ni ma wa o hulsi ta zi lagmi dɔŋ niu a la weri naa la li luti ta ni.