Jɔn 14:27 - Tampulma

²⁷ “Mu zi nyɛ ma bar sɔɔnau a chi chenani mu bara du. A wa kaali tɛɛnɛ nɔ tim maga bar sɔɔnau kinkan. Ma ta nyɛ ma bambe bure a ta ɔmi.

Jɔn 14:27 Referans Kwoze

Filip. Tima 4:7

Koosa nyɛ ma bara sɔɔni kinkan. Chen zi nyɛn ma bambe awa ma lise niu domi ma wa Yesu Kristo ya nibɛgimnɛ. Chenani o ya chen kaali chenani ya zim.

Jɔn 16:33

Chenani ma nyɛn tɛɛnɛ nɔ maga ni zi nyɛ ma na namsiu kinkan. Chenani ma wa min ya nibɛgim a nyɛn ka zi nyɛ ma bara sɔɔniu. Chendaha mu fun ŋɔ ma kin nama. Ma kpak ma bambe. Mu kpok ti ya kizen a kaali tɛɛnɛ nɔ tim maga kpok.”

2 Tɛs. 3:16

Ya kunyana naa ya bara sɔɔn tiina, waa la zi nyɛ ma bara sɔɔna saha maga, a nyɛn ma wati.

Kɔl. 3:15

Ma nyɛ Kristo nyɛ ma bara sɔɔna a dɔ ma. Koosa fun a yir ma di ma maga kpak o bara sɔɔna, chen ni ma wa un zi ya bar bɛgimu. Nan daha maa zaami Koosa saha maga.

2 Tim. 1:7

Siim weri naa Koosa fun kpa nyɛ ya chen, o wa nyɛ ya ɔm wa bambi kpaki ni, amaa o nyɛ ya o kpok ti, chen ni ya zi kotiu a daŋni nara a ya bambi tima.

Room 15:13

Ma se su Koosa naa ya bambi bɛgim tiina. Chendaha o zi nyɛ ma tu sɔɔna awa bara sɔɔna kinkan, chen ni ma bambi bɛgim naa ma kpak un ni zi zenu aa gbaari a li o siim weri ti kpok ni.

Room 8:6

Ba naa la lisi ba bara kina wɛ, Koosa zi wa ta ba yɔriu, amaa ba naa ka la lisi Koosa siim weri ti kina wɛ, ba waa kpak bara sɔɔna awa o mi fali ti.

Gal. 1:3

Ya kunyan Koosa awa ya kunyan Yesu Kristo kisuŋi ma aa kinyɛ ma bara sɔɔna.

Gal. 5:22

Amaa Koosa siim weri ti ka nyɛn ma ni, o zi nyɛ maa daŋni dɔŋau a kinyɛ ma tu sɔɔna awa bara sɔɔna saha maga. O zi nyɛ ma kpak kanyitau a tum tum were a nyɛ nara ni a ya nibin were a ya wuti tima,

Room 5:1

Lalaknɔ Koosa wa piin na ya galimsa ya se suuli daha. Ya wa un kpak nɔ bɛgimnɛ ya kunyan Yesu Kristo daha.

Jɔn 14:1

Doone Yesu fun ŋɔ o gantɛl tiŋsi ta ni, “Ma ta nyɛ ma bambe bure. Ma se su Koosa. Ma ta nyɛ ma se suuli bur gantɛl a li min ni.

Room 5:10

Ya funɛ ya Koosa dɔmawa, amaa lalaknɔ o be ti nyɛ ya wa Koosa kpak nɔ bɛgim o sou daha. Koosa funɛ lɛli un a li o sou ni. Chendaha ya gbanko kpak bambi di o zi wa yisi yau a li ya tum tagna ni hali o wa peti.

Jɔn 20:21

Doone Yesu fun bukoo ŋɔ ba, “Koosa nyɛ ma bara sɔɔna. Mu nyan ti funɛ tum min tɛɛnɛ nɔ maga ni. Chen vɛɛna, lalaknɔ mu tum ma tɛɛnɛ nɔ tim maga wati.”

Kɔl. 1:20

Koosa fun a nyɛ o be ti fun sou a li daakakli ti ni di o chɛl li, chen ni kin nawara maga nyɛn tɛɛnɛ nɔ maga awa buudaha ni wa Koosa zi kotiu a ya nɔ bɛgim a kpak bara sɔɔna.

Room 1:7

Mu zaami ma naa maga Koosa daŋni a fun lisi a nyɛ o titi niu a li Room ni. Ya kunyana Koosa awa ya kunyana Yesu Kristo suŋi ma a kinyɛ ma bara sɔɔna.

1 Kɔr. 1:3

Ya kunyan Koosa awa ya kunyan Yesu Kristo zi suŋi mau aa nyɛ ma bara sɔɔna.

Jɔn 20:19

Aleedi wuzu dusum, Yesu gantɛl tiŋsi ta fun lagmi dɔŋ ni dam ni a kpari bulzɔɔnɔsa. Ba funɛ far bulzɔɔnɔsi ta chene domi ba funɛ ɔm Ju tim tawa. Doone Yesu fun wa chiŋi ba bambaan ni a ŋɔ, “Koosa nyɛ ma bara sɔɔna”.

2 Tɛs. 1:2

Ba suŋi ma a kinyɛ ma bara sɔɔna.

Tuma 10:36

Ma zim chenani o fun tum Yesu Kristo, naa ya kina maga nyuhu tiina, di o biksi Koosa laaboor weri ti a nyɛ Ju tim ta ni a nyɛ ba nyinbaan ba wa Koosa bu ya nɔ bɛgim.

Luk 2:14

“Ma nyɛ ya nyɛ Koosa naa nyɛn o tɔha ni, jirima kinkan. Naa o fa tum zi nyɛ ba naa la ya Koosa lɛmlɛm ya nɔ bɛgim wa dɔŋ ni.”

Luk 1:79

O wara daŋni o na ya galimsa a ta ya yɔri, amaa o ka daŋni o te ya suwachakrɛ a biksi ya o bar sɔɔn nyinbaan.”

Ju 13:20

Koosa funɛ lɛli ya kunyan Yesu a li o sou ni. Ya chi o piisisiwa ka o ka ya ya nigbaŋi. O funɛ sou, o fun nyɛ Koosa wa nara bukoo ya nɔ bɛgim. Chenani o fun tum zi nyɛnu hali saha naa vɛ kpak bɔ.

Tuma 18:9

Dusum digi Pɔɔl fun na ya kunyan ti a chi o deesi ka o ŋɔ un, “Ta ɔmi. Ta bur gantɛl a li laaboor weri ti biksi ti ni,

Mat. 10:26

“Ma ŋɔ nara ni Koosa laaboor weri ti wɛ, ma ta ɔm ba. Kin nawara sogle zi wa li gbampulimu.

JɔnN Deesi 2:10

Ma ta ɔm chenani ma namsi zi wa gbaari. Sintana zi wa nyɛ ba kpak ma bɔnɛu a tɔ dɛ di o zaamsi ma a nyɛ ma namsi kinkan wuzu fi. Ba daŋni ba kpu ma, ma kpak nɛnɛ ka mu zi kpa Koosa mi fali ti a nyɛ ma.

JɔnN Deesi 1:4

Min waa, Jɔn, la sɔbi tɔn nɔ bar digi a nyɛ Yesu nitiŋɛ ba naa purige bunɔpɛ a li Azia pulum ni. Koosa naa funɛ nyɛn a ha vɛɛn nyɛn, o zi nyɛnu. O wa siimsa nɔpɛ a naa nyɛn o suwachak ni a li o tɔhɔn ni,

Ju 7:2

Abraham fun purigi o kina maga fi fi a lisi a digi a nyɛ un. Mɛlkizidɛk sɔn, o mun ya, ‘koor naa tum o tuma a deŋli’. O gbanko funɛ ya Selɛm tim koorre. Sɔn ti mun ya, ‘koor naa kpak bara sɔɔna awa nara ni’.

Jɔn 20:26

Wuzu bunɔpɛ gantɛl ni, Yesu gantɛl tiŋsi ta awa Tɔmas fun bu lagmi dam ti ni a kpari bulzɔɔnɔsi ta. Yesu fun bu wa chiŋi ba bambaan ni a ŋɔ, “Koosa nyɛ ma bara sɔɔna.”

JɔnN Deesi 21:8

Amaa ba naa bur a li mu tiŋi ni a li nara gantɛl a la tiŋ doŋ tuma a la kpu nara a la tum chɔkumsi tuma a la tum tu bilim tuma a la jɛɛmi vursa a ya nusun tima, mu zi na ba galimsau a kpa bau a yo du bɛɛŋ naa din nyɛn saha maga ni a ta ba yɔri.”

Gal. 6:16

Ba naa maga la lisi nan, Koosa zi kpak ba sikiu a kinyɛ ba bara sɔɔna. Ba waa ya Ju tima ba naa Koosa dɔ wuti ni.

Luk 10:5

Ma wa la tel dam digi a zu ka ba la ma a du, ma zaami ba a ŋɔ, ‘Koosa nyɛ ma bar sɔɔna’. Ba ka vɛ la ma duuli, Koosa wa zi nyɛ ba.

Kɔl. 1:2

Mu wa ya niinbe, Timoti, zaami ya dɔŋtima ma naa ya Koosa nara a li Kɔlɔsɛ ni aa tiŋ Kristo nɛnɛ. Ya kunyan Koosa kisuŋi ma a kinyɛ ma bara sɔɔna.

Luk 12:4

“Ma ŋɔ mau, mu chɛnsa, ma ta ɔm ba nawara koti a kpu ma bara, amaa ba wa fun koti a tum chen a kaali.